Génesis 22:9 - CHUYA QELLQA La Biblia en Quechua de Ayacucho 2012

⁹ Diospa nisqan orqoman chayaruptinkum, altarta Abraham ruwarqa, chayman yantata churaykuspanmi churintañataq chaqnaykuspa chay yantapa hawanman churaykurqa.

Quechua Ayacucho Bible 1987

⁹ Diospa nisqan lugarman chayaruptinkum Abraham rurarqa altarta hinaspam churarqa yantata. Churintapas chaknaruspami altarpi yantapa hawanman churarqa.

Chuya Qellqa 1992

⁹ Diospa nisqan orqoman chayaruptinkum, altarta Abraham ruwarqa, chayman yantata churaykuspanmi churintañataq chaqnaykuspa chay yantapa hawanman churaykurqa.

Génesis 22:9 Iomraidhean Croise

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 12:8

Chaymantam pasakurqa Bet-elpa waklawnin intipa qespimunan law orqoman, hinaspam carpanta chaypi hatarichirqa, chay kasqanmantam Bet-el llaqta rikukurqa intipa seqaykunan lawpi, Hai llaqtañataqmi intipa qespimunan lawpi. Chaypim Tayta Diospaq altarta ruwaspan payta hatuncharqa.

Génesis 13:18

Chaymi Abramqa carpanta astarqa Hebrón lawpi Mamre sutiyuq runapa encina sachankunapa kasqanman, chaypim Tayta Diosta yupaychananpaq huk altarta ruwarqa.

Génesis 22:10

Hinaspanmi Abrahamqa cuchillota hapiykurqa churinta wañuchinanpaq.

Génesis 22:8

Abrahamñataqmi nirqa: Churilláy, Diosmi sacrificiopaq carnerotaqa churamunqa, nispa. Hinaspam kuskanku rirqaku.

Génesis 8:20

Chaymantam huk altarta Tayta Diospaq Noé ruwapurqa, hinaspam sacrificanapaq kaq llapallan animalmanta, pawaq animalkunamanta chaynataq pampan puriqkunamantapas wañuchispa lliw kañana ofrendata Diosman chay altarpi ofrecerqa.

1~Reyes 18:33

Yantata churaykuspanmi torota nakarurqa hinas-pam chay yantapa hawanman churaykurqa.

Mateo 27:2

Chaymi chaqnasqata pusaspanku gobernador Pilatoman entregaykurqaku.

Marcos 15:1

Achikyaruptinmi sacerdotekunapa kamachiqninkunawan ancianokuna, Diospa leynin yachachiqkuna hinaspa cortepi kamachikuqkuna huñunakururqaku, hinaspam Jesusta chaqnaruspanku gobernador Pilatoman entregaykurqaku.

Hechos 8:32

Chay Qellqa leesqanqa kaynatam nirqa: “Nakanapaq carnerota hinam wañuchinankuman aparqaku, millwan rutuchikuq oveja hinam ñakarichiqninkunapa qayllanpi simillanta wichqaykurqa, manam imatapas rimarirqachu.

Gálatas 3:13

Leypa ñakawasqanchikmantam Cristo librawarqanchik. Paymi ñoqanchikrayku ñakasqa karqa. Chuya Qellqapim kaynata nin: “Qerupi warkusqa wañuq runaqa ñakasqayá kachun”, nispa.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Hebreos 9:28

chaynataqmi Cristopas huk kutillata achkaqpa huchankunata apaspan wañurqa. Huktawan kay pachaman kutimuspanqa manam hucha pampachaqñachu hamunqa, aswanqa suyaqninkunata salvananpaqñam.

Santiago 2:21

Ñawpaq taytanchik Abrahamtapas allinkunata ruwasqanraykum Diosqa mana huchayuqpaqña chaskirqa. Paymi churin Isaacta Diosman ofrecerqa altarpa hawanpi.

1~Pedro 2:24

Kikin Cristom chakatasqa kaspan cuerponpi tukuy huchanchikkunata aparqa, chaynapi huchapaq wañusqaña kaspa allintaña kawsananchikpaq. Cristopa heridasqa kasqanwanmi sanoyayta haypankichik.