Génesis 22:3 - CHUYA QELLQA La Biblia en Quechua de Ayacucho 2012

³ Chaymi Abrahamqa paqarinnintin tutapayta yantata asnonpi cargakuykuspa churin Isaacwan hinaspa iskay criadonkunapiwan Diospa nisqan lugarman rirqaku, churinta chaypi kañaspa Diosman ofrecemunanpaq.

Quechua Ayacucho Bible 1987

³ Chaymi Abraham tutapayta hatarispa asnota caronarqa hinaspam iskay sirvientenkunata pusarikuspa rirqa churin Isaacpiwan. Chitqarqataqmi yantatapas churinta wañuchispa kañananpaq hinaspam rirqaku Diospa nisqan lugarman.

Chuya Qellqa 1992

³ Chaymi Abrahamqa paqarinnintin tutapayta yantata asnonpi cargakuykuspa churin Isaacwan hinaspa iskay criadonkunapiwan Diospa nisqan lugarman rirqaku, chaypi churinta kañaspa Diosman ofrecemunanpaq.

Génesis 22:3 Iomraidhean Croise

Génesis 17:23

Chaynapim Abrahamqa chay punchawpi señalarqa churin Ismaelta, wasinpi naceqkunata chaynallataq qollqenwan rantisqan esclavonkunatapas. Diospa nisqanman hinam qari kayninkupa qarachanta kuchuspan señalarqa.

Génesis 21:14

Chaymi paqarinnintin tutapayta Abraham hatarispa mikuyta qoqawchaykuspa odrepi yakutawan qoykuspa Agarta warmantinta aviarurqa. Agarñataqmi ripukuspan Beerseba chunniqpi mana maymanpas yaykuykunanpaq kaptin purillarqa.

Génesis 22:18

Kasuwasqaykiraykum kay pachapi lliw runakuna miraynikitakama bendecisqa kanqaku”, nispa.

Génesis 22:2

Chaymi Dios nirqa: Moriah lawman riy kuyasqayki sapallan churiki Isaacta pusarikuspa, chaypi payta kañaspa ofrecemuway, ñoqam nisqayki mayqan orqopim ruwanaykitapas, nispa.

Génesis 22:4

Kimsa punchaw puriypiñam karullamantaraq chay lugarta Abraham rikururqa.

Eclesiastés 9:10

Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Mateo 10:37

Pipas tayta-mamanta ñoqamanta masta kuyaqqa manam ñoqapaq hinachu, pipas wawa-churinta ñoqamanta masta kuyaqqa manataqmi ñoqapaq hinachu.

Lucas 14:26

Pipas qatiwayta munaqqa, taytan-mantapas, mamanmantapas, warmin-mantapas, churinkunamantapas, wawqen-kunamantapas, paninkunamantapas hinaspa kikinpa vidanmantapas mastaqa ñoqatam kuyawanan. Mana chayna kaspaqa manam discipuloyqa kanmanchu.

Gálatas 1:16

Churin Jesucristotam reqsiykachiwarqa mana judío kaqkunamanpas allin noticiata willakamunaypaq. Jesucristomanta yachanaypaqqa manam ima runatapas tapurqanichu,

Hebreos 11:8

Iñiyllawanmi Abrahampas, Dios qayaykuptin kasukurqa, hinaspam llaqtanmanta lloqsirqa herencia chaskinan allpaman, chaymi lloqsirqa mana maymanpas rinanta yachastin.

Josué 3:1

Paqarinnintin tutapaytam Josueywan Israelpa llapallan mirayninkuna, Sitim lawmanta lloqsispanku Jordán mayukama chayarurqaku, ichaqa manaraq chimpachkaspam chaypi samarurqaku.

Josué 8:10

Paqarinnintin tutapayta hatariruspanmi tropankunata Josué alistaykuspan, Israelpa ancianonkunawan kuska, Hai llaqtapa contranpi tropankunapa ñawpaqninta rirqa.