Génesis 22:17 - CHUYA QELLQA La Biblia en Quechua de Ayacucho 2012

¹⁷ Anchata bendecispaymi chaskakunata chaynataq lamar qochapa patanpi aqota hinaña mirachisqayki. Miraynikikunam enemigoykikunapi munaychakunqa.

Quechua Ayacucho Bible 1987

¹⁷ Anchallataña bendecispaymi mirachisqayki lucerokunata hinaspa lamar qochapa patanpi aqota hinaña, chaymi miraynikikuna enemigonkunata vencenqa.

Chuya Qellqa 1992

¹⁷ Anchata bendecispaymi chaskakunata chaynataq lamar qochapa patanpi aqota hinaña mirachisqayki. Miraynikikunam enemigoykikunapi munaychakunqa.

Génesis 22:17 Iomraidhean Croise

Génesis 12:2

Miraynikikunamantam hatun nacionta hatarichisaq, bendecisqaykim, ancha reqsisqatam ruwasqayki, qamraykum llapa runakunatapas bendecisaq.

Génesis 13:16

Miraynikikunatam ñutu allpata hinaña mirachisaq, manam pipas yupayta atinqachu.

Génesis 15:5

Abramta Tayta Dios hawaman pusaruspan nirqa: Qaway cielopi chaskakunata, ¿yupayta atiwaqchu? Wakna mana yupay atinam miraynikikunapas kanqa, nispa.

Génesis 17:6

Anchallataña mirachiptiymi qanmanta hatarinqa reykuna chaynallataq nacionkunapas.

Génesis 24:60

Chaymi Rebecata kaynata bendecirqaku: Panillayku, wara-waranqa runakunayá qanmanta mirachun. Miraynikikunayá enemigonkuta vencechunku, nispanku.

Génesis 25:11

Abraham wañukuptinmi churin Isaacta Dios bendecirqa; Isaacqa yacharqa “Rikuqniy Kawsaq Diospa Pozon” sutiyuq lugarpa hichpanpim.

Génesis 26:24

Chay tutam Tayta Dios rikuriykuspan nirqa: Taytayki Abrahampa Diosninmi kani. Ama manchakuychu qanwanmi kachkani. Ñoqam bendecisqayki, serviqniy Abrahamraykum miraynikikunatapas mirachisaq, nispa.

Génesis 26:4

Miraynikikunatam cielopi chaskakunata hinaña mirachisaq, kay allpakunatam miraynikikunaman qosaq. Kay pachapi llapallan nacionkunam miraynikirayku bendecisqa kanqaku.

Génesis 28:3

Tukuy Atiyniyuq Tayta Diosyá bendecisunki churisapallaña kanaykipaq, chaynapi qanmanta achka nacionkuna lloqsinanpaq.

Génesis 28:4

Abrahamman prometesqan bendicionnintayá qanmanwan miraynikikunaman qosunkichik, chaynapi mana llaqtayuq hina yachasqanchik allpa qamkunapaña kananpaq, nispa.

Génesis 32:12

Qamtaqmi niwarqanki: “Ñoqam yanapasqayki allin kanaykipaq chaynataq lamar qochapi aqo hinaña mana yupay atina mirayniyuq kanaykipaq”, nispayki.

Génesis 32:13

Chay tutam Jacob chaypi puñururqa, hinaspam akllarqa kapuqninkunamanta wawqen Esauman qonanpaq:

2~Samuel 17:11

Chaynaqa, kaytam consejayki: Dan llaqtamanta qallarispa Beerseba llaqtakama lliw Israel nacionpi soldadokunata huñuruy, paykunaqa lamar qochapa patanpi aqo hinañam kachkanku, ichaqa qampunim guerrapi peleanankupaq pusanki.

1~Reyes 4:20

Israelpawan Judapa runankunaqa lamar qochapa patanpi aqo hina manaña yupay atinam karqaku. Paykunam mikukuypi upyakuypi kaspanku kusisqallaña kawsakurqaku.

1~Reyes 9:26

Rey Salomonmi ruwachirqa barcokunata Puka lamar qochapa patanpi kaq Ezión-geber llaqtapi. Chay llaqtaqa kachkan Edom lawpi Elat llaqtapa hichpanpim.

1~Crónicas 27:23

Tayta Diosmi prometerqa Israel runakunata cielopi chaskakunata hina-ña mirachinanpaq, chayraykum Davidqa mana yupachirqachu iskay chunka watanman manaraq chayaq runakunataqa.

2~Crónicas 1:9

Chaynaqa, Dios Taytalláy, taytay Davidman prometesqaykiyá cumplikuchun, qanmi ñutu allpa hinaña nana-nanaq runakunapi munaychakunaypaq churaykuwarqanki.

Nehemías 9:23

Churinkutapas cielopi chaskakunata hinañam qorqanki, hinaspam ñawpaq taytaykuman prometesqayki allpaman pusarqanki.

Éxodo 32:13

Serviqniki Abrahamman, Isaacman hinaspa Israelman jurasqaykita yuyariy, paykunatam nirqanki: “Ñoqam cielopi chaskakunata hina miraynikichikta mirachispay prometesqay allpata qosaq, chaynapi wiñaypaq herencianku kananpaq”, nispa.

Isaías 48:19

Miraynikikunapas manaña yupay atinam kanman karqa, lamar qochapi aqo hinañam kanman karqa, sutinpas manam chinkachisqachu kanman karqa, qayllaymantapas manam chinkachisqachu kanman karqa.

Jeremías 32:22

Ñawpaq taytaykuman juraspa prometesqayki allpatam, tukuy imapa qespinan chaynataq tukuy imapa kanan allpatam paykunaman qorqanki.

Jeremías 33:22

Serviqniy Davidpa mirayninkunatawan Leviypa mirayninkunatam achkallataña mirachisaq, cielopi chaskakuna hina chaynataq lamar qochapa patanpi aqokuna hina manaña yupay atina kanankukama, nispa.

Oseas 1:10

Chaywanpas, Israelpa mirayninkunaqa lamar qochapa patanpi mana yupay atina aqo hinañam kanqaku. “Qamkunaqa manam llaqtanchu kankichik nisusqaykichik sitiopim”, “qamkunaqa kawsaq Diospa llaqtanñam kankichik nispa”, nisunkichik.

Oseas 2:1

Wawqekichikta “Diospa llaqtan”, niychik, panikichiktañataq “llakipayana”, niychik.

Miqueas 1:9

Samariapa heridanqa mana hampiy atinam, chay heridanmi Judá nacionkamaña chayarun, yachanay llaqtapa punkunkamañam, Jerusalén llaqtapa punkunkamañam chayarun.

Romanos 4:13

Diosmi kay pachata herencianku kananpaq Abrahammanwan mirayninkunaman prometerqa. Ichaqa kay promesataqa qorqa manam leyta kasukuptinkuchu aswanqa iñisqakuraykullam.

Romanos 9:27

Israelpa mirayninmantam profeta Isaías nirqa: Lamar qochapi aqo hinaña kachkaspapas Israelpa mirayninkunaqa wakillanmi salvakunqa.

1~Corintios 15:57

Ichaqa Diosman gracias kachun Señor Jesucristowan vencesqanchikmanta.

Efesios 1:3

Señorninchik Jesucristopa Dios Taytanyá qapaqchasqa kachun, paymi Cristowan huklla kasqanchikrayku hanaq pachamanta kaq espiritual bendicionkunata qoykuwanchik, hanaq pachapiñapas kachkachwanchik hina.

Deuteronomio 1:10

Señornikichik Tayta Diosmi llumpayta mirarachisunkichik, chaymi kunanqa cielopi chaskakuna hinaña kachkankichik.

Deuteronomio 1:11

Ñawpaq taytanchikkunapa yupaychasqan Tayta Diosyá kunan kasqaykichikmantapas waranqa kutitawanraq mirachisunkichik, hinaspayá prometewasqanchikman hina bendecisunkichik.

Deuteronomio 10:22

Ñawpaq taytaykichikkunaqa qanchis chunka runakunallam Egipto nacionman yaykurqaku, ichaqa Señornikichik Tayta Diosmi yaqa cielopi chaskakunata hinaña mirarachisunkichik.

Deuteronomio 13:17

Chay pasaypaq chinkachisqa kaq-kunamantaqa amam imatapas hapikuykunkichikchu, chaynapim Tayta Diospas qamkunawan mana piñakunqachu, aswanqa kuyasuspaykichikmi achkallataña mirachisunkichik, imaynam ñawpaq taytaykichikkunaman prometesqanman hina.

Deuteronomio 13:18

Chaynataqa ruwanqa kunan kamachisqayman hina Señornikichik Tayta Diosta kasukuspa kamachisqankunatapas ruwayman churaptikichikmi chaynataq paypa munasqanman hina kawsaptikichikmi.

Deuteronomio 21:19

hinaptinqa tayta-mamanmi hapiruspanku llaqtapi ancianokunaman pusanqaku.

Hebreos 11:12

Chayraykum Abrahampa wañukunanpaq hina yuyaqña kachkaptinpas mirayninqa cielopi chaskakuna hinaña nacerqa hinaspa lamar qochapa patanpi aqo hinaña mana yupay atina kanankama.

Hebreos 6:14

Paymi nirqa: Anchallatañam bendecisqayki, chaynataqmi miraynikikunatapas anchallataña mirachisaq, nispa.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.