Génesis 22:1 - CHUYA QELLQA La Biblia en Quechua de Ayacucho 2012

¹ Kaykuna pasaruptinmi Abrahamta pruebaspan Dios nirqa: Abraham, nispa. Payñataqmi nirqa: Kaypim kachkani, nispa.

Quechua Ayacucho Bible 1987

¹ Kaykuna pasaruptinmi Abrahamta Dios pruebaspam nirqa: —Abraham —nispa. Hinaptinmi payñataq nirqa: —Niwayá —nispa.

Chuya Qellqa 1992

¹ Kaykuna pasaruptinmi Abrahamta pruebaspan Dios nirqa: Abraham, nispa. Payñataqmi nirqa: Kaypim kachkani, nispa.

Génesis 22:1 Iomraidhean Croise

Génesis 15:1

Chaykunapa qepantam Abramman rikuriykuspan Tayta Dios nirqa: Abram, ama manchakuychu, ñoqam waqaychasqayki, llumpaytataqmi apuyachisqaykipas, nispan.

Génesis 21:11

Chaynata niruptinmi, churin Ismaelmanta Abraham llumpayta llakikurqa.

Génesis 22:11

Chaymi Tayta Diospa angelnin cielomanta nimurqa: ¡Abraham, Abraham! nispa. Hinaptinmi Abraham nirqa: Kaypim kachkani, nispa.

Génesis 22:7

Chaymantam taytanta Isaac nirqa: Taytáy, nispa. Payñataqmi nirqa: Imatam ninki churilláy, nispa. Chaymi Isaac nirqa: Kaypim kachkan yantapiwan nina, ¿maytaq wañuchispa kañanapaq carneroqa? nispa.

Génesis 37:13

Chaymi Joseyta Israel nirqa: Wawqekikunam Siquem lawpi ovejata michichkanku, paykunata watukaramuy, nispa. Joseyñataqmi nirqa: Rirusaqyá, nispa.

Génesis 46:2

Chay tutam Israelta mosqoyninpi rimapayaspan Dios nirqa: Jacob, Jacob, nispan. Payñataqmi nirqa: Kaypim kachkani, nispa.

2~Samuel 24:1

Tayta Diosmi Israel nacionpa contranpi huktawan piñakururqa, hinaspam Davidpa sonqonman Israel runakunata yuparuy munayta churarurqa.

2~Crónicas 32:31

Babilonia lawpi kamachikuqkunam runankunata kachamurqaku Judá nacionpi milagro apakusqanmanta yachanankupaq. Ezequiaspa sonqonpi tukuy ima kaqkunata pruebananpaqmi paymanta Tayta Dios karunchakururqa.

Éxodo 16:4

Chaymi Moisesta Tayta Dios nirqa: Ñoqam parata hina cielomanta mikuyta chayachimusaq. Runakunañataqmi lloqsispanku, huk punchaw mikunankupaq kamaqllata sapa punchaw huñunqaku, chaynapim yachasaq yachachikuyniyman hina kawsasqankuta otaq mana chayna kawsasqankutapas.

Éxodo 3:4

Moisespa risqanta qawaspanmi, tankar kichkamanta Tayta Dios qayamurqa: ¡Moisés, Moisés! nispa. Payñataqmi nirqa: ¿Imata, Señor? nispa.

Proverbios 17:3

Crisolpim qollqetaqa chulluchinku, hornopim qoritaqa chulluchinku, Diosñataqmi runapa sonqonta chuyanchan.

Isaías 6:8

Chaymantam Tayta Diospa kayna nisqanta uyarirqani: ¿Pitataq kachasaq? ¿Pitaq ñoqaykupa rantiykupi willakamunqa? niqta. Chaymi ñoqa nirqani: Kayqaya ñoqa kaypi kachkani, ñoqatayá kachaway, nispay.

1~Corintios 10:13

Tentasqa kasqaykichikqa manam wakinkunapa tentasqa kasqankumantaqa maschu. Ichaqa Diosmi hapipakuna kasqanrayku mana munanqachu mana aguantay atinaykichikkama tentasqa kanaykichiktaqa. Tentacionkuna hamuptinqa Diosmi yanapasunkichik chaymanta lloqsinaykichikpaq.

Deuteronomio 13:3

hinaptinqa amam kasunkichikchu. Chaywanqa Señornikichik Tayta Diosmi pruebasuchkankichik, cheqapchus icha manachus tukuy sonqoykichikwan, tukuy vidaykichikwan payta kuyasqaykichikta yachananpaq.

Deuteronomio 8:16

Chunniqpim “maná” sutiyuq mikuyta mikuchisurqankichik, ñawpaq taytanchikkunapapas mana reqsisqan mikuyta. Chaykunatam uchuychasunaykichikpaq hinaspa pruebasunaykichikpaq ruwarqa, chaynapi chay pruebakuna tukusqa kaptin allinnikichikpaqña kananpaq.

Deuteronomio 8:2

Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

Hebreos 11:17

Iñiyllawanmi Abrahampas, pruebasqa kaspan churin Isaacta Diosman ofrecerqa. Promesakuna chaskiq Abrahammi sapallan piwi churinta Diosman ofrecerqa.

Santiago 2:21

Ñawpaq taytanchik Abrahamtapas allinkunata ruwasqanraykum Diosqa mana huchayuqpaqña chaskirqa. Paymi churin Isaacta Diosman ofrecerqa altarpa hawanpi.

1~Pedro 1:7

Qoripa allin kas-qantapas otaq mana allin kasqantapas yachanapaqqa ninapim chulluchinku, chaynam iñiynikichikpas pruebasqa kanqa. Tukuruqlla qorimantapas chay iñiynikichikmi aswanqa valen. Jesucristo rikurimuptinmi chay iñiynikichikqa alabasqa, qapaqchasqa hinaspa hatunchasqa kanqa.

Jueces 2:22

Chay nacionkunawanmi Israelpa mirayninkunata Tayta Dios pruebarqa, chaynapi kasukusqankuta otaq mana kasukusqankutapas yachananpaq, ñawpaq taytankuqa paypa munasqanman hinam kawsarqaku.

1~Samuel 3:4

Samuelta Tayta Dios qayarqa: ¡Samuel, Samuel! nispan. Samuelñataqmi, nirqa: “Kaypim kachkani”, nispan.