Génesis 21:23 - CHUYA QELLQA La Biblia en Quechua de Ayacucho 2012

²³ Kunanyá Diosrayku prometewayku ñoqatapas, churiykunatapas chaynataq willkaykunatapas ama imanawanaykikupaq. Contrato ruwasqanchikman hinayá ruway ñoqawanpas, chaynallataq kay yachasqayki allpapi runakunawanpas, nispa.

Quechua Ayacucho Bible 1987

²³ Kunanyá juramentawayku Diosrayku chaynapi ñoqatapas churiykunatapas chaynataq willkaykunatapas ama engañawanaykikupaq. Ichaqa contrato rurasqanchikman hinayá ruray imaynam ñoqapas qanwan rurasqayman hina, hina chaynallatayá ruray forastero hina kay *f**yachasqayki allpapi runakunatapas —nispa.

Chuya Qellqa 1992

²³ Kunanyá Diosrayku prometewayku ñoqatapas, churiykunatapas chaynataq willkaykunatapas ama imanawanaykikupaq. Contrato ruwasqanchikman hinayá ruway ñoqawanpas, chaynallataq kay yachasqayki allpapi runakunawanpas, nispa.

Génesis 21:23 Iomraidhean Croise

Génesis 20:14

Chaymi Abrahamman Abimelec qoykurqa ovejakunata, vacakunata, criadakunata, criadokunata, warmin Saratapas kutichipurqataqmi.

Génesis 21:24

Chaymi Abraham nirqa: Arí, prometekim, nispa.

Génesis 24:3

hinaspayá cielokunapi chaynataq kay pachapi munaychakuq Tayta Diosrayku prometeway, kay yachasqay Canaán allpapi warmiwanqa churiyta ama casarachinaykipaq.

Génesis 26:28

Chaymi paykunañataq nirqaku: Yachanikum Tayta Dios qanwan kasqanta, chaymi piensarqaniku juraspa qanwan pacto ruwayta, chay pactoqa kaynam kanqa:

Génesis 31:44

Kunanyá contratota ruwasun, chaynapi contrato ruwasqanchik ñoqanchikpaq testigo kananpaq, nispa.

Génesis 31:53

Mana chayna kaptinqa Abrahampa, Nacorpa Diosninyá juzgawasunchik, nispa. Chaymi Jacobqa taytan Isaacpa yupaychasqan Diosrayku jurarqa.

Génesis 39:3

Potifarmi qawarqa Joseywan Tayta Dios kasqanta chaynataq tukuy ruwasqanpipas yanapasqanta.

Génesis 47:31

Joseyta hikutaspanmi Jacob nirqa: Juraykuway, nispan. Chaymi José juraykuptin Israelqa sawnanpa hawanman kumuykurqa.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

2~Corintios 1:23

Ichaqa almayraykum Diosta tes-tigopaq churani, qamkunata llakipayaspaymi Corinto llaqtamanqa manaraq hamurqaniraqchu.

Deuteronomio 6:13

Señornikichik Tayta Diostam kasukuspa servinkichik, paypa sutillanpitaqmi jurankichikpas.

Hebreos 6:16

Runakuna juraspaqa paykunamanta aswan atiyniyuqpa sutinpim juranku imam rimasqankuta ruwayman churanankupaq hinaspa ima chaqwatapas upallachinankupaq.

Josué 2:12

Ruegakuykichikmi, Tayta Diosraykuyá juraykuwaychik, imaynam qamkunata llakipayasqayta hina, qamkunapas aylluykunata llakipayarinaykichikpaq. Huk señaltayá qoykuwaychik,

1~Samuel 20:13

Taytay mana allin ruway munasusqaykita mana willaykamuptiyqa chaynataq hawkalla ayqekunaykipaq mana yanapaptiyqa, Diosyá llumpayta castigawachun. Diosyá yanapasunki imaynam taytaytapas yanapasqanta hina.

1~Samuel 20:17

Chaymi Jonatanwan David huktawan jurarqaku. Jonatanmi Davidta kikinta hina kuyarqa.

1~Samuel 20:42

Chaymantam Davidta Jonatán nirqa: Hawkalla pasakuy, Tayta Diospa sutin-pim jurarqanchik kaynata nispa: Diosmi testigo wiñaypaq amigo kasqanchikmanta chaynataq mirayninchikkunawanpas, nispa. David pasakuptinmi Jonatanpas llaqtaman kutikurqa.

1~Samuel 30:15

Chaymi David tapurqa: ¿Yaqachu pusaruwankiman chay suwakunapa kasqanman? nispa. Hinaptinmi chay runa nirqa: Diosrayku mana wañurachiwanaykipaq chaynataq patronniyman mana hapiykachiwanaykipaq juraykuwaptikiqa pusarusqaykim, nispa.