Génesis 21:17 - CHUYA QELLQA La Biblia en Quechua de Ayacucho 2012

¹⁷ Diosmi warmapa qaparisqanta uyarirqa. Chaymi cielomanta Diospa angelnin Agarta nimurqa: ¿Agar imataq pasasunki? Ama manchakuychu, warmapa waqasqantam Dios uyarirun.

Quechua Ayacucho Bible 1987

¹⁷ Diosmi warmapa qaparisqanta uyarirqa. Diospa angelninñataqmi cielomanta qayamuspan Agarta nirqa: —¿Imanantaq Agar? Ama manchakuychu, warmapa qayakuynintam Dios uyarirun.

Chuya Qellqa 1992

¹⁷ Diosmi warmapa qaparisqanta uyarirqa. Chaymi cielomanta Diospa angelnin Agarta nimurqa: ¿Agar imataq pasasunki? Ama manchakuychu, warmapa waqasqantam Dios uyarirun.

Génesis 21:17 Iomraidhean Croise

Génesis 15:1

Chaykunapa qepantam Abramman rikuriykuspan Tayta Dios nirqa: Abram, ama manchakuychu, ñoqam waqaychasqayki, llumpaytataqmi apuyachisqaykipas, nispan.

Génesis 16:11

Wiksayuqmi kachkanki, qari wawata wachakuspaykim Ismaelwan sutichanki. Waqasqaykitam Tayta Dios uyarirusunki.

Génesis 16:7

Lluptikuspanmi chunniqpi pukyuman chayarurqa, chay pukyum Shur lawman riq ñanpi tarikun. Chaypi kachkaptinmi Diospa angelnin tariykurqa,

Génesis 16:8

hinaspam nirqa: Saraipa esclavan Agar ¿Maymantataq hamuchkanki? ¿Maymantaq richkanki? nispa. Agarñataqmi nirqa: Patronay Saraipa qayllanmantam ayqekuchkani, nispa.

Génesis 16:9

Chaymi Tayta Diospa angelnin nirqa: Patronaykipa qayllanman kutiy hinaspa humillakuspa kasukuy.

Génesis 22:11

Chaymi Tayta Diospa angelnin cielomanta nimurqa: ¡Abraham, Abraham! nispa. Hinaptinmi Abraham nirqa: Kaypim kachkani, nispa.

Génesis 24:7

Tayta Diosmi taytaypa wasinmanta, aylluykunapa llaqtanmanta hurqomuwaspan jurawarqa: Kay allpatam miraynikikunaman qosaq, nispa. Paymi angelninta ñawpaqnikita kachanqa, churiypaq warmita wakmanta pusamunaykipaq.

Génesis 26:24

Chay tutam Tayta Dios rikuriykuspan nirqa: Taytayki Abrahampa Diosninmi kani. Ama manchakuychu qanwanmi kachkani. Ñoqam bendecisqayki, serviqniy Abrahamraykum miraynikikunatapas mirachisaq, nispa.

Génesis 46:3

Chaymi Dios nirqa: Ñoqam kani Dios, taytaykipa Diosnin. Ama manchakuychu Egipto nacionman riytaqa, chaypim hatun nacionta qanmanta hatarichisaq.

2~Reyes 13:23

Ichaqa Tayta Diosmi paykunata kuyapayaspan llakipayarikurqa, chaynataqa ruwarqa Abrahamwan, Isaacwan hinaspa Jacobwan pactota ruwasqankuraykum, chaymi kunan punchawkama paykunataqa mana chinkarachirqachu nitaqmi qayllanmantapas wischururqachu.

2~Reyes 13:4

Hinaptinmi Tayta Diosta Joacaz qayakurqa, chaymi Israel runakunapa ñakarisqanta qawaspan Joacazpa mañakusqanta Tayta Dios uyariykurqa; paykunataqa Siria nacionpa reyninmi ñakarichirqa.

Éxodo 14:13

Chaymi runakunata Moisés nirqa: Ama manchakuychikchu, allinta sayaychik hinaspa Tayta Diospa salvawasqanchikta kunan qawaychik, wak Egipto runakuna qawasqaykichiktaqa manañam haykapipas rikunkichikñachu.

Éxodo 22:23

Sichum ñakarichiptiki pay-kuna qayakamuwaptinkuqa uyarisaqpunim.

Éxodo 22:27

chaylla maytukuykunanpaq kasqanrayku. Mana chayqa, ¿imapitaq puñunman? Chay runa qayakamuwaptinqa kuyapayakuq kasqayraykum uyarisaq.

Éxodo 3:2

Chaypim Tayta Diospa angelnin rikuriykurqa, ninawan lenwachkaq tankar kichkapa chawpinpi. Moisés sumaqta qawaykuptinmi chay tankar kichkaqa rupaspapas mana kañakurqachu

Éxodo 3:7

Hinaptinmi Tayta Diosqa nirqa: Llaqtaypa Egipto nacionpi ñakarisqantam qawachkani, llamkachiqninkuna ñakarichiptin waqasqankutam uyarichkani, yachanitaqmi nanaypi kasqankutapas.

Isaías 22:1

Revelación chaskina qechwapa contranpim Isaías kaynata nirqa: ¿Imanarusunkichiktaq, imaynanpitaq wasi hawanman lliw qespirunkichik?

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Mateo 15:32

Discipulonkunata qayaspanmi Jesús nirqa: Kay runakunamantam llakikuni, paykunaqa kimsa punchawñam ñoqawan kachkanku, manam imapas mikunankupaq kanchu. Mana mikusqataqa manam wasinkuman kutichiymanchu, yanqañataqmi ñanpi desmayarunmanku, nispan.

Marcos 5:36

Jesusñataqmi chay nisqankuta mana uyariqpas tukuspan Jairota nirqa: Ama manchakuychu, iñiy hinalla, nispa.

Deuteronomio 26:7

Chaymi Tayta Diosta, ñawpaq taytanchikkunapa Diosninta mañakuptinchik uyariykuwarqanchik, hatun llakikuypi kasqanchiktapas, tukuy imapi llamkasqanchiktawan ñakarichiwasqanchiktapas qawarqam.

Jueces 18:23

Qayaykachakusqankuta uyariruspankum, Dan ayllukunaqa muyuriykamuspanku Micaiata nirqaku: ¿Imataq pasasunki qayaykachamuwanaykikupaq? nispanku.

1~Samuel 11:5

Chayllamanmi Saulqa chakramanta chayaramurqa torokunata qatirikuspa, hinaspam tapukurqa: ¿Imanasqataq llapa runakuna wa-qachkanku? nispa. Chaymi Saulman Jabes llaqtayuq runakunapa noticia apamusqanta willaykurqaku.