Génesis 20:5 - CHUYA QELLQA La Biblia en Quechua de Ayacucho 2012

⁵ Kikin Abrahammi niwarqa: “Paniymi” nispa, Sarapas niwarqataqmi: “Turiymi” nispa, allin sonqoywanmi kaytaqa ruwarqani, manam llullaytachu, nispa.

Quechua Ayacucho Bible 1987

⁵ Kikin Abrahanmi niwarqa: “Paniymi”, nispa, Sarapas niwarqataqmi: “turiymi” nispa, allin sonqoywanmi kaytaqa rurarqani, manam llullaytachu —nispa.

Chuya Qellqa 1992

⁵ Kikin Abrahammi niwarqa: “Paniymi” nispa, Sarapas niwarqataqmi: “Turiymi” nispa, allin sonqoywanmi kaytaqa ruwarqani, manam llullaytachu, nispa.

Génesis 20:5 Iomraidhean Croise

Génesis 12:13

Mana wañuchiwanankupaqyá paniy kasqaykita ninki, chaynapi qamrayku allin kanaypaq hinaspa kawsanaypaq, nispa.

Génesis 20:13

Taytaypa wasinmanta mana llaqtayuq hina purinaypaq Dios hurqoramuwaptiymi, warmiyta nirqani: Ama hina kaspaykim maylaw llaqtaman chayaptinchikpas turiymi niwanki, nispay.

Génesis 20:16

Saratapas nirqataqmi: Kunanmi chunka hukniyuq kilo parten qollqeta turikiman qoni, chaymi kanqa qanwan llapallan kaqkunapa qayllanpi chaynataq lliwpa qayllanpi honorniki mana penqaypi kananpaq, chaynapi respetasqa kanaykipaq, nispa.

1~Reyes 9:4

Sichum taytayki David hina kawsaspa tukuy sonqoykiwan mana pantaspa lliw kamachisqaykunata ruwayman churaptikiqa chaynataq yachachikuyniykunatawan decretoykunata kasukuptikiqa,

2~Reyes 20:3

Dios Taytalláy mañakuykim, qayllaykipi cheqap sonqowan kawsasqayta hinaspa qampa munasqaykiman hina ruwasqaytayá yuyariykuy, nispa. Chaynata niruspanmi Ezequiasqa llumpayta waqakurqa.

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

Jobwan Sutichasqa Libro 33:9

“Ñoqaqa chuyam kani, manam imapipas pantarqanichu, mana huchayuqmi kani, manam ima mana allintapas ruwarqanichu.

Proverbios 11:3

Allin kawsakuq runataqa allin kawsakuyninmi kawsachin; iskay uya runatam ichaqa iskay uya kaynin chinkachin.

Proverbios 20:7

Allin ruwaq runaqa allin kawsakuypim purin, churinkunapas pay hina kawsaspankuqa ancha kusisqam kanqaku.

Daniel 6:22

Dios-niymi angelninta kachamuspan leon-kunapa siminta wichqarurqa mana imanawananpaq. Diosqa yachanmi mana huchayuq kasqayta chaynataq qayllaykipipas ima mana allintapas mana ruwasqayta, nispa.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

1~Tesalonicenses 2:10

Qamkunapas chaynataq Diospas yachanmi, iñiqkunapa qayllanpiqa allin kaqkunata ruwaspa, Diosllapaqña pipapas mana ima nisqan kawsas-qaykuta.

1~Timoteo 1:13

Ñawpaqtaqa ñoqaqa Diospa contranpim karqani, paypi iñiqkunatam qatikacharqani, chaynata ruwaspaymi payta piñachirqani. Ichaqa Diosmi llakipayariykuwarqa manaraq iñisqayrayku mana yachaywan chayta ruwasqaymanta.

Josué 22:22

Dioskunapapas Diosnin Señorninchik Tayta Diosmi yachan, chaytaqa manam paypa contranpi hatarispaykuchu nitaqmi payta qepanchaspaykuchu ruwarqaniku. Paymi yachan, qamkunapas yachaychikyá, sichum chayrayku ruwaptiykuqa, lliwtayá kunan wañurachiwayku.