Génesis 2:8 - CHUYA QELLQA La Biblia en Quechua de Ayacucho 2012

⁸ Tayta Diosmi Edenpi, intipa qespimunan lawpi huk huertata ruwarqa, chaymanmi ruwasqan runata churarqa.

Quechua Ayacucho Bible 1987

⁸ Tayta Diosmi intipa qespimunan law Edenpi huertata rurarqa. Chaymanmi rurasqan runata churarqa.

Chuya Qellqa 1992

⁸ Tayta Diosmi Edenpi, intipa qespimunan lawpi huk huertata ruwarqa, chaymanmi ruwasqan runata churarqa.

Génesis 2:8 Iomraidhean Croise

Génesis 13:10

Hinaptinmi Lot qawarirqa Jordán mayupa qechwankunata Zoar llaqtakama yakuyuq kasqanta, Tayta Diospa huertan hinaraq kasqanta, Egipto allpamanraqmi rikchakurqa. Chaynaqa karqa Sodomatawan Gomorrata Tayta Dios manaraq purmarachichkaptinmi.

Génesis 3:23

Chaymi Tayta Dios Edén huertamanta runata qarqorurqa allpata llamkananpaq, payqa allpamanta ruwasqam karqa.

Génesis 3:24

Runata qarqoruspanñataqmi, huertapa inti qespimunan lawninpi querubinkunata churarurqa, churarqataqmi ratachkaq espadatapas, chay espadam kaylawman waklawman muyurqa, chaynapi kawsay qokuq sachaman riq ñanta waqaychananpaq.

Génesis 4:16

Cainmi Tayta Diospa qayllanmanta lloqsispan Nod allpapi yacharqa, Nodqa tarikurqa Edenpa inti qespimunan lawninpim.

2~Reyes 19:12

Ñawpaq taytaykunapa tuñichisqan Gozán llaqtata, Harán llaqtata, Resef llaqtata chaynataq Telasar llaqtapi yachaq Edenpa mirayninkunata ¿yaqachu diosninku librarqa?

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Ezequiel 27:23

Harán, Cane, Edén, Sabá, Asiria hinaspa Quilmad nacionniyuq runakunapas qanwanmi negociota ruwaqku.

Ezequiel 28:13

Qamqa Edén lawpi Diospa huertanpim karqanki, tukuy rikchaq alhaja rumikunawan pachasqam karqanki: Cornerinawan, topaciowan, jaspewan, crisolitowan, berilowan, onicewan, zafirowan, carbunclowan, esmeraldawan hinaspa qoriwan. Tukuy kaykunaqa unanchasqa kasqayki punchawmantaraqmi alistasqaña karqa.

Ezequiel 31:16

Wañuqkunawanña kananpaq wañusqakunapa kasqanman uraykachiptiymi, qaparillawanña wichiykuptinmi llapa nacionkuna katkatatanqaku. Hinaptinmi Edén lawpi kaq suma-sumaq sachakunawan Líbano lawpi suma-sumaq sachakuna, yakuta tomaq sachakuna, allpa ukupi kusikunqaku.

Ezequiel 31:18

Edén lawpi sachakunapas manam kuyayllapaq kaynikimanwan sayaynikimanqa rikchakurqakuchu; ichaqa Edén lawpi wakin sachakunatawan kuskatam uku pachaman uraykachirqayki, chaynapi Diosta mana reqsiqkunawan chaynataq guerrapi wañuqkunawan kuska yachanaykipaq. Chay sachaqa rey Faraonwan runankunam. Ñoqa Tayta Diosmi chaynata nini.

Joel 2:3

Paykunapa ñawpaqnintam tukuy imata nina ruparunqa, qepantañataqmi lenwachkaq nina tukuy imata tukurunqa; paykunapa ñawpaqninpim manaraq chayasqanku allpaqa Edén huerta hina kanqa, paykunapa qepanta puchuqmi ichaqa purmachisqa mana imapa kanan chunniqña kanqa; paykunamantaqa manam imapas lluptinqachu.