Génesis 2:7 - CHUYA QELLQA La Biblia en Quechua de Ayacucho 2012

⁷ Chaymantam runata ñutu allpamanta Tayta Dios ruwarqa, hinaspam kawsachiq samayta senqanpi pukuykuptin kawsaq runaña rikurirurqa.

Quechua Ayacucho Bible 1987

⁷ Tayta Diosmi runata rurarqa ñutu allpamanta, senqanman kawsachiq samayta pukuykuptinmi kawsaq runaña karurqa.

Chuya Qellqa 1992

⁷ Chaymantam runata ñutu allpamanta Tayta Dios ruwarqa, hinaspam kawsachiq samayta senqanpi pukuykuptin kawsaq runaña rikurirurqa.

Génesis 2:7 Iomraidhean Croise

Génesis 1:27

Diosmi runata unancharqa kikinman rikchakuqta, qaritawan warmitam unancharqa.

Génesis 2:6

Aswanqa allpamantam yaku waspimurqa kay pachata nuyunanpaq.

Génesis 3:19

Allpaman kutiykunaykikamam sudornikipa chaninta mikunki. Allpamanta ruwasqam kanki, allpallamantaqmi kutiykunkipas, nispa.

Génesis 3:23

Chaymi Tayta Dios Edén huertamanta runata qarqorurqa allpata llamkananpaq, payqa allpamanta ruwasqam karqa.

Génesis 7:22

Kay pachapi samaywan kawsaqkunam lliw wañururqaku.

Jobwan Sutichasqa Libro 27:3

maykamapas kawsanaykamaqa, Diospa samayniy ñoqapi kanankamaqa,

Jobwan Sutichasqa Libro 33:4

Diospa espiritunmi ñoqataqa unanchawarqa, Tukuy Atiyniyuq Diosmi kawsayta qowarqa.

Jobwan Sutichasqa Libro 33:6

Qampas chaynataq ñoqapas Diospa qayllanpiqa hina chaynallam kanchik, ñoqapas mitumanta ruwasqallam kani.

Jobwan Sutichasqa Libro 4:19

Chaynaqa, ¿imaynataq mana kallpayuq runapi confiakunman? Runaqa allpapa hawanpi mitumanta ruwasqa wasi hinallam, polilla hina sarusqa kanqa.

Proverbios 20:27

Runapa espiritunqa Tayta Diospa mecheron hinam, paymi runapa sonqonta kuchun-kuchun reqsin.

Eclesiastés 12:7

Ñutu allpapas manaraq allpaman kutiykuchkaptin, espiritupas Diosman manaraq kutiruchkaptin.

Eclesiastés 3:7

Kanmi tiempo llikinapaq kantaqmi siranapaqpas, kanmi tiempo upallanapaq kantaqmi rimanapaqpas.

Isaías 2:22

Mana valeq runapiqa ama hapipakuychikchu, runapa kawsayninqa huk samay hinallam.

Isaías 64:8

Chaywanpas Diosllayku, qamqa Taytaykum kanki, ñoqaykuqa mitu hinam makikipi kaniku. Qamñataqmi sumaq allpa mankata hina ruwawankiku, llapallaykum qampa ruwasqayki kaniku.

Lamentaciones 4:20

Tayta Diospa sapaqchasqan reytam presota aparqaku, payqa kawsachiqniykum karqa, paymantam nirqaniku: “Llaqtakunapa chawpinpipas paypa nanachikusqanmi kawsakusaqku”, nispa.

Ezequiel 37:5

¡Chakisqa tullukuna! Tayta Diosmi kaynata nisunkichik: Kawsarinaykichikpaqmi kawsay samayta qosqaykichik.

Ezequiel 37:6

Ankuku-natam churasqaykichik, aychawanmi huntaykachisqaykichik, aycha qarawan qarachaykuspaymi kawsarinaykichikpaq kawsay samayta qosqaykichik, chaynapim Tayta Dios kasqayta yachankichik, nispa.

Zacarías 12:1

Israelpaq Tayta Diospa rimarisqan simikuna. Cielokunata mastariq, kay pachapa cimientonta churaq hinaspa runaman kawsay qoq Tukuy Atiyniyuq Tayta Diosmi kaynata nin:

Números 16:22

Chaymi Moiseswan Aaronñataq qonqoranpa pampaman kumuykuspa nirqaku: Dios Taytallayku, runakuna kawsachiq Dios, ¿chulla runapa huchallanmantachu llapa runakunapaq piñakurunki? nispanku.

Números 27:16

Llapallan runakuna kawsachiq Dios Taytalláy, qamyá hukkaqninta akllay llaqtaykita kamachinanpaq,

Juan 20:22

Chaynata niykuspanmi paykunaman pukuykuspan nirqa: Chuya Espirituta chaskiychik, nispan.

Hechos 17:25

manataqmi runamantaqa imatapas necesitanchu, payqa lliwchanchikta kawsachiwaspanchikmi samaytapas chaynataq tukuy imakunatapas qowanchik.

Romanos 9:20

Ichaqa yaw runa, ¿pitaq qamqa kanki Dioswan churanakunaykipaqqa? Yaqachum mitumanta ruwasqa manka ruwaqninta ninman: ¿Imanasqataq kaynata ruwaruwanki? nispa.

1~Corintios 15:45

Chuya Qellqapim kaynata nin: Punta kaq Adanmi kawsaq runa karqa, qepa kaq Adanñataqmi kawsay qokuq Espíritu, nispa.

1~Corintios 15:47

Punta kaq runaqa kay pachamantam karqa allpamanta ruwasqa, qepa kaq runam ichaqa hanaq pachamanta hamurqa, payqa Señormi.

2~Corintios 4:7

Chay achkiymi qori hina ñoqanchikpi kapuwachkanchik, allpa manka hinalla kachkaptinchikpas. Chay hatu-hatun atiyqa manam ñoqanchikmantachu, aswanqa Diosmantam hamun.

2~Corintios 5:1

Yachankichikmi, sichum purmaruq wasi hinalla kay cuerponchik chinkaruptinqa Diosmi hanaq pachapi wiña-wiñaypaq wasita ruwapuwachkanchik, chayqa manam runapa makinwan ruwasqachu.

1~Timoteo 2:13

Puntataqa Adantam Dios unancharqa, chaymantañam Evataqa.

Hebreos 12:9

Ñoqanchikpas kay pachapi corregiwaqninchik tayta-mamanchiktaqa kasukurqanchikmi. Chaynaqa, ¿imanasqataq kawsachiqninchik hanaq pachapi Taytanchiktaqa manaqa kasukuchwanchu?