Génesis 2:17 - CHUYA QELLQA La Biblia en Quechua de Ayacucho 2012

¹⁷ allin kaqta mana allin kaqta reqsinapaq sachapa ruruntam ichaqa ama mikunkichu, mikuruspaykiqa wañurunkipunim, nispa.

Quechua Ayacucho Bible 1987

¹⁷ Allin kaqta hinaspa mana allin kaqta yachanapaq sachapa ruruntam ichaqa ama mikunkichu, chayta mikuruspaykiqa cheqaptapunim wañurunki —nispa.

Chuya Qellqa 1992

¹⁷ allin kaqta mana allin kaqta reqsinapaq sachapa ruruntam ichaqa ama mikunkichu, mikuruspaykiqa wañurunkipunim, nispa.

Génesis 2:17 Iomraidhean Croise

Génesis 2:9

Tayta Diosmi wiñachirqa mikunapaq sumaq ruruq tukuy rikchaq sachakunata. Wiñachirqataqmi kawsay qokuq sachatapas huertapa chawpinpi, chaynallataq allin kaqta mana allin kaqta reqsinapaq sachatapas.

Génesis 20:7

Chaynaqa, kunanyá chay warmita qosanman kutichipuy, payqa profetaymi, mañapusunkim mana wañunaykipaq. Mana kutichipuspaykiqa llapallan runaykikunapiwanmi wañunki, nispa.

Génesis 3:11

Hinaptinmi Dios tapurqa: ¿Pitaq qalalla kasqaykita willarusunki? ¿Icha “amam mikunkichu” nisqay sachapa rurunta mikurunki? nispa.

Génesis 3:17

Adantañataqmi kaynata nirqa: Warmikita kasuspa “amam mikunkichu” nisqay sachapa rurunta mikurusqaykimantam kay pacha ñakasqa kanqa. Ñakariywan llamkaspam kawsanayki punchawkama mikunki.

Génesis 3:19

Allpaman kutiykunaykikamam sudornikipa chaninta mikunki. Allpamanta ruwasqam kanki, allpallamantaqmi kutiykunkipas, nispa.

1~Reyes 2:37

Sichum haykapipas Cedrón wayqota chimparuspaqa wañunkipunim, hinaspaqa kikikim huchayuq kanki, nispa.

1~Reyes 2:42

Chaymi rey Salomonqa Simeita qayachispan nirqa: ¿Manachum Tayta Diosrayku jurachispay nirqayki: “Kaymanta lloqsispaykiqa wañunkipunim” nispay? ¿Manachum qampas niwarqanki: “Allinmi niwasqaykiqa” nispa?

Jeremías 26:8

Tayta Diospa kamachisqankunata Jeremías rimayta tukuruptinmi, llapa sacerdotekuna, profetakuna hinaspa llapallan runakuna hapiruspanku kaynata nirqaku: Wañunkipunim.

Ezequiel 18:13

qollqetapas mirayniyuqllapaq prestaq, qollqe prestasqanpa mirayninta mañaq, chayna runaqa manam kawsanqachu. Tukuy chay millakusqay kaqkuna ruwasqanmantaqa wañunqapunim, wañusqanmantaqa kikinmi huchayuq kanqa.

Ezequiel 18:32

Ñoqaqa manam pitapas wañunantaqa munanichu. Chaynaqa, ñoqaman kutirikamuspa kawsakuychik. Ñoqa Tayta Diosmi chaynata nini.

Ezequiel 18:4

Llapa runakunaqa ñoqallapam: Taytapa vidanpas hinaspa churipa vidanpas ñoqallapam. Pipas huchallikuqqa wañunqapunim.

Ezequiel 33:14

Sichum mana allin ruwaq runata nisaq: “Wañunkipunim” nispay, hinaptin payñataq huchanmanta wanakuspan allin arregloman hina allintaña ruwaspan,

Ezequiel 33:8

Sichum mana allin ruwaq runata nisaq: “Wañunkipunim” nispa, ichaqa chay mana allin kawsasqanmanta wanakunanpaq chay runata mana rimapayachkaptiki hina huchallanpi wañukunqa, hinaptinqa chay wañukusqanmantam cuentata mañasqayki.

Números 26:65

Chay wañuruq runakunamantaqa Tayta Diosmi kaynata nirqaña: Paykunaqa lliwmi chunniqpi wañunqaku, manam huk qaripas puchunqachu, puchuspaqa-puchunqa Jefonepa churin Calebwan Nunpa churin Josueyllañam, nispa.

Romanos 1:32

Paykunaqa yachankum chayna ruwaqkunaqa wañuypaq Diospa sentenciasqan kasqankuta, ichaqa yachachkaspankupas hinallam ruwanku, hinaspam chay mana allin ruwaqkunapa ruwasqanwanpas kusikunku.

Romanos 6:16

Qamkunaqa yachankichikmi, sichum pipas huk patronta kasunanpaq hinaspa esclavon kananpaq entregakun, hinaspaqa chay kasukusqan patronpa esclavonmi rikurirun. Chayqa kaynam: Pipas huchata kasuspaqa wañuymanmi rinqa, Diosta kasukuspam ichaqa allin ñanpi kawsakunqa.

Romanos 6:23

Huchapa pagonqa wañuymi, Diospa qowasqanchikmi ichaqa Señor-ninchik Jesucristowan kuska wiñaypaq kawsakuy.

Romanos 8:2

Jesucristontakama kawsay qokuq Espiritupa leyninmi, wañuymantawan huchapa kamachikuyninmanta libraykuwan.

1~Corintios 15:22

Imaynam Adanpa huchallikus-qanwan llapallan runa wañun, chaynallataqmi Cristopi iñiqkunapas llapallan kawsarimunqa.

1~Corintios 15:56

Wañuypa puyanmi hucha, leyñataqmi huchapa atiynin.

Gálatas 3:10

Haykam leyman hapipakuqkunaqa ñakasqam kachkanku. Chuya Qellqam nin: “Pipas kay qellqapi leyta mana lliwta kasukuqqa Diospa ñakasqanmi kanqa”, nispa.

Efesios 5:14

Chayraykum ninku: “¡Yaw puñuq, puñusqaykimanta rikchariy! Wañusqakunamanta kawsarimuy, hinaptinqa Cristom achkiykusunki”, nispanku.

Deuteronomio 27:26

¡Kay yachachikuykunata mana kasukuq, mana ruwayman churaq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.

Deuteronomio 30:15

Chaynaqa, akllakuychik, kunanmi ñawpaqnikichikman churani allin kaqtawan kawsayta, mana allin kaqtawan wañuyta.

Deuteronomio 30:19

Chaynaqa, cielokunatawan kay pachatam qamkunapa contraykichikpi testigota churani, kawsayta otaq wañuyta, bendecisqa kayta otaq ñakasqa kayta akllakunaykichikpaq qamkunaman nisqaymanta. Chaynaqa, kawsaytayá akllakuychik, qamkunapas miraynikichikkunapas kawsanaykichikpaq.

Colosenses 2:13

Ñawpa vidaykichikpim huchaykichikwan hinaspa mana señalasqa kasqaykichikwan wañusqa hina karqankichik. Kunanmi ichaqa tukuy huchaykichikta pampachaykusunkichikña, hinaspam Diosqa kawsarirachisunkichikña Cristotawan kuskata.

1~Timoteo 5:6

Mana allinkunapi puriq viudam ichaqa wañusqa hinaña kachkan.

Santiago 1:15

Chayna mana allin munaykunamantam huchakuna rikurimun; huchañataqmi llumpayta wiñaruspaqa wañuyta apamun.

1~Juan 5:16

Sichum pipas rikunman wañuyman mana apakuq huchapi iñiqmasin kasqanta, hinaspaqa paypaqmi Diosta mañapunan, sichum chay huchallikusqan wañuyman mana apakuq kaptinqa Diosmi kawsachinqa. Kantaqmi wañuyman apakuq huchapas, chayna huchapi kaqpaqqa manam mañapuychikyá nikichikchu.

Apocalipsis 2:11

Pipas uyarikuqqa, iglesiakunaman Espiritupa nisqantayá uyarichun. Haykam venceqkunaqa iskay kaq wañuypiqa manam wañunqachu, nispa.

Apocalipsis 20:14

Wañuypas chaynataq wañusqakunapa kasqanpas azufreyuq rupachkaq qochamanmi wischusqa karqaku. Kayqa iskay kaq wañuymi.

Apocalipsis 20:6

Mayna kusisqam hinaspa chuyataqmi kanku punta kawsarimuypi kawsarimuqkunaqa. Iskay kaq wañuyqa manañam paykunataqa imananqañachu, aswanqa kanqaku Diospa hinaspa Cristopa sacerdotenkunañam, paykunaqa Cristowanmi waranqa wata munaychakunqaku.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

Jueces 3:2

Chayraykum Israelpa mirayninkuna guerrapi peleayta yachanankupaq kay nacionkunata Tayta Dios puchuchirqa:

1~Samuel 14:39

Israel runakunapa salvaqnin Tayta Diospa sutinpim jurani, chay huchallikuqqa, churiy Jonatanña kaspapas wañunqapunim, nispa. Chaymi mana pipas rimarirqachu.

1~Samuel 14:44

Chaymi churin Jonatanta Saúl nirqa: ¡Diosyá sinchita ñakarichiwachun sichum qam mana wañuptikiqa! nispa.

1~Samuel 20:31

Isaipa churin kawsanankamaqa manam kawsanaykipas nitaq rey kanaykipas yachakunchu. Chaynaqa, maskachimuspa wañuchinaypaq pusamuway, nispa.

1~Samuel 22:16

Chaymi rey Saúl nirqa: ¡Ahimelec wañunkipunim! ¡Llapallan aylluykikunapas wañunqakutaqmi! nispa.