Génesis 19:5 - CHUYA QELLQA La Biblia en Quechua de Ayacucho 2012

⁵ Hinaspam Lotta qayaykacharqaku: ¿Maytaq kunan tuta samachisqayki runakuna? Hurqomuy abusanaykupaq, nispanku.

Quechua Ayacucho Bible 1987

⁵ Chaymi Lotta qayaykacharqaku: —Kunan tuta hamusuqniki runakunaqa ¿maytaq? Horqomuy kunan tuta abusanaykupaq —nispa.

Chuya Qellqa 1992

⁵ Hinaspam Lotta qayaykacharqaku: ¿Maytaq kunan tuta samachisqayki runakuna? Hurqomuy abusanaykupaq, nispanku.

Génesis 19:5 Iomraidhean Croise

Génesis 19:6

Chaymi Lot lloqsimuspan punkuta wichqaykurqa paykunawan rimananpaq.

1~Reyes 14:24

Chay nacionpiqa qarikunapas qarimasillanwan qachakuspankum tukuy rikchaq idolokunataña yupaycharqaku, hinaspam ruwarqaku Israelpa mirayninkunapa qayllanmanta Tayta Diospa qarqosqan runakunapa millakuypaq huchankunataña.

1~Reyes 22:46

Paymi taytan Asapa tiemponmanta puchuq qaripura qachakuspa idolokuna yupaychaqkunata qarqorurqa.

Isaías 1:9

Sichum Tukuy Atiyniyuq Dios kamallatapas mana puchuykuwaptinchikqa Sodoma, Gomorra llaqtakunamanñachá rikchakuchwan karqa.

Isaías 3:9

Qara uya kayninkum paykunataqa acusachkan, Sodoma llaqtapa hinam huchanku sutillata qawakuchkan. ¡Imaynaraq kanqaku! Kikillankum sasachakuykunata maskakurunku.

Jeremías 3:3

Chayraykum tarpuy parawan poqoy parapas manaña chayamurqachu. Penqakunayki kachkaptinpas, chuchumika hina mana penqakuqñam rikurirunki.

Jeremías 6:15

Millakusqay kaqkunata ruwachkaspankupas manam paykunaqa penqakunkuchu, manañam penqakuyninkupas kanñachu. Chayraykum castigasqay punchawpi castigasqaykunawan kuska wichinqaku. Ñoqa Tayta Diosmi chaynata nini.

Ezequiel 16:49

Ñañayki Sodomapa mana allinkuna ruwasqanqa kaymi karqa: Payqa wawankunapiwanmi, achkallaña mikunayuq kasqankurayku, tukuy imayuq kaspa hawka kawsakusqankurayku hatun tukuqllaña karqaku. Ichaqa manam wakchakunatawan mana imayuqkunatapas yanapaykurqakuchu.

Ezequiel 16:50

Hatun tukuqllaña rikuriruspankum millakuypaq kaqkunataña qayllaypi ruwarqaku, chayraykum qawasqaykipi hinapas chinkarachirqani.

Ezequiel 16:51

Samariam ichaqa tukuy millakuypaq kaqkuna ruwasqaykipa partellantapas mana huchallikurqachu. Qamqa paykunamantapas paqway millakuypaq kaqkunatam ruwarqanki; qanwan rikchanachisqaqa paykunaqa mana huchayuqmanraqmi rikchakunkupas.

Levítico 18:22

Warmiwan hinaqa amam qarimasikiwanqa kakunkichu, chay ruwayqa pasaypaq millakuypaqmi.

Levítico 20:13

Sichum pipas qarimasillanwan warmiwan hina puñukuqqa iskayninkum wañuchisqa kanqaku, millarikuypaq kaqta ruwasqankumanta wañuspankuqa kikinkum huchayuq kanqaku.

1~Corintios 6:9

¿Manachu yachankichik Diospa munaychakuyninmanqa mana allin ruwaqkunaqa mana yaykunanta? Amayá engañakuychikchu: Diospa munaychakuyninmanqa manam yaykunqachu huchapakuypi puriqkunaqa, ídolo yupaychaqkunaqa, waqllikuqkunaqa, nitaq warmiwan hina qarimasinwan kaqkunaqa,

Deuteronomio 23:17

Israel castakunamantaqa amam warmi churikichikpas idolokunata yupaychananpaqqa chuchumikaqa kanqachu, nitaqmi qari churikichikpas qaripura qachakuspaqa idolokunata yupaychanqachu.

1~Timoteo 1:10

waqllikuqkunapaqmi, qaripura kakuqkunapaqmi, runamasin suwaqkunapaqmi, llullakuqkunapaqmi, yanqapas-yanqa Diospa sutin rimaqkunapaqmi hinaspa allin yachachikuykunapa contranpi kaqkunapaqmi.

2~Timoteo 3:13

Mana allin runakuna hinaspa engañakuq runakunam ichaqa aswan-aswanraq mana allinman chayanqaku, pantachispankum paykunapas pantachisqa kanqaku.

2~Pedro 2:2

Achkam qatinqaku payku-napa qanra vidankuta, paykunaraykum runakunapas cheqap ñanpa contranpi rimanqaku.

2~Pedro 2:7

Allin ruwaq Lot sutiyuq runatam ichaqa librarqa, payqa mana allin runakunapa qanra vidanta qawaspanmi anchata llakikurqa.

Judas 1:7

Chay angelkuna hinam Sodoma Gomorra llaqtapi hinaspa vecinon llaqtakunapi kaqkunapas huchapakuypi purirqaku, paykunaqa qaripurañam uywanakurqaku. Paykunaqa wiñaypaq rawraq ninapi castigasqa kanankupaqmi churasqa kachkanku, chaykunawan ñoqanchikpas yuyayta hapinanchikpaq.

Jueces 19:22

Kusisqa kachkaptinkum, chay llaqtapi mana allin qarikuna wasita muyururqaku, punkuta takaspankum wasipa dueñonta nirqaku: Wasikiman yaykumuq runata abusanaykupaq hurqomuy, nispanku.