Génesis 19:38 - CHUYA QELLQA La Biblia en Quechua de Ayacucho 2012

³⁸ Sullka kaqpas wachakuruspanmi Ben-amiwan suticharqa, paypa mirayninkunam Amón casta runakuna karqaku.

Quechua Ayacucho Bible 1987

³⁸ Sullkanpas wachakuruspanmi wawanta suticharqa Ben-amiwan, paypa castanmi Amon runakuna kay libro qellqasqa kasqan tiempokama.

Chuya Qellqa 1992

³⁸ Sullka kaqpas wachakuruspanmi Ben-amiwan suticharqa, paypa mirayninkunam Amón casta runakuna karqaku.

Génesis 19:38 Iomraidhean Croise

Génesis 20:1

Abrahammi maymi yachasqan-manta Neguev lawman ripukurqa, hinaspam Gerar llaqtapi yacharqa; chayqa tarikun Cades llaqtamanta Shur lawman rinanpim.

Isaías 11:14

Aswanqa kuskankuñam intipa seqaykunan lawman kallpaspa filisteokunata qepanmanta atacanqaku, intipa qespimunan lawpi nacionkunapa kapuqninkutam qechumunqaku. Paykunam sirvichikunqaku Edomitakunawan, Moabitakunawan. Amonitakunapiñataqmi munaychakunqaku.

Sofonías 2:8

Tukuy Atiyniyuq Tayta Diosmi kaynata nin: Moab runakunapa, Amón runakunapa kamikuynintam uyariruni, paykunam llaqtayta penqayman churaspanku llaqtaypa allpanwan allpankutapas miraykachikurqaku.

Sofonías 2:9

Chayraykum Tukuy Atiyniyuq Tayta Dios kaynata nin: Moab nacionmi Sodoma hina kanqa, Amón castakunapas Gomorra hinam kanqa, itanakunapa wiñananmanñam tikrakunqa, kachi orqomanñam tikrakunqa, mana imapa kanan chunniqñam wiñaypaq kanqa. Llaqtaymanta puchuqkunam tukuy imankupipas munaychakunqaku.

Deuteronomio 2:19

Amonitakunapa allpanman chayaspaykichikqa amam imanankichikchu, amataqmi paykunawanqa peleankichikpaschu. Amonitakunapa allpantaqa manam qosqaykichikchu. Chay allpataqa Lotpa mirayninkunamanmi herencianku kananpaq qorqani”, nispa.

Deuteronomio 2:9

Hinaptinmi Tayta Dios niwarqa: “Moabitakunataqa amam imanankichikchu nitaqmi paykunawanqa peleankichikchu, paykunamanqa Lotpa mirayninkuna kasqanraykum Ar law allpata qorqani. Paykunapa allpantaqa manam qosqaykichikchu”, nispa.

Deuteronomio 23:3

Tayta Diospa qayllanpi huñunakuymanqa amam amonitakunawan moabitakunaqa yaykunqachu, chunka mirayninkamapas amam yaykunqachu.

Jueces 10:6

Israelpa mirayninkunam kaqllamanta Tayta Diospa qayllanpi huchallikuyta qallaykurqaku. Baal idolokunata, Astarot idolokunata, arameokunapa, sidoniokunapa, moabitakunapa, amonitakunapa hinaspa filisteokunapa diosninkunataña yupaychaspankum Tayta Diostaqa manaña servirqakuñachu.

1~Samuel 14:47

Israelpi kamachikuyta qallarisqan-mantam Saulqa muyuriqnin llaqtakunawan guerrapi karqa: Moab casta runakunawan, Amonpa mirayninkunawan, Edom casta runakunawan, Soba nacionpa reyninkunawan hinaspa filisteokunawan. Maymanña peleaq lloqsispapas vencemuqpunim.