Génesis 19:25 - CHUYA QELLQA La Biblia en Quechua de Ayacucho 2012

²⁵ Hinaspanmi chay qechwapi llaqtakunatapas, chaypi yachaq runakunatapas chaynallataq plantakunatapas lliwta puchukarachirqa.

Quechua Ayacucho Bible 1987

²⁵ Hinaptinmi chay pampapi llaqtantin llapallan *f**yachaq runakunata llapallan wiñaqkunatawan puchukarachirqa.

Chuya Qellqa 1992

²⁵ Hinaspanmi chay qechwapi llaqtakunatapas, chaypi yachaq runakunatapas chaynallataq plantakunatapas lliwta puchukarachirqa.

Génesis 19:25 Iomraidhean Croise

Génesis 13:10

Hinaptinmi Lot qawarirqa Jordán mayupa qechwankunata Zoar llaqtakama yakuyuq kasqanta, Tayta Diospa huertan hinaraq kasqanta, Egipto allpamanraqmi rikchakurqa. Chaynaqa karqa Sodomatawan Gomorrata Tayta Dios manaraq purmarachichkaptinmi.

Génesis 13:12

Abrammi Canaán allpapi yacharqa, Lotñataqmi qechwa law llaqtakunapi yacharqa hinaspanmi kaypi chaypi carpanta sayachistin Sodoma llaqtakama chayarurqa.

Génesis 14:3

Chay pichqantin reykunam Sidim qechwapi, Puchqo lamar qochapa kasqanpi huñunakururqaku.

Isaías 13:19

Babilonia llaqtaqa, alhaja rumi hina llapa nacionkunapa qawasqan kaspapas, sumaq kayninmanta Caldea nacionpi runakunapa alabakunan kaspapas, Ñoqapa chinkachisqay Sodoma Gomorra llaqtakuna hina purmachisqam kanqa.

Jeremías 20:16

Chayna runaqa, Tayta Diospa chunnichisqan llaqtakuna hinayá kachun, mana llakipayaspa tuñichisqa llaqta hinayá kachun, achikyamuqtayá nanaymanta qapariyta uyarichun, chawpi punchawpiyá guerrapi qapariyta uyarichun.

Jeremías 23:14

Jerusalenpi profetakunatam millakuypaq kaqkuna ruwachkaqta rikurqani: Hukwan-hukwanmi waqllikunku, llullakuyllapim kallpakachanku, mana allin runakunatam kallpanchanku, huchankumanta mana wanakunankupaq. Sodoma Gomorra llaqtapi runakunamanraqmi rikchakunkupas.

Jeremías 49:18

Imaynam chinkachisqay Sodoma, Gomorra chaynataq muyuriqninpi llaqtakuna hinam, Edom nacionpas manaña runayuq kanqa, manañam chaypiqa pipas yachanqakuñachu. Ñoqa Tayta Diosmi chaynata nini.

Jeremías 50:40

Sodoma, Gomorra chaynataq muyuriqninpi llaqtakuna hinam Babilonia nacionqa manaña runayuq chunninqa, manañam pipas chaypiqa yachanqakuñachu, nitaqmi chayninta pasaqkunapas samarinqakuñachu. Ñoqa Tayta Diosmi chaynata nini.

Lamentaciones 4:6

Llaqtamasiykunapa huchanqa Sodomapa huchanmantapas aswan llumpaymi; Sodomaqa mana pipa imanasqallanmi, qonqaymanta puchukachisqa karqa.

Ezequiel 16:50

Hatun tukuqllaña rikuriruspankum millakuypaq kaqkunataña qayllaypi ruwarqaku, chayraykum qawasqaykipi hinapas chinkarachirqani.

Amós 4:11

Sodoma Gomorra llaqtakunata hinam chinkarachirqaykichik, ninamanta hurqosqa sansa hinam karqankichik, ichaqa manam ñoqaman kutirikamurqankichikchu. Tayta Diosmi chaynata nin.

Sofonías 2:9

Chayraykum Tukuy Atiyniyuq Tayta Dios kaynata nin: Moab nacionmi Sodoma hina kanqa, Amón castakunapas Gomorra hinam kanqa, itanakunapa wiñananmanñam tikrakunqa, kachi orqomanñam tikrakunqa, mana imapa kanan chunniqñam wiñaypaq kanqa. Llaqtaymanta puchuqkunam tukuy imankupipas munaychakunqaku.

Deuteronomio 29:23

Chay allpaqa azufreyuq, kachiyuq hinaspa kañasqa, mana tarpuna, mana imapapas ikllinan nitaq qorapapas wiñanan allpam kanqa. Sodomapa, Gomorrapa, Admapa chaynataq Zeboimpa allpankunamanmi rikchakunqa. Chaykunatam Tayta Dios anchata piñakuspan chinkarachirqa.

2~Pedro 2:6

Chaynataqmi Sodoma Gomorra llaqtakunatapas uchpayanankama kañaspa chinkarachirqa, chaynapi qepa punchawkunapi Diosta mana kasukuq runakuna manchakuy yachanankupaq.