Génesis 19:14 - CHUYA QELLQA La Biblia en Quechua de Ayacucho 2012

¹⁴ Chaymi wasinmanta Lot lloqsispan warmi churinkuna casaray munaqkunata nimurqa: Kay llaqtamanta utqayman lloqsiychik, Diosmi kay llaqtata puchukachinqa, nispa. Chay runakunam ichaqa burlapaq hapirurqaku.

Quechua Ayacucho Bible 1987

¹⁴ Chaymi Lot lloqsirqa warmi churinkuna casaray munaqkunata rimapayaq: —Chaylla lloqsiychik kay lugarmanta, Tayta Diosmi kay llaqtata puchukachinqa —nispa. Aswanqa masanpaq kaq runakunaqa burlapaq hinam hapirqaku.

Chuya Qellqa 1992

¹⁴ Chaymi wasinmanta Lot lloqsispan warmi churinkunata casaray munaqkunata nimurqa: Kay llaqtamanta utqayman lloqsiychik, Diosmi kay llaqtata puchukachinqa, nispa. Chay runakunam ichaqa burlapaq hapirurqaku.

Génesis 19:14 Iomraidhean Croise

Génesis 19:15

Achikyaykamuchkaptinmi angelkuna Lotta hikutarqaku: Utqayman lloqsiy, warmikiwan chaynallataq iskaynin warmi churikikunapiwan, kay llaqtata puchukachiptiyku mana wañunaykichikpaq, nispanku.

Génesis 19:17

Hurqoramuspankum huknin ángel nirqa: Salvakuyta munaspaykiqa utqayman ayqey. Ichaqa amam qepaykita qawarikamunkichu amataqmi kay pampapiqa sayayllapas-sayaykunkichu, ama puchukarunaykipaq orqoman lluptiy, nispa.

Génesis 19:22

Chaynaqa, utqayman lluptiy, wakman chayanaykikamam mana imatapas ruwasaqchu, nispa. Chayraykum chay llaqtachapa sutin Zoar karqa.

2~Crónicas 30:10

Carta apaqkunam llaqtan-llaqtan rispanku Efraín, Manasés hinaspa Zabulón lawkunakama chayarurqaku; runakunam ichaqa asikuspanku paykunamanta burlakurqaku.

2~Crónicas 36:16

Paykunam ichaqa Diospa kachasqan runakunamanta asikurqaku, profetakunapa willakusqankutapas mana uyariq tukuspankum burlakurqaku. Chayraykum runankunapa contranpi Tayta Dios piñakururqa manaña ima ruwaytapas atinankukama.

Éxodo 12:31

Chay tutam Moisestawan Aaronta qayachispan Faraón nirqa: Qamkunapas chaynataq Israelpa mirayninkunapas runaykunapa chawpinmanta lloqsiychik hinaspa nis-qaykichikpi hina Tayta Diosta yupay-chamuychik.

Éxodo 9:21

Wakiqninmi ichaqa Tayta Diospa nisqanta mana kasukuspanku serviqninkutawan animalninkuta hina campopi saqeramurqaku.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Isaías 28:22

Hinaptinqa amañayá burlakuychikñachu, yanqañataq watasusqaykichik astawan seqorusunkichikman; kay pachata tuñichinanpaq Tukuy Atiyniyuq Tayta Diospa tanteasqantam uyarirqani.

Jeremías 20:7

Dios Taytalláy, engañaypaqmi qamqa engañaruwanki, munayniyuq kasqaykiraykum venceruwanki. Tukuy tiempo asipayanankum kani, lliwmi ñoqamanta burlakunku.

Jeremías 43:1

Yupaychasqanku Tayta Diospa tukuy ima nimusqanta llapa runakunaman Jeremías willayta tukuruptinmi,

Jeremías 43:2

Osaiaspa churin Azariaswan, Careapa churin Johanán hinaspa wakin hatun tukuq runakuna, Jeremiasta nirqaku: Chay niwasqaykikuqa llullam, yupay-chasqanchik Tayta Diosqa manam nisunkimanchu karqa: “Egipto nacionmanqa ama riychikchu”, nispaqa.

Jeremías 51:6

¡Vidaykichikta salvanaykichikpaq Babiloniamanta lluptiychik! ¡Ama paykunapa huchanmanta wañuychikchu! ¡Ñoqa Tayta Diospa vengakunay punchawmi chayaramun! ¡Imam ruwasqankuman hinam pagapusaq!

Ezequiel 20:49

Hinaptinmi ñoqa nirqani: Dios Taytalláy, runakunaqa rikchanachiykunallata rimaqpaqmi hapiwanku, nispay.

Números 16:21

¡Kay runakunamanta asurikuychik, kunallanmi wañurachisaq! nispa.

Números 16:26

Hinaspam chaypi runakunata nirqa: Kay mana allin ruwaq runakunapa carpanmanta asurikuychik, ama imankutapas hapiychikchu, yanqañataq paykunapa huchanmanta qamkunapas wañuruwaqchik, nispa.

Números 16:45

Kay runakunapa chawpinmanta asuriychik, kunallanmi paykunata wañuchisaq, nispa. Hinaptinmi paykuna qonqoranpa pampaman kumuykurqaku.

Mateo 1:18

Kaykunam Jesuspa nacesqanmanta willakuy: Jesuspa maman Mariam rimapayasqaña karqa Joseywan casarakunanpaq, ichaqa manaraq kuskanchakuchkaptinkum Chuya Espiritupa atiyninwan wiksayuq rikurirurqa.

Mateo 9:24

Chaymi paykunata Jesús nirqa: Kaymanta lloqsiychik, warmaqa manam wañusqachu kachkan, aswanqa “puñuyllam puñuchkan”, nispan. Hinaptinmi runakunañataq Jesusta asipayarqaku.

Lucas 24:11

Chay willakusqankutam llapa apostolkuna cuentopaq hapispanku mana creerqakuchu.

Lucas 9:42

Chaymi warma asuykuchkaptin demonio wikaparuspan wañuy mañawan hapirachirqa. Hinaptinmi Jesusñataq demoniota qaqcharqa, chaymi warma sanoyaruptin taytanman qoykurqa.

Hechos 17:32

Wañusqakunapa kawsarimunanmanta uyariruspankum, wakin uyariqkuna asipayarqaku, wakinñataqmi nirqaku: Yapapiña chaykunamantaqa willawankiku, nispanku.

1~Tesalonicenses 5:3

Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.