Génesis 18:7 - CHUYA QELLQA La Biblia en Quechua de Ayacucho 2012

⁷ Chaymantam Abrahamqa vacakunapa kasqanman kallpaspan huknin allin wira malta torota hapispan criadonman qoykuptin payñataq nakaruspan mikuyta chaylla yanuramurqa.

Quechua Ayacucho Bible 1987

⁷ Chaymi vacakunapa kasqanman Abraham kallparqa hinaspam huknin allin wira malta torota hapispan qoykurqa sirvientenman chaymi payñataq utqayllamanña nakaspa preparamurqa.

Chuya Qellqa 1992

⁷ Chaymantam Abrahamqa vacakunapa kasqanman kallpaspan huknin allin wira malta torota hapispan criadonman qoykuptin payñataq nakaruspan mikuyta chaylla yanuramurqa.

Génesis 18:7 Iomraidhean Croise

Génesis 18:6

Chaymi Abrahamqa Sarapa kasqan carpaman kallparqa, hinaspam Sarata nirqa: Utqayman iskay chunka kilo harinata chapuy hinaspa tantata ruway, nispa.

Génesis 18:8

Chaymantam Abrahamqa chay mikuyta chaynallataq quesillotawan lecheta apamuspan paykunaman qoykurqa, hinaspanmi sachapa llantunpi paykuna mikunankukama ladonkupi sayarqa.

Génesis 19:3

Ichaqa Lotmi paykunata hikutarqa, chaymi wasinman yaykurqaku, Lotñataqmi mikuyta yanurachispa mana levadurayuq tantatawan qoykuptin mikurqaku.

Amós 6:4

Marfilmanta suma-sumaq catrekunapim waqtapankichik, mastakuykuspam puñukunkichik, malta carnerokunatawan malta torokunatam kanchanmanta hurqoykuspa mikukunkichik.

Malaquías 1:14

Ñoqa Tayta Diosman prometekuwachkaspan, kanchanpi allinnin orqo animalninkuna kachkaptin onqoq animalta kañapuwaqniy runaqa ñakasqayá kachun. Ñoqaqa Tukuy Atiyniyuq Reymi kani, llapallan nacionkunapa yupaychananmi kani. Tukuy Atiyniyuq Tayta Diosmi chaynata nin.

Mateo 22:4

Huktawan wakin serviqninkuna-ta kachaspanmi chay convidasqan-kunata kaynata nichimurqa: “Mikuyqa kachkanñam, toroykunatawan wira animalniykunatapas nakarachiniñam, chaynaqa casamientomanyá hamuychikña”, nispa.

Lucas 15:23

Wiran malta torota pusamuspa nakaychik, kusikuymanta fiestata ruwaspa mikunanchikpaq.

Lucas 15:27

Hinaptinmi chay serviqninñataq nirqa: “Wawqekim kutiramun, chaymi taytayki sanollata hinaspa allinllata chaskiykusqanmanta wiran malta torota nakarachispan fiestata ruwachichkan”, nispa.

Lucas 15:30

Qosqayki kapuqnikikunata, chuchumika warmikunawan tukuruspa kutiykara-muq churikipaqñataqmi wiran malta torotaraq nakarachipunki”, nispa.

1~Samuel 28:24

Chay warmipam wasinpi karqa poqochikusqan malta toron, chaytam utqayman nakarurqa. Chaymantañataqmi harinata chapuspa mana levadurayuq tantata ruwarurqa.