Génesis 18:6 - CHUYA QELLQA La Biblia en Quechua de Ayacucho 2012

⁶ Chaymi Abrahamqa Sarapa kasqan carpaman kallparqa, hinaspam Sarata nirqa: Utqayman iskay chunka kilo harinata chapuy hinaspa tantata ruway, nispa.

Quechua Ayacucho Bible 1987

⁶ Chaymi Sarapa kasqan karpaman Abraham kallpaspan nirqa: —Apurawman chapuy iskay chunka kilo harinata hinaspa ruray tortillakunata —nispa.

Chuya Qellqa 1992

⁶ Chaymi Abrahamqa Sarapa kasqan carpaman kallparqa, hinaspam Sarata nirqa: Utqayman iskay chunka kilo harinata chapuy hinaspa tantata ruway, nispa.

Génesis 18:6 Iomraidhean Croise

Génesis 18:5

Mikuytapas aparamusaqyá mikuykuspa kallpata hapinaykichikpaq, chayñayá pasakunkichik, chayraykuchá kay serviqnikichikpa kasqayman chayaykamurqankichik, nispa. Hinaptinmi paykuna nirqaku: Nisqaykiman hinayá ruway nispanku.

Génesis 18:7

Chaymantam Abrahamqa vacakunapa kasqanman kallpaspan huknin allin wira malta torota hapispan criadonman qoykuptin payñataq nakaruspan mikuyta chaylla yanuramurqa.

Génesis 19:3

Ichaqa Lotmi paykunata hikutarqa, chaymi wasinman yaykurqaku, Lotñataqmi mikuyta yanurachispa mana levadurayuq tantatawan qoykuptin mikurqaku.

2~Samuel 13:6

Chaymi Amnón onqoq tukuruspa camanman ustururqa. Rey watukuq riptinñataqmi kaynata nirqa: Ruegakuykim paniy Tamar hamuspan iskay tortillakunata ñawpaqniypi yanuruspa mikuchiwananpaq, nispa.

Isaías 32:8

Allin runam ichaqa allinkunallata ruwan, chayraykum payqa hapipakunapaq hina.

Mateo 13:33

Jesusmi huk rikchanachiytawan nirqa: Diospa munaychakuyninqa levaduramanmi rikchakun, chay levadurawanmi huk warmi kimsa tupu harinata chapururqa hinaptinmi lliwta poqorachirqa, nispan.

Hechos 16:15

Chaymi wasinpi kaqkunapiwan kuska bautizakuruspanku, kaynata ruegawarqaku: Cheqaptapuni Señorman iñikusqayta yachaspaykichikqa wasiypiyá samakamuychik, nispa. Llumpayta ruegawaptinkum wasinpi samapakurqaniku.

Romanos 12:13

Diospi iñiqkunapa imam pisipusqanpi yanapaykuychik, wasikichikpipas samaykachikuqyá kaychik.

Gálatas 5:13

Wawqe-panillaykuna, Diosqa libre kanaykichikpaqmi qayasurqankichik. Ichaqa libre kaynikichiktaqa amayá aychapa munasqanpaq hinachu hapiychik, aswanqa kuyakuywanyá huknikichikmanta huknikichikkama yanapanakuychik.

Hebreos 13:2

Wasikichikpi samaykachiytapas amayá qonqaruychikchu, wakinkunam chayta ruwaspanku mana yachastin angelkunata samaykachirqaku.

1~Pedro 4:9

Ama murmuranakuspa wasikichikpipas samaykachinakuychik.

Jueces 6:19

Gedeonmi rispan huk cabrachata yanuramurqa, ruwarurqataqmi iskay chunka kilo harinamanta mana levadurayuq tantatapas, hinaspam aychata canastapi churarqa, caldontañataqmi mankapi; chaykunata apaspanmi chay encina sachapa sikinpi ofrecerqa.

1~Samuel 28:24

Chay warmipam wasinpi karqa poqochikusqan malta toron, chaytam utqayman nakarurqa. Chaymantañataqmi harinata chapuspa mana levadurayuq tantata ruwarurqa.