Génesis 18:32 - CHUYA QELLQA La Biblia en Quechua de Ayacucho 2012

³² Kasqallanmi ruegakuspan Abraham nirqa: Señornilláy, amayá piñakuykuychu, kunanllañayá rimapayaykusqayki. Ichapas chaypiqa chunkalla kachkanku, nispa. Hinaptinmi Dios nirqa: Chunkallataña tarispaypas manam puchukachisaqchu, nispa.

Quechua Ayacucho Bible 1987

³² Chaymi Abrahamñataq kasqallan nirqa: —Señorníy, amayá piñakuychu kunanllañayá rimapayaykusqayki. Ichapas chaypiqa chunkallapas kachkanku —nispa. Hinaptinmi Señorñataq nirqa: —Manam puchukachisaqchu chunkantinrayku —nispa.

Chuya Qellqa 1992

³² Kasqallanmi ruegakuspan Abraham nirqa: Señornilláy, amayá piñakuykuychu, kunanllañayá rimapayaykusqayki. Ichapas chaypiqa chunkalla kachkanku, nispa. Hinaptinmi Dios nirqa: Chunkallataña tarispaypas manam puchukachisaqchu, nispa.

Génesis 18:32 Iomraidhean Croise

Génesis 18:30

Huktawanmi Abraham nirqa: Señornilláy, ama piñakuychu huktawanyá rimapayaykusqayki. Ichapas kimsa chunkalla kachkanku, nispa. Tayta Diosñataqmi nirqa: Kimsa chunkallataña tarispaypas manam puchukachisaqchu, nispa.

Génesis 18:31

Hikutaspanmi Abraham nirqa: Diosnilláy, rimapayachkaspayqa niykullasqaykiyá. Ichapas iskay chunkalla kachkanku, nispa. Chaymi Señorñataq nirqa: Iskay chunkallataña tarispaypas manam puchukachisaqchu, nispa.

Génesis 44:18

Chaymi Judaqa Joseyman asuykuspan nirqa: ¡Señorlláy! Ama hina kaspaykiyá kay serviqllaykipa rimariyninta uyariykullaway. Amayá piñakuykuychu, qamqa kanki rey Faraón hinam.

Jobwan Sutichasqa Libro 33:23

Sichum paypa ladonpi huk ángel kaspaqa, waranqa angelkunamanta hukllapas allinninpaq rimaspaqa, allin kawsakuq kasqanmanta rimaspaqa,

Éxodo 32:14

Chaymi Tayta Diosqa mana allin ruwananpaq piensasqanta manaña ruwarqachu.

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Isaías 65:8

Tayta Diosmi kaynata nin: Runam yakusapa uvasta tarispa nin: “Ama kaytaqa usuchisunchu, kachkanraqmi yakun”, nispa. Chaynatam ñoqapas serviqniykunata kuyasqayrayku ruwasaq, paykunataqa manam pasaypaqtachu chinkachisaq.

Jeremías 5:1

Tayta Diosmi kaynata nin: Jerusalenpa callenkunapiyá purimuychik, allinta qawamuspayá maskamuychik; icharaqpas pillatapas allin arreglo ruwaq runata tarimuwaqchik, cheqap rimaq runata tarimuwaqchik, hinaptinqa Jerusalentam pampachasaq.

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Mateo 7:7

Mañakuptikichikqa qosunkichikmi, maskaspaqa tarinkichikmi, qayakuptikichikqa kichamusunkichikmi.

Efesios 3:20

Chaynaqa, Diosllatayá hatunchasun, payllam ñoqanchikpiqa atiyninwan ruwan mañakusqanchikmantapas hinaspa piensasqanchikmantapas aswan llim-parichkaqtaraq.

Jueces 6:39

Chaywanpas huktawanmi Tayta Diosta Gedeón nirqa: Yapatawan niykuptiyqa amayá piñakuychu, kunanñataqyá millwa chakilla kaptin lliw allpañataq nuyusqa kachun, nispa.