Génesis 18:19 - CHUYA QELLQA La Biblia en Quechua de Ayacucho 2012

¹⁹ Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

Quechua Ayacucho Bible 1987

¹⁹ Abrahamtaqa akllarqani churinkunatapas hinaspa mirayninkunatapas kamachinanpaqmi chaynapi munasqayman hina allin kaqta ruraptinku Abrahanman nisqaykuna cumplikunanpaq —nispa.

Chuya Qellqa 1992

¹⁹ Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

Génesis 18:19 Iomraidhean Croise

Génesis 12:2

Miraynikikunamantam hatun nacionta hatarichisaq, bendecisqaykim, ancha reqsisqatam ruwasqayki, qamraykum llapa runakunatapas bendecisaq.

Génesis 12:3

Bendecisuqnikikunatam bendecisaq, ñakasuqnikikunatam ñakasaq. Qamraykum kay pachapi llapallan ayllukunatapas bendecisaq, nispa.

Génesis 17:9

Abrahamtam huktawan Dios nirqa: Kay pactotam kasukunki, qampas chaynallataq miraynikikunapas.

Génesis 22:18

Kasuwasqaykiraykum kay pachapi lliw runakuna miraynikitakama bendecisqa kanqaku”, nispa.

Génesis 35:2

Chaymi Jacobqa ayllunkunata hinaspa llapallan paywan kaqkunata nirqa: Llapa idolokunata wischuychik hinaspa chuyanchakuychik, bañakuspa pachaykichiktapas mudakuychik,

2~Samuel 22:22

Diosniypa yachachikuynintam waqaycharqani, manam huchallikurqanichu nitaqmi Diosmantapas rakikurqanichu.

2~Samuel 7:20

Dios Taytalláy, ¿imatawanraqtaq nikiman? Kay serviqnikitaqa qanmi reqsiwanki.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

2~Crónicas 14:3

Huklaw nacionniyuq runakunapa diosninkupa altarninkunatapas, moqokunapi kaq capillakunatapas, rumimanta ruwasqa idolokunatapas, Asera sutiyuq idolo-tapas ñutuparurqam.

Nehemías 9:7

Dios Taytalláy, Abramta akllaykuq Diosmi kanki, Caldea lawpi Ur llaqtamantam hurqomurqanki, hinaspam Abrahamwan suticharqanki.

Jobwan Sutichasqa Libro 1:5

Sapa convido tukuytam, Jobqa churinkunata qayachimuspan chuyanchaq. Tutapayta hatarispanmi sapa churinpaq huchankumanta mayllasqa kanankupaq animalta wañuchispa Diosman lliw kañana sacrificiota ofreceq. Sapa kutillam chaynata ruwaq sonqonpi kaynata nispan: Ichapas churiykunaqa imawanpas huchallikurunku, ichapas paykunaqa Diosta. sonqonkupi kamirunku, nispa.

Proverbios 22:6

Warmataqa imaynam kawsanantayá yachachiy, yuyaqña kaspapas chay yachasqanmantaqa manam sapaqchakunqachu.

Isaías 38:19

Kawsaqkunam ichaqa yupaychasunki imaynam kunan yupaychamusqayta hina. Hapipakunapaq kaynikimantam churinkuman taytan yachachin.

Levítico 14:42

Hinaspam wischuchisqan rumikunapa rantinpi huk rumikunataña churachinqa, perqakunatapas musoqmantam mituwan laqapachinqa.

Amós 3:2

Kay pachapi lliw ayllukunamantam qamkunallata akllakurqaykichik. Chayraykum tukuy mana allinkuna ruwasqaykichikmanta castigasqaykichik.

Mateo 25:17

Chaynataqmi iskay wayqa chaskiqpas iskay wayqatawan mirarachirqa.

Juan 10:14

Ñoqaqa allin michiqmi kani. Imaynam Taytay ñoqata reqsiwan chaynam ñoqapas Taytayta reqsini, ovejaykunatapas reqsinim, paykunapas reqsiwantaqmi. Ñoqaqa ovejakunaraykum vidayta qoni.

Juan 21:17

Kimsakamaña tapuspanmi nirqa: Juanpa churin Simón, ¿kuyawankichum? nispa. Pedroñataqmi llakikururqa kimsa kutikamaña “kuyawankichu” nispa tapusqanwan, chaymi nirqa: Señor, qamqa tukuy imatam yachanki, yachankim kuyasqaytapas. Chaymi Jesús nirqa: Chaynaqa, ovejaykunatayá michiy.

Hechos 27:31

Ichaqa capitanmanwan soldadokunamanmi Pablo nirqa: Kay barcopi llamkaqkuna ayqekuptinqa manam salvakuyta atiwaqchikchu, nispa.

Efesios 6:4

Tayta-mamakuna, qamkunapas wawa-churikichiktaqa amayá piñachiychikchu, aswanqa kasukuqtayá uywaychik Señorninchikpa yachachikuyninman hina.

Deuteronomio 32:46

Chaymantam Israelpa mirayninkunata kaynata nirqa: Tukuy kay nisqaykunata yuyaymanaspa sonqoykichikpi hatalliychik. Chu-rikichikkunata kamachiychik kay yacha-chikuykunata kasukuspa ruwayman churanankupaq.

1~Timoteo 3:12

Diaconokunaqa huk warmiyuqllam kananku, paykunaqa wasinpi kaqkunatawan chaynataq churinkunatapas allintam kamachinanku.

2~Timoteo 1:5

Cheqap iñiyniyuq kasqaykitam yuyarini, abuelayki Loidawan mamayki Eunicepas ñawpaqmantaraqmi iñiyniyuq karqaku, chaymi confiakuchkani qampas chayna iñiyniyuq kasqaykimanta.

2~Timoteo 2:19

Diosmi ichaqa sellachkaq hina mana kuyuriq cimientota churarqa, chaypim kaynata nichkan: Señorqa paypa kaqkunataqa reqsinmi, chaynaqa Señorpa sutin qayakuqkunaqa mana allin ruwaykunamanta rakikuchunku, nispa.

2~Timoteo 3:15

Qamqa warma kasqaykimantaraqmi Chuya Qellqapi yachachikuykunata yacharqanki, chaykunaqa yachaytam qosunki Cristo Jesuspi iñispa salvakunaykipaq.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.

Jueces 13:12

Hinaptinmi Manoa nirqa: Nisqaykikuna cumplikuptinqa, ¿imaynatataq chay wawata uywasaqku? ¿Imatataq chay wawa ruwanqa? nispa.