Génesis 17:8 - CHUYA QELLQA La Biblia en Quechua de Ayacucho 2012

⁸ Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa.

Quechua Ayacucho Bible 1987

⁸ Kay *f**yachasqayki allpatam qanman qosqayki miraynikikunamanwan hinaspam paykunapa Diosnin kasaq. Enteron Canaan allpaqa wiñaypaq herenciaykichikmi kanqa —nispa.

Chuya Qellqa 1992

⁸ Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa.

Génesis 17:8 Iomraidhean Croise

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 13:15

Kay qawasqayki allpatam qanmanwan miraynikikunaman wiña-wiñaypaq qosqaykichik.

Génesis 13:17

Hatarispayki kay allpata patan-patan muyumuy, kay allpatam qosqayki, nispa.

Génesis 23:4

hinaspam nirqa: Ñoqaqa huklaw llaqtayuqmi qamkuna ukupi yachani. Chaynaqa, warmiy pampanaypaqyá allpata rantikuwaychik, nispa.

Génesis 26:24

Chay tutam Tayta Dios rikuriykuspan nirqa: Taytayki Abrahampa Diosninmi kani. Ama manchakuychu qanwanmi kachkani. Ñoqam bendecisqayki, serviqniy Abrahamraykum miraynikikunatapas mirachisaq, nispa.

Génesis 28:4

Abrahamman prometesqan bendicionnintayá qanmanwan miraynikikunaman qosunkichik, chaynapi mana llaqtayuq hina yachasqanchik allpa qamkunapaña kananpaq, nispa.

Génesis 35:27

Chaymantam Jacob chayarurqa taytan Isaacpa kasqan Mamre lawpi Arba llaqtaman, chay llaqtapa huknin sutinmi karqa Hebrón. Chaypim ñawpaqta Abrahampas chaynataq Isaacpas yacharqa.

Génesis 36:7

Jacobwan Esauqa llumpay apullañam karqaku, animalsapallaña kasqankuraykum kuska yachayta mana atirqakuchu, yachasqanku allpapas manam hayparqachu.

Génesis 37:1

Jacobmi taytanpa yachasqan Canaán allpapi mana llaqtayuq hina yacharqa.

Génesis 48:4

niwarqa: “Ñoqam churisapata ruwasqayki, achka nacionkunataqmi hatarinqa miraynikimanta. Kay allpatam wiñay herencianku kananpaq miraynikikunaman qosaq” nispan.

2~Samuel 23:5

Mirayniykunapas Diospim allin hapipasqa kachkan; paymi ñoqawan wiñaypaq pactota ruwarqa, allin terminonpi hinaspa allin ruwasqata. Payqa salvaykuwaspam tukuy munasqayta ruwanqa.

1~Crónicas 16:18

kaynata nispan: Canaán allpatam qanman qosqayki, herenciayki kananpaqmi qosqayki, nispa.

Éxodo 13:11

Qamkunamanpas, ñawpaq taytay-ki-kunamanpas jurasqanman hina cananeokunapa allpanta Tayta Dios qoykusuptikichikmi,

Éxodo 21:6

patronninmi Diospa santuarionman pusanqa, hinaspam punkuman otaq punkupa pilarninman asuykachispan alesnawan chay criadonpa rinrinta uchkurunqa, hinaptinmi kawsanankama chay patronninpa criadonña kanqa.

Éxodo 29:45

Hinaspam Israelpa mirayninkunapa chawpinpi yachaspay Diosninku kasaq.

Éxodo 32:13

Serviqniki Abrahamman, Isaacman hinaspa Israelman jurasqaykita yuyariy, paykunatam nirqanki: “Ñoqam cielopi chaskakunata hina miraynikichikta mirachispay prometesqay allpata qosaq, chaynapi wiñaypaq herencianku kananpaq”, nispa.

Éxodo 40:15

Paykunatapas taytankuta hinam sacerdoteykuna kanankupaq aceitewan tallispa sapaqchanki. Aceitewan tallisqaykiraykum wiñaypaq sacerdoteykunaña lliw mirayninkunapiwan kanqaku, nispa.

Éxodo 6:4

Paykunawanmi pactota ruwarqani, chaynapi huklaw llaqtayuq hina yachasqanku Canaán allpata paykunaman qonaypaq.

Éxodo 6:7

Llaqtaypaqña hapiykuspaymi Diosnikichik kasaq, qamkunañataqmi Egipto nacionpi sasa llamkaykunapi ñakarisqaykichikmanta hurqoqnikichik Tayta Dios kasqayta yachankichik.

Jeremías 25:5

Paykunam kaynata nisurqankichik: “Mana allin kawsaymantawan mana allin ruwaymanta wanakuspaykichikqa, taytaykichikmanpas chaynataq qamkunamanpas wiñaypaq qosqay allpapim yachankichik.

Jeremías 31:1

Tayta Diosmi kaynata nin: Chay tiempopim Israelpa llapallan mirayninkunapa Diosnin kasaq, paykunañataqmi llaqtay kanqaku, nispa.

Ezequiel 11:20

Hinaptinmi kamachikuyniykunaman hina decretoykunaman hina kawsaspanku ruwayman churanqaku. Paykunam llaqtay kanqa, ñoqañataqmi Diosninku kasaq.

Ezequiel 33:24

Runapa churin, Israel nacionpi kaq purmasqa llaqtakunapi yachaqkunam kaynata nichkanku: “Abrahamqa sapallan kachkaspanpas kay allpatam hapikuykurqa, ñoqanchikqa paymantaqa achkam kachkanchik, hinaspaqa aswanraqchiki kay allpataqa hapikuykusun”, nispanku.

Levítico 14:34

Sichum qamkunaman qonay Canaán allpapiña kachkaptikichik, hukkaqnikichikpa wasiman leprata kachaykamuptiyqa,

Levítico 16:34

Kaymi qamkunapaq wiña-wiñaypaq kamachikuy kanqa. Watapim huk kutita kayta ruwankichik Israelpa mirayninkunapa huchanta pampachanaypaq, nispa. Chaymi Tayta Diospa imaynam kamachisqanman hina Moisés ruwarqa.

Levítico 26:12

Qamkunapa chawpikichikpi purispaymi Diosnikichik kasaq, qamkunañataqmi runaykuna kankichik.

Zacarías 8:8

Kutichimuptiymi Jerusalenpi yachakunqaku, paykunam kanqa llaqtay, ñoqañataqmi Diosninku kasaq, paykunam ñoqapi hapipakunqaku, ñoqañataqmi nanachikuqninku kasaq, nispa.

Números 10:29

Huk punchawmi Madián ayllu suegron Jetropa churin Hobabta Moisés nirqa: Tayta Diospa qowasqanku allpamanmi richkaniku, sichum ñoqaykuwan riptikiqa yanapasqaykikum. Israel ayllukunataqa Tayta Diosmi prometewarqaku yanapawanankupaq, nispa.

Números 25:13

Ñoqapi sonqoyuq kasqanraykum paywanpas chaynataq mirayninkunawanpas pactota ruwasaq, chaynapi sacerdoteykunaña wiñaypaq kanankupaq. Chaynataqa ruwani Israel miraykunapa huchankunata pampachaykachiwasqanraykum, nispa.

Números 27:12

Moisestam Tayta Dios kaynata nirqa: Abarim orqoman riy, chay orqomantam Israelpa mirayninkunaman qosqay allpata qawarinki.

Hechos 7:5

Diosqa manam ima herenciatapas kay allpapiqa qorqachu ni chakillan churaykunanpaqpas; ichaqa mana churiyuq kachkaptinpas, Diosmi tukuy kay allpata paymanwan mirayninkunaman qonanpaq prometerqa.

Deuteronomio 14:2

Qamkunaqa Señornikichik Tayta Diospa chuya llaqtanmi kankichik. Kay pachapi llaqtakunamantam payllapaqña kanaykichikpaq akllasurqankichik.

Deuteronomio 26:18

Israel llaqta, kunanmi Tayta Dios nisunkichik qamkunaqa llaq-tanña kasqaykichikta, imaynam prometekusqanman hina, chaynaqa, tukuy kamachikuyninkunatayá kasukuychik.

Deuteronomio 29:13

Chaynapim kunanmantaqa Tayta Diospa llaqtanña kankichik. Payñataqmi Diosnikichikña kanqa, imaynam ñawpaq taytaykichik Abrahamman, Isaacman chaynataq Jacobman jurasqanpi hina.

Deuteronomio 32:49

Moab lawpi, Jericó llaqtapa chimpan Abarim orqokunaman rispaykiyá Nebo orqoman qespiy, chaymantam Israelpa mirayninkunaman qonay Canaán allpata qawarinki.

Deuteronomio 32:8

Tukuy imapa hawanpi munaychakuq Diosmi nacionkunaman herenciata rakinarqa, chay nacionkunapa linderonkunatam churarqa, Israelpa mirayninkunaman hinam rakirqa.

Deuteronomio 34:4

Hinaspam Moisesta Tayta Dios nirqa: Kay allpatam Abrahamman, Isaacman hinaspa Jacobman jurarqani, chaynapi paykunapa mirayninkunaman qonaypaq. Qawaykunaykitam munarqani, ichaqa manam yaykunkichu, nispa.

Deuteronomio 4:37

Tayta Diosqa ñawpaq taytaykichikkunata kuyasqanraykum mirayninkunata akllarqa, hinaspam Egipto nacionmanta ancha hatun atiyninwan hurqomurqa.

Deuteronomio 9:5

Manam allin ruwaq runakuna otaq allin sonqoyuq kasqaykichikraykuchu paykunapa allpanmanqa pusasunkichik. Aswanqa Señornikichik Tayta Diosmi chay runakunataqa mana allinkuna ruwasqankumanta qarqonqa, chaynata ñawpaq taytaykichik Abrahamman, Isaacman hinaspa Jacobman jurasqanta cumplinanpaq.

Hebreos 9:15

Chayraykum Jesucristontakama Dioswan musoq pactoman yaykunchik, paypa wañusqanwanmi punta kaq pactopi kaspa huchallikusqanchikmanta pampachasqa kanchik, chaynapi haykam akllasqakunaqa wiñaypaq herencia prometesqankunata chaskinanchikpaq.

Josué 1:2

Serviqniy Moisesmi wañukun. Chaynaqa, llapa runakunawan kay Jordán mayuta chimpay, chaynapi Israelpa mirayninkunaman qosqay allpaman yaykunaykichikpaq.

Apocalipsis 21:7

Pipas venceqqa tukuy kaykunatam herenciapaq chaskinqa, ñoqam Diosnin kasaq, payñataqmi churiy kanqa.