Génesis 17:6 - CHUYA QELLQA La Biblia en Quechua de Ayacucho 2012

⁶ Anchallataña mirachiptiymi qanmanta hatarinqa reykuna chaynallataq nacionkunapas.

Quechua Ayacucho Bible 1987

⁶ Mirachisqaykim nana-nanaqta, miraynikimantataqmi rurasaq nacionkunatapas hinaptinmi reykuna qanmanta kanqa.

Chuya Qellqa 1992

⁶ Anchallataña mirachiptiymi qanmanta hatarinqa reykuna chaynallataq nacionkunapas.

Génesis 17:6 Iomraidhean Croise

Génesis 13:16

Miraynikikunatam ñutu allpata hinaña mirachisaq, manam pipas yupayta atinqachu.

Génesis 17:16

Payta bendeciptiymi churikita wachakunqa, chaymi nacionkunapa maman kanqa, paymanta nacemuqkunam nacionkunapa reyninkuna hatarinqa, nispa.

Génesis 17:20

Ismaelpaq mañakuwasqaykitapas uyarikim, paytapas bendecispaymi sinchillataña mirachisaq. Paypa mirayninkunamantam chunka iskayniyuq kamachikuqkuna hatarinqa, paymantam huk hatun nacionta hatarichisaq.

Génesis 17:4

Kaynam qanwan pacto ruwasqayqa kanqa: Qanmantam achka nacion-kuna lloqsinqa.

Génesis 26:22

Chaynapim Isaacqa huklawman anchurikuspan chaypipas huk pozota uchkuchirqa, chaypim ichaqa manaña piñanakurqañachu. Chaymi “Hawkayay pozowan” suticharqa, hinaspam nirqa: Kunanqa Diosmi bendeciykuwanchik kay allpapi achkayananchikpaq, nispa.

Génesis 28:3

Tukuy Atiyniyuq Tayta Diosyá bendecisunki churisapallaña kanaykipaq, chaynapi qanmanta achka nacionkuna lloqsinanpaq.

Génesis 35:11

Diosqa nirqataqmi: Ñoqaqa Tukuy Atiyniyuq Diosmi kani, churikikunayá achkallaña kachun ancha mirayniyuq kanaykipaq, achka nacionkunam miraynikimanta lloqsinqa, qanmantam reykuna hatarinqa.

Génesis 41:52

Huknin churintañataqmi Efrainwan suticharqa: “Diosmi ñakarisqay nacionpi miraykachiwan” nispa.

Génesis 47:27

Israelpa mirayninkunam Egipto nacionpi yachaspanku Gosén lawpi chakrakunata hapikuykurqaku, hinaspam anchallataña mirarqaku.

Génesis 48:3

hinaspam Joseyta nirqa: Tukuy Atiyniyuq Diosmi Canaán lawpi Luz sutiyuq llaqtapi rikuriykuwaspan

Génesis 48:4

niwarqa: “Ñoqam churisapata ruwasqayki, achka nacionkunataqmi hatarinqa miraynikimanta. Kay allpatam wiñay herencianku kananpaq miraynikikunaman qosaq” nispan.

Esdras 4:20

Jerusalén llaqtapiqa atiyniyuq reykunam kasqa, paykunam munaychakusqaku Eufrates mayupa tukuy waklawninkamaraq, hinaptinmi paykunaman tukuy rikchaq impuestokunata pagasqaku.

Levítico 26:9

Ñoqam yanapasqaykichik hinaspam achka-achkallaña kanaykichikkama mirachisqaykichik, chaynapim qamkunawan pacto ruwasqayta cumplisaq.