Génesis 17:10 - CHUYA QELLQA La Biblia en Quechua de Ayacucho 2012

¹⁰ Kaymi kay pactoy, kaytam ruwayman churan-kichik qampas chaynallataq miraynikikunapas: Qamkunamanta kaq llapallan qarikunam qari kayninpi señalasqa kanqaku.

Quechua Ayacucho Bible 1987

¹⁰ Kaymi contratoy, kaytam kasukunki miraynikikunapiwan. Qamkunamanta kaq llapallan qarikunam señalasqa kanqa.

Chuya Qellqa 1992

¹⁰ Kaymi kay pactoy, kaytam ruwayman churankichik qampas chaynallataq miraynikikunapas: Qamkunamanta kaq llapallan qarikunam qari kayninpi señalasqa kanqaku.

Génesis 17:10 Iomraidhean Croise

Génesis 17:11

Señalankichikqa qari kayninpa qarachanta kuchuspam, chaymi qamkunawan pacto ruwasqaypa señalnin kanqa.

Génesis 17:23

Chaynapim Abrahamqa chay punchawpi señalarqa churin Ismaelta, wasinpi naceqkunata chaynallataq qollqenwan rantisqan esclavonkunatapas. Diospa nisqanman hinam qari kayninkupa qarachanta kuchuspan señalarqa.

Génesis 17:27

Paywan kuskataqmi wasinpi llapallan qarikunapas señalasqa karqaku, chaypi naceq esclavonkunapas chaynallataq huklawmanta qollqewan rantimusqankunapas.

Génesis 21:4

Hinaspam Diospa kamachisqanman hina churin Isaac pusaq punchawniyuq kachkaptin, qari kayninpa qarachanta kuchuspan señalarqa.

Génesis 34:15

Sichum qamkunapas ñoqayku hina, llapan qarikuna qari-kaynikichikpi señalachikuptikichikmi ichaqa arí nisqaykiku.

Génesis 34:22

Ichaqa paykunawan huk llaqtallaña kananchikpaqmi, ñoqanchikpas qarikuna paykuna hina llapallanchik qari kayninchikpa qarachanta señalachikunanchik.

Éxodo 12:48

Sichum huklaw llaqtayuq runa qamkunawan yachasqanrayku Tayta Diospa Pascuan ruwayta munaspaqa, ayllunpi kaq qarikunam qari kayninkuta señalachikunqaku, hinaspañam Pascua fiestata ruwanqa, chaynata ruwaspaqa castamasikichikñam kanqa. Pipas mana qari kayninpi señalasqa kaspaqa amam mikunqachu.

Éxodo 4:25

Chaymi warmin Seforaqa ñawchi rumita hapiykuspan wawanpa qari kayninpa qarachanta kuchururqa, hinaspam Moisespa chakinman tupaykachispan nirqa: Cheqaptapas qamqa yawarpa chanin qosaymi kanki, nispa.

Jeremías 4:4

Judá nacionpi Jerusalén llaqtapi runakuna, ñoqa Tayta Diospaq señalakuychik, sonqoykichikpi pacto ruwasqay marcata señalakuychik; yanqañataq mana allinkuna ruwasqaykichikmanta piñakuyniy nina hina ratarirunman, mana pipapas amachay atinankama.

Juan 7:22

Moisesmi kamachikuyta qosur-qankichik qari-kaynikichikta señalachikunaykichikpaq. Kaykunaqa karqa ñawpaq taytaykichikmantaraqmi, manam Moisesllamantachu, chaymi samana punchaw kachkaptinpas runata señalankichik.

Hechos 7:8

Diosmi pactota Abrahamwan ruwaspan qari kayninkupi señalasqa kanankupaq kamachirqa. Chaymi churin Isaac naceruptin pusaq punchawninman señalarqa; hina chaynallatam Isaacpas churin Jacobta señalarqa, Jacobpas chaynallatataqmi chunka iskayniyuq churinkunawan ruwarqa.

Romanos 2:28

Judío kayqa manam hawallamantachu, nitaqmi aychapi señalarachikuyllachu.

Romanos 3:25

Diosmi ñawpaq huchanchikkunata pampachawananchikpaq Jesucristota churarqa, wañuspa yawarnin chaqchusqanwan salvasqa kananchikpaq, chaytaqa iñiyllawanmi haypanchik. Chaynatam Diosqa pacienciayuq kasqanta qawachiwanchik.

Romanos 3:28

Chaynapim yachanchik, runakunaqa iñiyllawan mana huchayuqpaqña Diospa chaskisqan kasqanta. Chayqa manam leyta kasukusqanraykuchu.

Romanos 3:30

Diosqa chullallam. Chaymi pipas iñikuptinqa mana huchayuqpaqña chaskin, qari kayninpi señalasqa judío kaptin otaq mana señalasqa kaptinpas.

Gálatas 3:28

Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Gálatas 6:12

Sichum pipas señalachi-kuychik nisuspaykichikqa, runakunawan allin lloqsiyta munaspam obligasuchkankichik, chaynapi Jesucristoqa cruzpi wañusqanmanta willakuspa mana qatikachasqa kanankupaqmi.

Efesios 2:11

Chaynaqa, mana judío kaqkuna, imaynam ñawpaq tiempopi kasqaykichiktayá yuyariychik. Qari kayninpi señalasqa judiokunam qamkunata nisurqankichik: “Mana señalasqakuna”, nispanku.

Deuteronomio 10:16

Sonqoykichikpi millakuypaq kaqkunata wischuspa chuyanchakuychik, amañayá rumi sonqoqa kaychikchu.

Deuteronomio 30:6

Señornikichik Tayta Diosmi qamkunatapas chaynataq miraynikichiktapas kasukuq sonqotaña ruwasunkichik, chaynapi tukuy sonqoykichikwan, tukuy vidaykichikwan payta kuyaspa allinta kawsanaykichikpaq.

Filipenses 3:3

Cheqap señalasqakunaqa ñoqanchikmi kanchik, Espiritunpa yanapasqanmi Diosninchikta yupaychanchik, hinaspam Jesucristopi iñispa salvasqa kasqanchikwan alabakunchik, aychapi señalachikuyman mana hapipakuspa.

Josué 5:2

Chay tiempopim Josueyta Tayta Dios nirqa: Rumimanta cuchillokunata ruwaspayki Israelpa mirayninkunata musoqmanta señalay, nispa.

Josué 5:4

Señalarqaqa Egiptomanta lloqsimuq guerrapi peleaq qarikuna chunniqninta hamusqankupi llapallan wañurusqankuraykum.