Génesis 16:10 - CHUYA QELLQA La Biblia en Quechua de Ayacucho 2012

¹⁰ Miraynikikunatam mirachisaq, nana-nanaq kasqankuraykum mana yupay atina kanqaku.

Quechua Ayacucho Bible 1987

¹⁰ Tayta Diospa angelninqa nirqataqmi: Mirachisaqpunim miraynikikunata nana-nanaq kasqanrayku mana yupay atinata. Wiksayoqñam kachkanki.

Chuya Qellqa 1992

¹⁰ Miraynikikunatam mirachisaq, nana-nanaq kasqankuraykum mana yupay atina kanqaku.

Génesis 16:10 Iomraidhean Croise

Génesis 13:16

Miraynikikunatam ñutu allpata hinaña mirachisaq, manam pipas yupayta atinqachu.

Génesis 16:9

Chaymi Tayta Diospa angelnin nirqa: Patronaykipa qayllanman kutiy hinaspa humillakuspa kasukuy.

Génesis 17:20

Ismaelpaq mañakuwasqaykitapas uyarikim, paytapas bendecispaymi sinchillataña mirachisaq. Paypa mirayninkunamantam chunka iskayniyuq kamachikuqkuna hatarinqa, paymantam huk hatun nacionta hatarichisaq.

Génesis 21:13

Esclavapa wawan-mantapas qampa churiki kasqanraykum hatun nacionta hatarichisaq, nispa.

Génesis 21:16

Chaypi warmata saqeykuspanmi karuniqpi tiyaykurqa: Waway wañuqtaqa amayá qawasaqchu, nispan. Warmañataqmi qaparispa waqakurqa.

Génesis 21:18

Asuykuspayki warmata makinmanta hatarichiy, paymantam hatun nacionta hatarichisaq, nispa.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Malaquías 3:1

Tukuy Atiyniyuq Tayta Diosmi kaynata nin: Ñoqamanta willakuqtam ñanta allichapuwananpaq ñawpaqniyta kachamusaq. Hinaptinmi maskasqaykichik Diosqa, templonman qonqayllamanta hamunqa. Ñam chayamuchkanña pactomanta willakuq ancha suyasqaykichik, nispa.

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

1~Timoteo 6:16

Payllam mana wañuqqa, mana asuykuy atina kanchariq achkiypim kawsakun, manam pipas rikurqachu nitaqmi rikuyta atinmanchu. Payllam llumpay atiyniyuqqa, chaynaqa wiña-wiñaypaqyá yupaychasqa kachun. Amén.

Jueces 6:11

Hinaptinmi Tayta Diospa angelnin Ofra llaqtaman hamuspan, chaypi kaq encina sachapa sikinpi tiyaykurqa, chay sachaqa Abiezer casta Joaspam karqa. Joaspa churin Gedeonñataqmi uvas saruna uchkupi trigota wayrachichkarqa, Madián castakuna mana rikurunanpaq.

Jueces 6:16

Chaymi Tayta Dios nirqa: Yanapaptiymi chulla runata hinalla madianitakunata vencenki, nispa.