Génesis 15:17 - CHUYA QELLQA La Biblia en Quechua de Ayacucho 2012

¹⁷ Inti seqaykuyta sinchita tutayaruptinmi rikurirurqa huk qosnichkaq hornowan lenwachkaq nina, hinaspam chitqasqa animalkunapa chawpinta pasarqa.

Quechua Ayacucho Bible 1987

¹⁷ Inti seqaykuytaña sinchita tutayaruptinmi rikurirurqa huk qosnichkaq hornochapiwan lenguachkaq nina hinaspam partisqa animalkunapa chawpinta pasarqa.

Chuya Qellqa 1992

¹⁷ Inti seqaykuyta sinchita tutayaruptinmi rikurirurqa huk qosnichkaq hornowan lenwachkaq nina, hinaspam chitqasqa animalkunapa chawpinta pasarqa.

Génesis 15:17 Iomraidhean Croise

Génesis 15:10

Chaymi Abramqa chay animalkunata apamuspan chawpimanta iskayman chitqarurqa, hinaspam sapakamata chimpapurata churarqa, palomatawan kullkutam ichaqa mana chitqarqachu.

2~Samuel 22:9

Senqanmantam qosni wicharirqa, siminmantam lenwachkaq nina lloqsimurqa rupachkaq sansatam wischumurqa.

1~Reyes 18:38

Hinaptinmi Tayta Diospa ninan wichiykamuspan ruparurqa torota, yantata, rumikunata hinaspa allpatapas, muyuriqnin yarqapi yakutapas chakirachirqam.

1~Crónicas 21:26

Hinaspanmi Tayta Diospaq altarta hatarichispan lliw kañana sacrificiotawan Dioswan allinlla kasqanmanta ofrendakunata ofrecerqa. Chaymantam Tayta Diosta mañakuptin payñataq nimurqa, hanaq pachamanta lliw kañana sacrificiota churasqan altarpa hawanman ninata kacharimuspan.

Éxodo 19:18

Ninapi Tayta Dios uraykamuptinmi Sinaí orqo qosnirirqa hornopa qosniriynin hinaraq, orqontinmi sinchita katkatatarqa.

Éxodo 20:18

Llapallan runakunam rayokunata hinaspa trompetapa waqasqanta uyarirqaku, qawarqakutaqmi llipyakunatawan orqopa qosnisqantapas. Chaymi manchakuspanku karullapi sayarqaku.

Isaías 62:1

Sión llaqtata kuyasqayraykum mana upallasaqchu, Jerusalenta kuyasqayraykum mana samaykusaqchu, tutapay inti hina allin ruwaykuna kancharinankama, ratachkaq mechero hina salvasqa kayniki achkrinankama.

Jeremías 11:4

Chay pactotam ñawpaq taytaykichikkunawan ruwarqani, metal chulluchina hornomanta hurqomuchkaq hina Egipto nacionmanta paykunata hurqomuspay, hinaspaymi kaynata nirqani: Tukuy nisqaykunata kasukuspaykichikqa chaynataq llapallan kamachisqaykunata ruwaspaykichikqa, runaykunam kankichik, ñoqañataqmi Diosnikichik kasaq.

Deuteronomio 4:20

Qamkunatam ichaqa metal chulluchina hornomanta hurqomuchkaq hina Egipto nacionmanta Tayta Dios hurqomusurqankichik, chaynapim kunanqa paypa runankunaña kankichik.

Jueces 13:20

Altarmanta nina altoman lenwaptinmi, chay lenwachkaq ninapi Tayta Diospa angelnin wicharirqa. Chayta rikuruspankum Manoaqa warminpiwan pampakama qonqoranpa kumuykurqaku.

Jueces 6:21

Tayta Diospa angelninñataqmi hapisqan tawnata haywarispan puntanwan aychata hinaspa mana levadurayuq tantata tupaykurqa, hinaptinmi rumimanta nina lloqsiramuspan aychatawan mana levadurayuq tantata ruparurqa. Chaymantam Tayta Diospa angelnin chinkarurqa.