Génesis 15:1 - CHUYA QELLQA La Biblia en Quechua de Ayacucho 2012

¹ Chaykunapa qepantam Abramman rikuriykuspan Tayta Dios nirqa: Abram, ama manchakuychu, ñoqam waqaychasqayki, llumpaytataqmi apuyachisqaykipas, nispan.

Quechua Ayacucho Bible 1987

¹ Kaykunapa qepantam Abranman revelaspan Tayta Dios nirqa: Abram, ama manchakuychu, ñoqam waqaychasqayki, anchatataqmi premiasqayki.

Chuya Qellqa 1992

¹ Chaykunapa qepantam Abramman rikuriykuspan Tayta Dios nirqa: Abram, ama manchakuychu, ñoqam waqaychasqayki, llumpaytataqmi apuyachisqaykipas, nispan.

Génesis 15:1 Iomraidhean Croise

Génesis 15:2

Chaymi Abram nirqa: Dios Taytalláy, ¿imapaqtaq imatapas qowankiman mana churiyuq kachkaptiyqa? Wasiypiqa kachkan Damascomanta kaq mayordomoy Eliezerllam.

Génesis 15:4

Chaymi Tayta Dios nirqa: Manam paychu herenciayki chaskiqqa kanqa, aswanqa churikipunim, nispa.

Génesis 21:17

Diosmi warmapa qaparisqanta uyarirqa. Chaymi cielomanta Diospa angelnin Agarta nimurqa: ¿Agar imataq pasasunki? Ama manchakuychu, warmapa waqasqantam Dios uyarirun.

Génesis 22:1

Kaykuna pasaruptinmi Abrahamta pruebaspan Dios nirqa: Abraham, nispa. Payñataqmi nirqa: Kaypim kachkani, nispa.

Génesis 22:20

Kaykuna pasaruptinmi Abrahamman willarqaku: Milcapas wawqeki Nacorpa churinkunatam wachakurun.

Génesis 26:24

Chay tutam Tayta Dios rikuriykuspan nirqa: Taytayki Abrahampa Diosninmi kani. Ama manchakuychu qanwanmi kachkani. Ñoqam bendecisqayki, serviqniy Abrahamraykum miraynikikunatapas mirachisaq, nispa.

Génesis 31:7

taytay-kichikmi ichaqa pagoytapas sapa kutilla cambiaspa engañawarqa, aswanqa Diosmi mana munarqachu mana allin ruwawananta.

2~Samuel 22:3

Diosnilláy, kallpanchaqniymi kanki, qamllapim hapipakusaq; atiynikiwan harkaykuwaspam salvaykuwanki, mana pipa chayay atinanpim pakaykuwanki, salvaqniymi qamqa kanki, mana allin ruwaqkunamantam libraykuwanki.

2~Reyes 1:15

Hinaptinmi Eliasta Tayta Diospa angelnin nirqa: Paywan riy, paytaqa ama manchakuychu, nispa. Chaymi Elías hatarispan capitanwan kuska reyman rirqaku.

1~Crónicas 28:20

Salomontaqa nirqataqmi: ¡Kallpanchakuspayá ruway, amayá hukmanyaruychu nitaq manchakuychu, Señorninchik Tayta Diosmi qanwan kachkan! Payqa manam saqesunkichu nitaqmi karunchakunqachu Tayta Diospa templonta chaynataq llapa servicionkunatapas ruway tukunaykikama.

Éxodo 14:13

Chaymi runakunata Moisés nirqa: Ama manchakuychikchu, allinta sayaychik hinaspa Tayta Diospa salvawasqanchikta kunan qawaychik, wak Egipto runakuna qawasqaykichiktaqa manañam haykapipas rikunkichikñachu.

Proverbios 11:18

Mana allin runapa pagonqa mana allin kaqkunallam; allinta kawsakuqmi ichaqa allin pagota chaskikunqa.

Proverbios 30:5

Diospa Chuya siminkunaqa cheqapmi; Diosman hapipakuqkunataqa paymi waqaychan.

Isaías 35:4

Hukmanyasqa sonqoyuqkunatayá niychik: Kallpanchakuspa ama manchakuychikchu, Diosnikichikmi salvasunaykichikpaq kaypi kachkan, enemigoykichikkunatam imam ruwasqankuman hina castiganqa, nispa.

Isaías 40:10

Tayta Diosqa atiywanmi hamuchkan, atiyninwanmi tukuy imapi munaychakuchkan, libramusqan llaqtantam pusamuchkan.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 43:1

Jacobpa miraynin Israel llaqta, unanchaqniki Tayta Diosmi kaynata nisunki: Ama manchakuychu, ñoqam libramurqayki sutikimantam qayamurqayki, qamqa ñoqapam kanki.

Isaías 43:5

Ama manchakuychu, ñoqam qanwan kachkani; ñoqam intipa qespimunan lawmanta, hinaspa intipa seqaykunan lawmanta, lliw miraynikikunata huñumusaq.

Isaías 44:2

Mamaykipa wiksanpi paqarichisuqnikim, unanchasuspayki yanapaqniki Tayta Diosmi kaynata nin: Serviqniy Jacobpa mirayninkuna, akllakusqay Jesurún llaqta, ama manchakuychu.

Isaías 44:8

Ama manchakuychikchu nitaq hukmanyaychikchu. ¿Manachu ñawpaqmantaraq yachayta qorqaykichik hinaspa willarqaykichik? Qamkunam testigoy kankichik. Ñoqallam Diosqa kani manam hukqa kanchu, Ñoqa hina hapipakunapaq sapaq diostaqa manam reqsinichu.

Isaías 51:12

Tayta Diosmi kaynata nin: Ñoqam kallpanchaqniki kani, ¿imanasqataq runakunata manchakunki? ¿Imanasqataq qora hina chakiruqlla runakunata manchakunki?

Jeremías 39:17

Ñoqa Tayta Diosmi kaynata niki: Chay punchawpim manchakusqayki runakunamanta librasqayki, manam paykunapa makinmanqa wichinkichu.

Lamentaciones 3:24

Ñoqam nini: “Tayta Diosmi tukuy ima kapuwaqniyqa, chayrakum payllapi hapipakullasaq”, nispay.

Ezequiel 1:1

Kimsa chunka watapa tawa kaq killanpa pichqa kaq punchawninpim, Quebar mayupa patanpi preso apasqakunawan kuska kachkarqani, hinaptinmi cielokuna kicharikuykuptin Diospa revelacionninta chaskirqani.

Ezequiel 11:24

Chaymantam Diospa Espiritunñataq chay visionpi hoqariruwaspan Babilonia nacionman kutirachiwarqa, preso apasqakunapa kasqanman. Chaynatam Tayta Diospa visión qawachiwasqan chinkarurqa.

Ezequiel 3:4

Niwarqataqmi kaytapas: Runapa churin, chaynaqa Israelpa mirayninkunaman kay imam nisqaykunata willamuy.

Números 12:6

paykunata nirqa: Kay nisqayta uyariychik: Qamkuna ukupi profeta kaptinqa ñoqam payman visionpi rikurisaq, hinaspam mosqoyninpi rimapayasaq.

Números 18:20

Aarontam Tayta Dios nirqa: Israelpa mirayninkunapa allpanpiqa manam herenciaykipas nitaq ima kapuqnikipas kanqachu, ñoqam herenciaykipas chaynataq kapuqnikipas kasaq.

Números 24:4

Diospa rimasqankunata uyariqmi, Tukuy Atiyniyuq Tayta Diospa qawachisqanta rikuqmi kaynata nini:

Mateo 28:5

Chay angelmi warmikunata nirqa: Ama manchakuychikchu, qamkunaqa chakatarusqanku Jesustam maskach-kankichik.

Mateo 8:26

Jesusñataqmi nirqa: Pisi iñiyniyuq runakuna, ¿imanasqataq mancharisqallaña kachkankichik? nispan. Chaymi hatarispan wayratawan lamar qochata qaqcharqa, hinaptinmi hawkayarurqa.

Lucas 1:13

Ichaqa chay angelmi nirqa: Zacarías ama manchakuychu, mañakuynikitam Dios uyariykun. Warmiki Elisabetmi qari wawata wachakunqa, paytam Juan nispa sutichanki.

Lucas 1:30

Angelñataqmi nirqa: María ama manchakuychu, Diospa kuyapayakuynintam haypaykunki.

Lucas 12:32

Ovejallaykuna, aslla kaspapas amayá manchakuychikchu, Dios Taytaykichikmi kuyasuspaykichik munaychakuyninta qoykusunkichik.

Hechos 10:22

Hinaptinmi paykunañataq nirqaku: Ñoqaykutaqa Capitán Corneliom kachamuwanku. Payqa Diosta manchakuq justo runam, paytaqa llapa judiokunapas allin runapaqmi reqsinku. Diospa angelninmi payta kamachirqa wasinman qayachisuspayki qampa nisqaykikunata uyarinanpaq, nispanku.

1~Corintios 3:22

Pablopas, Apolospas, Pedropas, kay pachapas, kawsakuypas, wañuypas, kunan kaqpas, hamuq kaqpas, llapallanmi qamkunapa.

Deuteronomio 18:2

Wakin ayllukuna hina allpata mana chaskiptinkupas Tayta Diosmi paykunapa herencianqa, chaynatam kikin Tayta Dios nirqa.

Deuteronomio 31:6

Chaynaqa, kallpanchakuspa qarinchakuychik. Ama paykunata manchakuychikchu, amataq katkatataychikchu; Señornikichik Tayta Diosmi qamkunawan richkan, manam payqa saqerusunkichikchu nitaqmi qonqasunkichikchu.

Hebreos 1:1

Ñawpaq tiempokunapim profetankunatakama achka kutita hinaspa tukuy imaymanapi ñawpaq taytanchikkunaman Dios rimapayarqa.

Apocalipsis 1:17

Rikuruspaymi ñawpaqninman wañusqa hina wichiykurqani, hinaptinmi alleq makinwan llapchaykuwaspan niwarqa: Ama manchakuychu, “Ñoqam kani Punta kaqpas, Qepa kaqpas

Rutwan Sutichasqa Libro 2:12

Diosyá tukuy chaykuna ruwasqaykimanta kutichipusunki, Israelpa yupaychasqan Diosyá bendecisunki payman hapipakamusqaykirayku, nispa.

1~Samuel 15:10

Chaymi Samuelta Tayta Dios nirqa:

1~Samuel 9:9

Ñawpaq watakunapim, Israel casta runakuna Diosta tapukuq rispankuqa, kaynata niqku: “Qawaqpata hakuchik”, nispanku; kunan “profetawan” sutichasqanchiktam, ñawpaqtaqa “qawaqwan” sutichaqku.