Génesis 14:22 - CHUYA QELLQA La Biblia en Quechua de Ayacucho 2012

²² Hinaptinmi Abram nirqa: Kay pacha hanaq pacha unanchaq Tukuy Atiyniyuq Tayta Diosrayku juraspaymi nirqani:

Quechua Ayacucho Bible 1987

²² Hinaptinmi Sodoma llaqtapi reyta Abram nirqa: —Altokunapi kaq Tayta Diosmanmi, cielokunapas kay pachapas unanchaq Diosmanmi jurarqani kaynata:

Chuya Qellqa 1992

²² Hinaptinmi Abram nirqa: Kay pacha hanaq pacha unanchaq Tukuy Atiyniyuq Tayta Diosrayku juraspaymi nirqani:

Génesis 14:22 Iomraidhean Croise

Génesis 14:21

Abramtam Sodomapa reynin nirqa: Runakunallata qoykuwaspayki wakin qechumusqayki kaqkunataqa apakuy, nispa.

Génesis 17:1

Abramqa isqon chunka isqonniyuq watanpi kachkaptinmi Tayta Dios rikuriykuspan nirqa: Ñoqam kani Tukuy Atiyniyuq Tayta Dios, munasqayman hinayá kawsay.

Génesis 21:33

Hinaptinmi Beerseba llaqtapi tamarisco sachata Abraham plantarqa, hinaspam wiñaypaq kawsaq Diosta chaypi mañakurqa.

Génesis 24:3

hinaspayá cielokunapi chaynataq kay pachapi munaychakuq Tayta Diosrayku prometeway, kay yachasqay Canaán allpapi warmiwanqa churiyta ama casarachinaykipaq.

2~Samuel 2:5

runankunata David kacharqa Galaad law Jabes llaqtapi kaqkunaman kaynata nimunankupaq: Reyninchik Saulta kuyapayarispa pampasqaykichikmantam qamkunaqa Tayta Diospa bendecisqan kankichik.

2~Reyes 5:16

Hinaptinmi Eliseo nirqa: Tayta Diosqa kawsanmi, paypa qayllanpim kachkani, manam chaskikimanchu, nispa. Chaskiykunanpaq Naamán hikutaptinpas manam Eliseoqa chaskiyta mu-narqachu.

1~Crónicas 29:11

Dios Taytalláy, mayna hatunmi qamqa kanki, mayna hatunmi atiynikipas, mayna sumaqmi kanki, mayna kuyayllapaqmi kanki, mayna munayniyuqmi kanki; cielopi kaqkunapas qamllapam, kay pachapi kaqkunpas qamllapam. Dios Taytalláy, qamllam tukuy imapi munaychakuqqa kanki.

Éxodo 6:8

Abrahamman, Isaacman hinaspa Jacobman qonaypaq prometesqay allpamanmi pusasqaykichik. Chay allpata qoptiymi qamkunapaña kanqa. Ñoqam Tayta Dios kani, nispa.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Daniel 12:7

Hinaptinmi chay mayupa hawanpi sayaq linomanta pachayuq runa makinkunata altoman hoqarirqa, hinaspam kawsaq Diosrayku juraspan nirqa: Kaykunaqa cumplikunqa kimsa wata partenmantañam, Diospa chuya llaq-tanpa atiyninpa tuñichisqa kaynin tukuruptinñam, nispa.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Hageo 2:8

Tukuy Atiyniyuq Tayta Diosmi nin: Qoripas qollqepas ñoqallapam, nispa.

Deuteronomio 10:14

Amayá qonqaychikchu, hanaq pachapas, chaypi tukuy ima kaqkunapas, kay pachapas hinaspa chaypi tukuy ima kaqkunapas yupaychasqanchik Señornikichik Tayta Diospam.

Deuteronomio 32:40

Cieloman makiyta haywarispaymi jurani, wiñaypaq kawsaq Dios kasqayta.

Jueces 11:35

Churinta Jefté qawaykuspanmi, pachankunata llikipakuspan kaynata nirqa: ¡Ay, churilláy! Hatun llakimanmi churaruwanki, qamraqtaq lloqsiramunkipas kay hatun llakiman churaykuwanaykipaq, Tayta Diosmanmi prometekurqani, chay prometekusqaytaqa ruwanaypunim, nispa.