Génesis 14:15 - CHUYA QELLQA La Biblia en Quechua de Ayacucho 2012

¹⁵ Tutaykuruptinmi serviqninkunata rakinaruspan kayninta chayninta yaykuspa vencerurqaku, hinaspankum Damasco llaqtapa hanaynin Hoba lawkama qatirqaku.

Quechua Ayacucho Bible 1987

¹⁵ Chay tutam sirvientenkunata kayman-wakman rakinaykuspa vencerurqaku hinaspam Damasco llaqtapa norte lawnin Hofa lawkama qatirqaku.

Chuya Qellqa 1992

¹⁵ Tutaykuruptinmi serviqninkunata rakinaruspan kayninta chayninta yaykuspa vencerurqaku, hinaspankum Damasco llaqtapa hanaynin Hoba lawkama qatirqaku.

Génesis 14:15 Iomraidhean Croise

Génesis 15:2

Chaymi Abram nirqa: Dios Taytalláy, ¿imapaqtaq imatapas qowankiman mana churiyuq kachkaptiyqa? Wasiypiqa kachkan Damascomanta kaq mayordomoy Eliezerllam.

1~Reyes 15:18

Chaymi rey Asa, Tayta Diospa templonpi chaynataq reypa palacionpi puchuq qorita, qollqeta hurqospan hukkaqnin serviqninwan apachirqa Siria nacionpa reynin Ben-adadman. Ben-adadqa karqa Hezionpa willkan hinaspa Tabrimonpa churinmi. Ben-adadqa Da-masco llaqtapim yacharqa, paytam rey Asa kaynata nichimurqa:

Isaías 17:1

Damasco llaqtapa contranpim Isaías kaynata nirqa: Damasco llaqtaqa manañam llaqtañachu kanqa, aswanqa tuñichisqa perqakunallañam montorayanqa.

Isaías 7:8

Damasco llaqtaqa Siria nacionpa capitalninmi, Rezinñataqmi Damasco llaqtapa reynin. Soqta chunka pichqayuq watamantam Efraín casta otaq Israel nacionqa manaña nación kanankama chinkachisqa kanqa.

Jeremías 49:23

Damasco llaqtapa contranpim Tayta Dios kaynata nin: Manchakuypaq willakuykuna uyarisqanwanmi Hamat llaqtawan Arfad llaqtapas penqakuymanta kachkanku. Manchakuymi paykunaman huntaykun, manam ima ruwaytapas atinkuchu.

Ezequiel 27:18

Damasco runakunapas tukuy ima kapusuqnikikunatam achkanpi rantisuspayki, Helbón lawmanta kaq vinowan chaynataq Sahar lawmanta kaq millwawan pagasuq kanki.

Ezequiel 47:16

Hamat, Berota, Sibraim hinaspa Haurán llaqtawan tupanakuq Hazar-haticón lawninta pasanqa. Chay llaqtakunaqa tarikun Damasco llaqtawan Hamat llaqta tupanakuqpim.

Hechos 9:10

Damasco llaqtapim Jesucristopi iñiq Ananías yacharqa. Paymanmi Señor rikuriykuspan nirqa: Ananías, nispa. Chaymi payñataq nirqa: ¿Imata Señor? nispa.

Hechos 9:2

hinaspam cartakunata mañakurqa Damasco lawpi kaq sinagogakunapi kamachikuqkunapaq, chaynapi Jesucristopi iñiqkunata tarispanqa warmitapas qaritapas presota Jerusalenman apamunanpaq.

Hechos 9:8

Sauloñataqmi pampamanta hatarispan ñawsayarusqanrayku manaña imatapas rikurqachu. Chaymi makinmanta aysaspanku Damascoman pusaykurqaku.

Deuteronomio 15:2

Debekuqkunawanqa kaynatam ruwankichik: Runamasikichikman imatapas prestaykuspaqa pampachaykuspam amaña mañankichikñachu. Israelpa mirayninkuna kaptinpas otaq aylluykichik kaptinpas amañam mañankichikñachu. Chay watapim Tayta Diospa sutinpi kaynata willakunkichik: “Kunan wataqa debekuqkunata pampachana watam”, nispaykichik.

Jueces 7:16

Chay kimsa pachak runakunata kimsaman rakiruspanmi sapakamaman trompetata qorqa, qorqataqmi ukunpi ratachkaq mecheroyuq puyñukunatapas.