Génesis 13:18 - CHUYA QELLQA La Biblia en Quechua de Ayacucho 2012

¹⁸ Chaymi Abramqa carpanta astarqa Hebrón lawpi Mamre sutiyuq runapa encina sachankunapa kasqanman, chaypim Tayta Diosta yupaychananpaq huk altarta ruwarqa.

Quechua Ayacucho Bible 1987

¹⁸ Chaymi Abram karpanta apaspan *f**yacharqa Hebron llaqtapa hichpanpi otaq Mamre sutiyoq runapa encina sachankunapa kasqanpi, chayqa kachkan Hebron llaqtapa hichpanpim, chaypim huk altarta rurarqa Tayta Diosta adorananpaq.

Chuya Qellqa 1992

¹⁸ Chaymi Abramqa carpanta astarqa Hebrón lawpi Mamre sutiyuq runapa encina sachankunapa kasqanman, chaypim Tayta Diosta yupaychananpaq huk altarta ruwarqa.

Génesis 13:18 Iomraidhean Croise

Génesis 13:4

Chaypim ñawpaqta altar ruwasqanpi Tayta Diosta yupaycharqa.

Génesis 14:13

Hinaptinmi huk lluptiruq runañataq hebreo casta Abramman willaykamurqa, Amor casta Mamrepa encina sachankunapa kasqanpi yachachkaptin. Mamreqa karqa Escolpa chaynataq Anerpa wawqenmi. Paykunam Abramwan huklla karqaku.

Génesis 18:1

Mamre lawpi encina sachankunapa kasqanpi, sinchita rupamuptin carpapa punkunpi Abraham tiyachkaptinmi Tayta Dios payman rikuriykurqa.

Génesis 22:9

Diospa nisqan orqoman chayaruptinkum, altarta Abraham ruwarqa, chayman yantata churaykuspanmi churintañataq chaqnaykuspa chay yantapa hawanman churaykurqa.

Génesis 23:2

Payqa Quiriat-arba llaqtapim wañukurqa, chay llaqtapa huknin sutinmi Hebrón. Hebronqa tarikun Canaán allpapim. Sara wañukuptinmi Abraham llumpayta waqarqa.

Génesis 26:25

Chaymi Isaac huk altarta chaypi perqaspan Tayta Diosta mañakurqa. Chaypim carpantapas sayachirqa, serviqninkunañataqmi huk pozota uchkurqaku.

Génesis 35:27

Chaymantam Jacob chayarurqa taytan Isaacpa kasqan Mamre lawpi Arba llaqtaman, chay llaqtapa huknin sutinmi karqa Hebrón. Chaypim ñawpaqta Abrahampas chaynataq Isaacpas yacharqa.

Génesis 37:14

Hinaptinmi Israel nirqa: Rispaykiyá qawaramuy wawqekikunapa chaynallataq ovejakunapa imaynam kasqankuta, kutimuspa willawanaykipaq, nispa. Hebrón qechwamanta kachaptinmi Siquem lawkama José chayarurqa.

Génesis 8:20

Chaymantam huk altarta Tayta Diospaq Noé ruwapurqa, hinaspam sacrificanapaq kaq llapallan animalmanta, pawaq animalkunamanta chaynataq pampan puriqkunamantapas wañuchispa lliw kañana ofrendata Diosman chay altarpi ofrecerqa.

2~Samuel 2:1

Chaykuna pasaruptinmi Tayta Diosta David tapurqa: ¿Yaqachu Judá lawpi hukkaqnin llaqtaman riyman? nispa. Chaymi Tayta Dios nirqa: Riy, nispa. Huktawanmi David tapurqa: ¿Mayqan llaqtamantaq risaq? nispa. Tayta Diosñataqmi nirqa: Hebrón llaqtamanmi, nispa.

Números 13:22

Neguev lawman rispankum Hebrón llaqtakama chayarurqaku. Chaypim yacharqaku Ahimán, Sesai hinaspa Talmai; paykunaqa karqaku Anacpa mirayninkunam. Hebrón llaqtaqa hatarichisqa karqa Egipto nacionpi Zoán llaqtapa qanchis wata ñawpaqnintaraqmi.

1~Timoteo 2:8

Ñoqam munachkani tukuy hinastinpi kaq runakuna makinkuta hoqaris-panku Diosta chuya sonqolla mañaku-nankuta, chaytaqa ruwachunku ama piñakuspa hinaspa ama atipanakuspa.

Hebreos 11:9

Iñiyllawanmi Diospa prometesqan allpapipas runapa allpanpi mana llaqtayuq hina purirqa. Pay hinallataqmi Isaacwan Jacobpas maypim yachanankupaq promesata chaskirqaku.

Josué 14:13

Chaymi Josueyqa, Jefonepa churin Calebpaq Tayta Diospa bendicionninta mañakuspan Hebrón allpata herencianpaq qoykurqa.

Josué 15:13

Jefonepa churin Calebmanmi tupaqninta Josué qorqa Judá ayllupa allpan ukupi. Tayta Diospa kamachisqanman hinam qorqa Anacpa taytan Arbapa hatarichisqan Quiriat-arba llaqtata. Quiriat-arbapa huknin sutinmi karqa Hebrón.