Génesis 13:16 - CHUYA QELLQA La Biblia en Quechua de Ayacucho 2012

¹⁶ Miraynikikunatam ñutu allpata hinaña mirachisaq, manam pipas yupayta atinqachu.

Quechua Ayacucho Bible 1987

¹⁶ Allpapa ñutunta hinam miraynikita mirachisaq. Manam pipas allpapa ñutuntaqa yupayta atinmanchu chaynataqmi miraynikipas mana yupay atina kanqa.

Chuya Qellqa 1992

¹⁶ Miraynikikunatam ñutu allpata hinaña mirachisaq, manam pipas yupayta atinqachu.

Génesis 13:16 Iomraidhean Croise

Génesis 15:5

Abramta Tayta Dios hawaman pusaruspan nirqa: Qaway cielopi chaskakunata, ¿yupayta atiwaqchu? Wakna mana yupay atinam miraynikikunapas kanqa, nispa.

Génesis 16:10

Miraynikikunatam mirachisaq, nana-nanaq kasqankuraykum mana yupay atina kanqaku.

Génesis 17:16

Payta bendeciptiymi churikita wachakunqa, chaymi nacionkunapa maman kanqa, paymanta nacemuqkunam nacionkunapa reyninkuna hatarinqa, nispa.

Génesis 17:2

Qanwanmi pactota ruwasaq hinaspam nana-nanaqta mirachisqayki, nispa.

Génesis 17:20

Ismaelpaq mañakuwasqaykitapas uyarikim, paytapas bendecispaymi sinchillataña mirachisaq. Paypa mirayninkunamantam chunka iskayniyuq kamachikuqkuna hatarinqa, paymantam huk hatun nacionta hatarichisaq.

Génesis 17:6

Anchallataña mirachiptiymi qanmanta hatarinqa reykuna chaynallataq nacionkunapas.

Génesis 18:18

Abrahampa mirayninkunaqa ancha hatun nacionmi kanqa, payraykum llapallan nacionkunata bendecisaq.

Génesis 21:13

Esclavapa wawan-mantapas qampa churiki kasqanraykum hatun nacionta hatarichisaq, nispa.

Génesis 22:17

Anchata bendecispaymi chaskakunata chaynataq lamar qochapa patanpi aqota hinaña mirachisqayki. Miraynikikunam enemigoykikunapi munaychakunqa.

Génesis 26:4

Miraynikikunatam cielopi chaskakunata hinaña mirachisaq, kay allpakunatam miraynikikunaman qosaq. Kay pachapi llapallan nacionkunam miraynikirayku bendecisqa kanqaku.

Génesis 28:14

Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman, qamrayku hinaspa miraynikiraykum kay pachapi llapallan ayllukuna bendecisqa kanqa.

Génesis 28:3

Tukuy Atiyniyuq Tayta Diosyá bendecisunki churisapallaña kanaykipaq, chaynapi qanmanta achka nacionkuna lloqsinanpaq.

Génesis 32:12

Qamtaqmi niwarqanki: “Ñoqam yanapasqayki allin kanaykipaq chaynataq lamar qochapi aqo hinaña mana yupay atina mirayniyuq kanaykipaq”, nispayki.

Génesis 32:13

Chay tutam Jacob chaypi puñururqa, hinaspam akllarqa kapuqninkunamanta wawqen Esauman qonanpaq:

Génesis 35:11

Diosqa nirqataqmi: Ñoqaqa Tukuy Atiyniyuq Diosmi kani, churikikunayá achkallaña kachun ancha mirayniyuq kanaykipaq, achka nacionkunam miraynikimanta lloqsinqa, qanmantam reykuna hatarinqa.

Génesis 46:3

Chaymi Dios nirqa: Ñoqam kani Dios, taytaykipa Diosnin. Ama manchakuychu Egipto nacionman riytaqa, chaypim hatun nacionta qanmanta hatarichisaq.

1~Reyes 3:8

Chaywanpas akllakusqayki llaqtaykita nanachikunaypaqmi churaykuwanki, paykunaqa achkallaña kasqankuraykum manaña yupay atina kachkanku.

1~Reyes 4:20

Israelpawan Judapa runankunaqa lamar qochapa patanpi aqo hina manaña yupay atinam karqaku. Paykunam mikukuypi upyakuypi kaspanku kusisqallaña kawsakurqaku.

2~Reyes 13:23

Ichaqa Tayta Diosmi paykunata kuyapayaspan llakipayarikurqa, chaynataqa ruwarqa Abrahamwan, Isaacwan hinaspa Jacobwan pactota ruwasqankuraykum, chaymi kunan punchawkama paykunataqa mana chinkarachirqachu nitaqmi qayllanmantapas wischururqachu.

1~Crónicas 21:5

Hinaspanmi reyman Joab willarqa guerrapaq hina runakuna haykam kasqanta. Lliw Israel nacionpim karqa huk wara-waranqa pachak waranqan runakuna, Judá lawpiñataqmi karqa tawa pachak qanchis chunka waranqa runakuna. Paykunam karqaku guerraman rinankupaq hina qarikuna.

1~Crónicas 27:23

Tayta Diosmi prometerqa Israel runakunata cielopi chaskakunata hina-ña mirachinanpaq, chayraykum Davidqa mana yupachirqachu iskay chunka watanman manaraq chayaq runakunataqa.

2~Crónicas 1:9

Chaynaqa, Dios Taytalláy, taytay Davidman prometesqaykiyá cumplikuchun, qanmi ñutu allpa hinaña nana-nanaq runakunapi munaychakunaypaq churaykuwarqanki.

Jobwan Sutichasqa Libro 5:25

Miraynikikunapas achkallañam kanqa, mana yupay atina qora hina achkallañam kanqa.

Éxodo 1:7

Ichaqa Israelpa mirayninkunam llumpa-llumpayta mirarurqaku, kallpasapallañam karqakupas, chaymi Egipto nacionman huntaykurqaku.

Éxodo 32:13

Serviqniki Abrahamman, Isaacman hinaspa Israelman jurasqaykita yuyariy, paykunatam nirqanki: “Ñoqam cielopi chaskakunata hina miraynikichikta mirachispay prometesqay allpata qosaq, chaynapi wiñaypaq herencianku kananpaq”, nispa.

Jeremías 33:22

Serviqniy Davidpa mirayninkunatawan Leviypa mirayninkunatam achkallataña mirachisaq, cielopi chaskakuna hina chaynataq lamar qochapa patanpi aqokuna hina manaña yupay atina kanankukama, nispa.

Números 23:10

Jacobpa mirayninkunaqa ñutu allpa hinañam, ¿pitaq yupayta atinman? ¿Pitaq hayka kasqankutapas yachanman? ¡Ima allinraq kanman allin ruwaq runakuna hina ñoqapas wañukuptiyqa! ¡Ima allinraq kanman paykunapa wañukuyninta hina ñoqapas chinkaruptiyqa! nispa.

Deuteronomio 1:10

Señornikichik Tayta Diosmi llumpayta mirarachisunkichik, chaymi kunanqa cielopi chaskakuna hinaña kachkankichik.

Hebreos 11:12

Chayraykum Abrahampa wañukunanpaq hina yuyaqña kachkaptinpas mirayninqa cielopi chaskakuna hinaña nacerqa hinaspa lamar qochapa patanpi aqo hinaña mana yupay atina kanankama.

Apocalipsis 7:9

Chaymantam rikurqani achkallaña runakunata llapallan nacionkunamanta, ayllukunamanta, castakunamanta hinaspa tukuy rikchaq rimayniyuqkunamanta. Paykunaqa yuraq pachayuqkama palmera kallma hapiyniyuqkamam sayachkasqaku hatun tronopi tiyaqpa ñawpaqninpi hinaspa Corderopa qayllanpi. Paykunaqa kasqaku achkallaña mana pipapas yupay atinanmi.

Jueces 6:3

Israelpa mirayninkuna tarpuptinkum, madianitakuna, amalecitakuna chaynataq intipa qespimunan lawmanta kaqkunapas paykunapa contranpi hamuqku.

Jueces 6:5

Chay runakunaqa animalnintinmi hinaspa carpantinmi yaqa aqaruway uru hinaña hamuqku. Camellonkupas chaynataq paykunapas mana yupay atinam karqaku, chay allpapi kaqkunata tukunankupaqmi hamuqku.