Génesis 13:13 - CHUYA QELLQA La Biblia en Quechua de Ayacucho 2012

¹³ Sodomapi runakunaqa llumpay mana allin runakunam karqaku, Tayta Diospa contranpim millakuypaq kaqkunata ruwaspa anchata huchallikuqku.

Quechua Ayacucho Bible 1987

¹³ Sodomapi kaq runakunaqa karqaku llumpa-llumpay huchasapa mana allin runakunam, Tayta Diospa contranpim huchallikuqku.

Chuya Qellqa 1992

¹³ Sodomapi runakunaqa llumpay mana allin runakunam karqaku, Tayta Diospa contranpim millakuypaq kaqkunata ruwaspa anchata huchallikuqku.

Génesis 13:13 Iomraidhean Croise

Génesis 10:9

Paymi Tayta Diospa qayllanpi purun animalkuna hapiq kallpasapa runa karqa. Chayraykum pipas kallpasapa runamantaqa niqku: Kay qariqa Nimrod hinaraqmi, payqa Tayta Diospa qayllanpi purun animalkuna hapiq kallpasapa qarim karqa, nispanku.

Génesis 15:16

Tawa kaq miraynikikunam kay allpaman kutimunqaku, chaykamam Amor casta runakunata huchallapiña kachkaptinkupas manaraq chinkachisaqchu, nispa.

Génesis 18:20

Chaymi Abrahamta Tayta Dios nirqa: Sodoma llaqtapi Gomorra llaqtapi runakunapa huchankum paqway millakuypaqña rikurirun.

Génesis 19:13

Kay llaqtatam puchukachisaqku. Paykunapa millakuypaq hucha ruwasqankum Tayta Diospa qayllanman chayarun, chaymi pay kachamuwanku puchukachinaykupaq, nispanku.

Génesis 38:7

Ichaqa Judapa piwi churin Ermi, Diospa qayllanpi mana allinkuna ruwaq karqa, chayraykum Dios wañurachirqa.

Génesis 39:9

Kay wasipiqa ñoqamanta aswan munayniyuqqa manam pipas kanchu. Wasinpi tukuy iman kaqkunatam nanachikunaypaq saqeykuwan, qamllatañam manaqa saqewarqachu warmin kasqaykirayku. ¿Imaynataq kay mana allinta ruwaspay Diospa contranpi huchallikuyman? nispa.

Génesis 6:11

Diospa qayllanpim llapa runakuna paqwayta huchallikurqaku, chaymi kay pachaqa llumpay mana allinpa huntasqan karqa.

2~Reyes 21:6

Churintapas idolokunapaqmi kañapurqa. Layqayayman qokuruspanmi kikinpuni hatarichirqa qatipaqkunatawan alma qayaqkunata. Chay millakuypaq mana allin kaqkunata ruwaspanmi Tayta Diosta piñachirqa.

Isaías 1:9

Sichum Tukuy Atiyniyuq Dios kamallatapas mana puchuykuwaptinchikqa Sodoma, Gomorra llaqtakunamanñachá rikchakuchwan karqa.

Jeremías 23:14

Jerusalenpi profetakunatam millakuypaq kaqkuna ruwachkaqta rikurqani: Hukwan-hukwanmi waqllikunku, llullakuyllapim kallpakachanku, mana allin runakunatam kallpanchanku, huchankumanta mana wanakunankupaq. Sodoma Gomorra llaqtapi runakunamanraqmi rikchakunkupas.

Jeremías 23:24

¿Pitaq qayllaymanta pakakurunman? ¿Manachu ñoqaqa hanaq pachapipas kay pachapipas kachkani?

Números 32:23

Nisqaykichikta hina mana ruwaspam ichaqa Tayta Diospa contranpi huchallikunkichik, chaymantaqa cheqaptapunipas castigasqam kankichik.

Mateo 9:10

Mateopa wasinpi Jesús mikuch-kaptinmi impuesto cobraqkunawan huchasapapaq qawasqa runakuna achkallaña hamurqaku, hinaspankum Jesuswan chaynataq discipulonkunawan kuska mikurqaku.

Mateo 9:13

Rispaykichik, “Kuyapayakuq kanaykichiktam munani, manam sacrificiotachu” nisqanpa imam ninanta yachamuychik. Ñoqaqa hamurqani manam justo runakuna qayaqchu, aswanqa llapa huchasapakuna huchankumanta wanakunankupaq qayaqmi.

Juan 9:24

Judiokunam musoqmanta qayachimurqaku ñawsamanta sanoyaruq runata, hinaspam nirqaku: Diostayá yupaychay, ñoqaykuqa yachanikum chay runaqa huchasapa kasqanta, nispanku.

Juan 9:31

Yachasqanchikman hinapas Diosqa manam huchasapakunataqa uyarinchu, aswanqa kasukuspa munasqanta ruwaqkunallatam uyarin.

Romanos 1:27

Chaynallataqmi qarikunapas, manaña warmiwan kaspa, kalintapi animal hinaña kallpakachaspanku qaripuraña munapayanakunku, hinaspam millakuypaq mana ruwana kaqkunata kikinkupura ruwanakunku, chaynapim chay millakuypaq kaqkuna ruwasqankumanta castigota cuerponkupi chaskispa ñakarichkanku.

Hebreos 4:13

Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.

2~Pedro 2:10

Diosqa aswanraqmi castiganqa aychanpa munasqanpi hinaspa qanra vidapi puriqkunataqa, paykunaqa hatun tukusparaqmi atiyniyuqkunatapas desprecianku, nitaqmi manchakunkuchu hanaq pachapi atiyniyuqkunatapas.

Judas 1:7

Chay angelkuna hinam Sodoma Gomorra llaqtapi hinaspa vecinon llaqtakunapi kaqkunapas huchapakuypi purirqaku, paykunaqa qaripurañam uywanakurqaku. Paykunaqa wiñaypaq rawraq ninapi castigasqa kanankupaqmi churasqa kachkanku, chaykunawan ñoqanchikpas yuyayta hapinanchikpaq.

1~Samuel 15:18

Tayta Diosmi kachasurqanki chay huchasapa Amalec casta runakunata wañuchispa lliwta chinkachimunaykipaq.

1~Samuel 2:17

Chaynatam chay joven sacerdotekunaqa Diospa qayllanpi millakuypaqta huchallikuqku. Paykunaqa Diosman qosqanku ofrendakunatam mana kaqpaq hapiqku.