Génesis 13:10 - CHUYA QELLQA La Biblia en Quechua de Ayacucho 2012

¹⁰ Hinaptinmi Lot qawarirqa Jordán mayupa qechwankunata Zoar llaqtakama yakuyuq kasqanta, Tayta Diospa huertan hinaraq kasqanta, Egipto allpamanraqmi rikchakurqa. Chaynaqa karqa Sodomatawan Gomorrata Tayta Dios manaraq purmarachichkaptinmi.

Quechua Ayacucho Bible 1987

¹⁰ Chaymi Lot qawarirqa Jordan Mayupa enteron qechwanta, rikurqataqmi chay sitioqa Tayta Diospa huertan hina Zoar llaqtachakama yakuyoq kasqanta. Egipto allpamanmi rikchakurqa. Chaynaqa karqa Sodoma llaqtatawan Gomorra llaqtata Tayta Dios manaraq purmarachichkaptinmi.

Chuya Qellqa 1992

¹⁰ Hinaptinmi Lot qawarirqa Jordán mayupa qechwankunata Zoar llaqtakama yakuyuq kasqanta, Tayta Diospa huertan hinaraq kasqanta, Egipto allpamanraqmi rikchakurqa. Chaynaqa, karqa Sodomatawan Gomorrata Tayta Dios manaraq purmarachichkaptinmi.

Génesis 13:10 Iomraidhean Croise

Génesis 11:27

Tareypa mirayninkunam kaykuna. Tareypa churinkunam karqa Abram, Nacor hinaspa Harán. Haranpa churinñataqmi karqa Lot.

Génesis 13:11

Chaymi Lot akllakuykurqa Jordán mayupa qechwankunata, hinaspam intipa qespimunan lawman ripukurqa. Chaynapim rakinakururqaku.

Génesis 13:9

Kayqaya allpaqa ñawpaqnikipi. Mañakuykim ñoqamanta rakikunaykipaq. Ichoq lawman riptikiqa alleq lawmanmi risaq, alleq lawman riptikiñataqmi ichoq lawman risaq, nispa.

Génesis 14:2

Sodomapa reynin Berapa, Gomorrapa reynin Birsapa, Admapa reynin Sinabpa, Zeboimpa reynin Semeberpa hinaspa rey Belapa contranpi (Belapa huknin sutinmi karqa Zoar).

Génesis 14:8

Hinaptinmi Sodomapa reynin, Gomorrapa reynin, Admapa reynin, Zeboimpa reynin hinaspa Belapa otaq Zoarpa reynin lloqsispanku Sidim qechwapi pelearqaku

Génesis 3:6

Chaymi warmi qawaykurqa chay sachapa rurunqa mikunapaq hina kasqanta hinaspa yachayta haypanapaqpas munayllapaqña kasqanta, chaymi rurunta pallaykuspan mikururqa, qosanmanpas qoykuptinmi paypas mikururqa.

Génesis 47:6

kayqaya Egipto allpaqa makikipi kachkan, chaynaqa taytaykitawan wawqekikunata Gosén allpapi churamuy. Sichum paykuna ukupi kachkan uywaykuna nanachikunanpaq hina, hinaptinqa animalniykunata michinankupaq churamuy, nispa.

Génesis 6:2

Diospa churinkunam, runakunapa warmi churinkuna kuyayllapaq kasqanta qawaykuspanku, munasqankuta akllakuykuspa casarakurqaku.

1~Reyes 7:46

Reymi kamachikurqa bronceta chulluchispa llinkumanta ruwasqa moldekunapi tukuy chaykunata ruwa-nankupaq. Chaykunataqa ruwarqa-ku Jordán mayupa patan pampakunapim Sucotmanta Saretanman rinapi.

Jobwan Sutichasqa Libro 40:23

Jordán mayu llumpayta huntaptinpas payqa manam manchakunchu, hociconmanña yaku haypaptinpas manam manchakunchu.

Isaías 15:5

Moab nacionraykum sonqoy qaparin. Runankunam kimsa watayuq vaquilla kaqllaraq Zoar llaqtakama lluptichkanku. Luhit wichaytam waqastin qespichkanku. Horonaim llaqtaman riq ñantam llakikuypi kasqankurayku qaparispa richkanku.

Isaías 51:3

Tayta Diosmi Sión llaqtata llakipayarinqa, purmasqa llaqtatam kuyapayarinqa, chunniq allpankunatam Edén huertaman tikranqa, mana imapa qespinan allpankunata Tayta Diospa huertanman tikranqa. Chaypiqa ancha kusikuymi kanqa, graciasta qospam takinqaku.

Jeremías 48:34

Hesbón llaqtapi yachaqkunam nanaywan qaparichkanku, qapariyninkum Eleale llaqtamanta Jahaza llaqtakama uyarikuchkan, Zoar llaqtamanta Horonaim llaqtakamam uyarikuchkan, Eglat-selisiyá lawkamam uyarikuchkan. Nimrim wayqopi pukyukunapas lliwmi chakirun.

Ezequiel 16:46

Mayor ñañaykim Samaria, paymi wawankunapiwan norte lawnikipi yachachkanku; Sodomañataqmi sullka ñañayki, paypas wawankunapiwanmi sur lawnikipi yachachkanku.

Ezequiel 16:49

Ñañayki Sodomapa mana allinkuna ruwasqanqa kaymi karqa: Payqa wawankunapiwanmi, achkallaña mikunayuq kasqankurayku, tukuy imayuq kaspa hawka kawsakusqankurayku hatun tukuqllaña karqaku. Ichaqa manam wakchakunatawan mana imayuqkunatapas yanapaykurqakuchu.

Ezequiel 28:13

Qamqa Edén lawpi Diospa huertanpim karqanki, tukuy rikchaq alhaja rumikunawan pachasqam karqanki: Cornerinawan, topaciowan, jaspewan, crisolitowan, berilowan, onicewan, zafirowan, carbunclowan, esmeraldawan hinaspa qoriwan. Tukuy kaykunaqa unanchasqa kasqayki punchawmantaraqmi alistasqaña karqa.

Ezequiel 31:8

Diospa huertanpi cedro sachakunapas manam chay sacha hinachu karqa, ciprés sachakunapa kallmanpas manam chay sachapa kallman hinachu karqa. Diospa huertanpi suma-sumaq sachakunapas manam chay sachamanqa rikchakurqachu.

Ezequiel 31:9

Ñoqam chay sachataqa suma-sumaq kallmasapata ruwarqani, Edén lawpi Diospa huertanpi sachakunapas envidiakurqakum paymantaqa, nispa.

Ezequiel 47:18

Intipa qespimunan lawpi linderonmi Haurán llaqtawan Damasco llaqta tupanakuqpi qallarinqa, hinaspam Jordán mayuntakama Puchqo lamar qochapa patanpi tarikuq Tamar llaqtakama chayanqa. Jordán mayum Galaad allpamanta Israel nacionpa allpanta rakinqa.

Joel 2:3

Paykunapa ñawpaqnintam tukuy imata nina ruparunqa, qepantañataqmi lenwachkaq nina tukuy imata tukurunqa; paykunapa ñawpaqninpim manaraq chayasqanku allpaqa Edén huerta hina kanqa, paykunapa qepanta puchuqmi ichaqa purmachisqa mana imapa kanan chunniqña kanqa; paykunamantaqa manam imapas lluptinqachu.

Deuteronomio 34:3

Qawachirqataqmi Neguev lawtapas, Jordán mayupa qechwantawan palmera sachakunapa kasqan Jericó llaqta lawpi pampatapas, Zoar llaqtakama.