Génesis 12:7 - CHUYA QELLQA La Biblia en Quechua de Ayacucho 2012

⁷ Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Quechua Ayacucho Bible 1987

⁷ Hinaptinmi Abranman Tayta Dios rikuriykuspan nirqa: —Miraynikimanmi kay allpata qosaq —nispa. Hinaptinmi rikuriqnin Tayta Diosta adorananpaq chaypi altarta rurarqa.

Chuya Qellqa 1992

⁷ Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 12:7 Iomraidhean Croise

Génesis 12:8

Chaymantam pasakurqa Bet-elpa waklawnin intipa qespimunan law orqoman, hinaspam carpanta chaypi hatarichirqa, chay kasqanmantam Bet-el llaqta rikukurqa intipa seqaykunan lawpi, Hai llaqtañataqmi intipa qespimunan lawpi. Chaypim Tayta Diospaq altarta ruwaspan payta hatuncharqa.

Génesis 13:15

Kay qawasqayki allpatam qanmanwan miraynikikunaman wiña-wiñaypaq qosqaykichik.

Génesis 13:17

Hatarispayki kay allpata patan-patan muyumuy, kay allpatam qosqayki, nispa.

Génesis 13:18

Chaymi Abramqa carpanta astarqa Hebrón lawpi Mamre sutiyuq runapa encina sachankunapa kasqanman, chaypim Tayta Diosta yupaychananpaq huk altarta ruwarqa.

Génesis 13:4

Chaypim ñawpaqta altar ruwasqanpi Tayta Diosta yupaycharqa.

Génesis 15:18

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

Génesis 17:1

Abramqa isqon chunka isqonniyuq watanpi kachkaptinmi Tayta Dios rikuriykuspan nirqa: Ñoqam kani Tukuy Atiyniyuq Tayta Dios, munasqayman hinayá kawsay.

Génesis 17:3

Chaymi Abramqa qonqoraykuspa pampakama kumuykurqa, hinaptinmi Dios kaynata nirqa:

Génesis 17:8

Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa.

Génesis 18:1

Mamre lawpi encina sachankunapa kasqanpi, sinchita rupamuptin carpapa punkunpi Abraham tiyachkaptinmi Tayta Dios payman rikuriykurqa.

Génesis 22:9

Diospa nisqan orqoman chayaruptinkum, altarta Abraham ruwarqa, chayman yantata churaykuspanmi churintañataq chaqnaykuspa chay yantapa hawanman churaykurqa.

Génesis 24:7

Tayta Diosmi taytaypa wasinmanta, aylluykunapa llaqtanmanta hurqomuwaspan jurawarqa: Kay allpatam miraynikikunaman qosaq, nispa. Paymi angelninta ñawpaqnikita kachanqa, churiypaq warmita wakmanta pusamunaykipaq.

Génesis 26:25

Chaymi Isaac huk altarta chaypi perqaspan Tayta Diosta mañakurqa. Chaypim carpantapas sayachirqa, serviqninkunañataqmi huk pozota uchkurqaku.

Génesis 26:3

Chaynaqa, kay allpapi mana llaqtayuq hina yachay, ñoqam qanwan kasaq hinaspam bendecisqayki. Qanmanwan miraynikikunamanmi kay allpakunata qosqaykichik, chaynapim taytayki Abrahamman juramento ruwasqayta cumplisaq.

Génesis 28:13

Tayta Diostapas ladonpi sayachkaqtam rikururqa. Diosmi nirqa: Ñoqaqa abueloyki Abrahampa hinaspa taytayki Isaacpa yupaychasqan Diosmi kani. Kay puñusqayki allpatam qanmanwan miraynikikunaman qosqaykichik.

Génesis 28:4

Abrahamman prometesqan bendicionnintayá qanmanwan miraynikikunaman qosunkichik, chaynapi mana llaqtayuq hina yachasqanchik allpa qamkunapaña kananpaq, nispa.

Génesis 32:30

Chaynapim Jacobqa chay lugarta Penielwan suticharqa, kaynata nispa: Diosta rikuruchkaspaypas kawsachkaniraqmi, nispa.

Génesis 33:20

Chaypitaqmi huk altartapas ruwarqa, hinaspam “El-Elohe-Israel” nispa suticharqa.

Génesis 35:12

Abrahamman chaynataq Isaacman qosqay allpatam qanmanpas hinaspa miraynikikunamanpas qosaq, nispa.

Génesis 35:7

Altarta chaypi ruwaruspanmi, chay sitiota El-Bet-elwan suticharqa, wawqenmanta lluptichkaptin chaypi Dios rikuriykusqanrayku.

Génesis 50:24

Huk punchawmi wawqenkunata José nirqa: Wañukusaqñam ñoqaqa, ichaqa Diosmi cheqaptapuni watukamusunkichik, hinaspam kay nacionmanta kutichisunkichik Abrahamman, Isaacman hinaspa Jacobman prometesqan allpaman, nispa.

Génesis 8:20

Chaymantam huk altarta Tayta Diospaq Noé ruwapurqa, hinaspam sacrificanapaq kaq llapallan animalmanta, pawaq animalkunamanta chaynataq pampan puriqkunamantapas wañuchispa lliw kañana ofrendata Diosman chay altarpi ofrecerqa.

2~Samuel 24:25

Chaypim altarta Tayta Diospaq hatarichispa animalkunata wañuchispa kañapurqa, qorqataqmi Dioswan allinlla kasqanmanta ofrendatapas. Chaymi Israel nacionpa favorninpi ruegakusqanta uyariykuspan peste onqoyta Tayta Dios tanirachirqa.

1~Reyes 18:32

Chay rumikunawan Tayta Diospaq altarta ruwaruspanmi muyuriqninta yarqacharurqa yaqa iskay chunka litro yaku yaykuqpaq.

1~Crónicas 16:16

Abrahamwan pacto ruwasqantaqa manam qonqanchu, Isaacman jurasqanmantaqa manam qonqanchu.

1~Crónicas 16:18

kaynata nispan: Canaán allpatam qanman qosqayki, herenciayki kananpaqmi qosqayki, nispa.

2~Crónicas 20:11

Chaywanpas kunanqa paykunañam kay qowasqaykiku allpamanta qarqowaykuta munachkanku.

2~Crónicas 20:7

Diosnillayku, qanmi Israel llaqtaykipa qayllanmanta kay allpapi yachaqkunata qarqorurqanki, hinaspam amigoyki Abrahampa mirayninkunaman wiña-wiñaypaq qoykurqanki.

Esdras 3:2

Chaymi Josadacpa churin Josueywan, paypa sacerdotemasinkuna hinaspa Salatielpa churin Zorobabelwan waw-qenkuna, Tayta Diospa altarninta hata-richirqaku, chaynapi Diospa serviqnin Moisespa kamachisqanman hina lliw kañana sacrificiokunata ofrecenankupaq.

Éxodo 17:15

Hinaptinmi huk altarta Moisés perqarqa, hinaspam suticharqa “Tayta Diosmi banderay”, nispa.

Éxodo 24:4

Chaymi Tayta Diospa tukuy nisqankunata Moisés qellqarqa, hinaspam tutapayta hatarispan Sinaí orqopa ñawpaqninpi huk altarta ruwaspan chunka iskayniyuq rumikunata sayachirqa, chaynataqa ruwarqa Israelpa chunka iskayniyuq ayllunkunaman hinam.

Éxodo 32:13

Serviqniki Abrahamman, Isaacman hinaspa Israelman jurasqaykita yuyariy, paykunatam nirqanki: “Ñoqam cielopi chaskakunata hina miraynikichikta mirachispay prometesqay allpata qosaq, chaynapi wiñaypaq herencianku kananpaq”, nispa.

Éxodo 33:1

Moisestam Tayta Dios nirqa: “Egiptomanta hurqomusqayki runakunawan prometesqay allpaman riychik, chay allpataqa juraspam prometerqani Abrahampa, Isaacpa hinaspa Jacobpa mirayninkunaman qonaypaq.

Éxodo 6:3

Abrahamman, Isaacman hinaspa Jacobmanmi rikurirqani “Tukuy Atiyniyuq Dios” sutiywan reqsichikuspay; “Tayta Dios” sutiypim ichaqa paykunaman manaraq reqsichikurqanichu.

Éxodo 6:4

Paykunawanmi pactota ruwarqani, chaynapi huklaw llaqtayuq hina yachasqanku Canaán allpata paykunaman qonaypaq.

Jeremías 3:18

Chay punchawpiqa Judá nación runakunam Israel nación runakunawan hukllawanakunqaku, hinaspam ñawpaq taytankuman qosqay allpaman kuskanku norte lawmanta kutimunqaku.

Números 26:53

Allpataqa haykam kasqankuman hinam rakinanki.

Números 32:11

“Abrahamman, Isaacman hinaspa Jacobman juraspa prometesqay allpamanqa, Egipto nacionmanta lloqsimuq runakunaqa iskay chunka watayuqmanta hanaymanmi mana yaykunqakuchu, paykunaqa manam tukuy sonqonkuwanchu qatiwarqaku.

Hechos 7:5

Diosqa manam ima herenciatapas kay allpapiqa qorqachu ni chakillan churaykunanpaqpas; ichaqa mana churiyuq kachkaptinpas, Diosmi tukuy kay allpata paymanwan mirayninkunaman qonanpaq prometerqa.

Romanos 9:8

Chaynaqa, manam imananchu pipa miraynin kaypas Diospa churin kanapaqqa. Aswanqa Diospa promesanman hina naceqkunallam Abrahampa cheqap mirayninkuna hinaqa kanku.

Gálatas 3:16

Diosmi Abrahammanwan, mirayninman prometekurqa. Chay promesakunapiqa manam “miraynikikunaman” ninchu aswanqa “miraynikiman” ninmi. Manam achka runakunamantachu rimachkan, aswanqa huk runallamantam, payqa Cristom.

Gálatas 4:28

Wawqe-panillaykuna, ñoqanchikqa qolluqpa wawan Isaac hinam Diospa prometekusqan churinkuna kanchik.

Deuteronomio 1:8

Ñoqam qoykichik chay allpata, chaynapi yaykuptikichik qamkunapaña kananpaq. Ñoqa Tayta Diosmi chay allpata ñawpaq taytaykichik Abrahamman, Isaacman, Jacobman chaynataq mirayninkunaman qonaypaq juraspay prometekurqani”, nispa.

Deuteronomio 30:20

Tayta Diosta kuyaspaqa kasukuychik, ama paymantaqa kacharikuychikchu. Paymi kawsay qosuqnikichikqa chaynataq unay watakunata kawsachisuqnikichikpas, chaynapim ñawpaq taytaykichik Abrahamman, Isaacman hinaspa Jacobman Tayta Diospa jurasqan allpapi yachankichik.

Deuteronomio 34:4

Hinaspam Moisesta Tayta Dios nirqa: Kay allpatam Abrahamman, Isaacman hinaspa Jacobman jurarqani, chaynapi paykunapa mirayninkunaman qonaypaq. Qawaykunaykitam munarqani, ichaqa manam yaykunkichu, nispa.

Deuteronomio 6:10

Ñawpaq taytanchik Abrahamman, Isaacman hinaspa Jacobman prometesqan allpamanmi Señornikichik Tayta Dios pusasunkichik. Chay allpaqa hatun llaqtayuqkunam kachkan; chay llaqtakunataqa manam qamkunachu hatarichirqankichik.

Deuteronomio 9:5

Manam allin ruwaq runakuna otaq allin sonqoyuq kasqaykichikraykuchu paykunapa allpanmanqa pusasunkichik. Aswanqa Señornikichik Tayta Diosmi chay runakunataqa mana allinkuna ruwasqankumanta qarqonqa, chaynata ñawpaq taytaykichik Abrahamman, Isaacman hinaspa Jacobman jurasqanta cumplinanpaq.

Hebreos 11:13

Chayna iñiyllapim llapallan runakunaqa wañukurqaku Diospa promesanta manaraq chaskichkaspanku. Ichaqa iñiyninku kasqanraykum karullamanta qawaspanku kusikurqaku, chaynapim kay pachapiqa huklaw llaqtayuq hinaspa purikuqlla kasqankuta reqsikurqaku.

Hebreos 11:8

Iñiyllawanmi Abrahampas, Dios qayaykuptin kasukurqa, hinaspam llaqtanmanta lloqsirqa herencia chaskinan allpaman, chaymi lloqsirqa mana maymanpas rinanta yachastin.

Josué 1:6

Qarinchakuspayá kallpanchakuy. Qanmi ñawpaq taytankuman prometesqay allpata kay runakunaman herencianku kananpaq partenki.

Josué 22:10

Manasespa wakin ayllumanta, Rubén ayllumanta, Gad ayllumanta kaqkunam, Canaán lawpi Jordán mayupa patanman chayaruspanku hatun altarta hatarichirqaku.

Josué 8:30

Chaymantam Josueqa, Israelpa Diosnin Tayta Diospaq huk altarta Ebal orqopi ruwachirqa.

Jueces 6:24

Chaymi Tayta Diospaq chaypi altarta ruwaruspan Gedeón suticharqa: “Tayta Diosmi hawkayayqa”, nispa. Kunankamapas chay altarqa hinallam Abiezer castakunapa kasqan Ofra llaqtapi kachkan.

1~Samuel 7:17

Chaymantam Ramá llaqtapi wasinman kutiq, chaypi yachaspanmi allichaq Israel runakunapa sasachakuyninta. Hina chaypitaqmi altartapas Tayta Diospaq ruwarqa.