Génesis 12:3 - CHUYA QELLQA La Biblia en Quechua de Ayacucho 2012

³ Bendecisuqnikikunatam bendecisaq, ñakasuqnikikunatam ñakasaq. Qamraykum kay pachapi llapallan ayllukunatapas bendecisaq, nispa.

Quechua Ayacucho Bible 1987

³ Bendecisaqmi bendecisuqnikikunata. Ñakasaqmi ñakasuqnikikunata. Qamraykum bendecisaq kay pachapi llapallan familiakunata.

Chuya Qellqa 1992

³ Bendecisuqnikikunatam bendecisaq, ñakasuqnikikunatam ñakasaq. Qamraykum kay pachapi llapallan ayllukunatapas bendecisaq, nispa.

Génesis 12:3 Iomraidhean Croise

Génesis 18:18

Abrahampa mirayninkunaqa ancha hatun nacionmi kanqa, payraykum llapallan nacionkunata bendecisaq.

Génesis 18:19

Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

Génesis 22:18

Kasuwasqaykiraykum kay pachapi lliw runakuna miraynikitakama bendecisqa kanqaku”, nispa.

Génesis 24:35

Patronniytam Tayta Dios sinchita bendecispan ovejakunawan, vacakunawan, camellokunawan, asnokunawan, qoriwan, qollqewan, criadokunawan criadakunawanpas apuyaykachin.

Génesis 25:11

Abraham wañukuptinmi churin Isaacta Dios bendecirqa; Isaacqa yacharqa “Rikuqniy Kawsaq Diospa Pozon” sutiyuq lugarpa hichpanpim.

Génesis 26:29

Ñoqaykuqa manam qamtaqa imanarqaykikuchu, hawkallatataqmi kacharimurqaykikupas; chaynayá qampas ama imanaway-kuchu. Kunanqa Tayta Diospa bendecisqanmi kanki, nispa.

Génesis 26:4

Miraynikikunatam cielopi chaskakunata hinaña mirachisaq, kay allpakunatam miraynikikunaman qosaq. Kay pachapi llapallan nacionkunam miraynikirayku bendecisqa kanqaku.

Génesis 27:29

Nacionkunam qamta servisunki, llapa runakunam qayllaykipi kumuykunqaku. Aylluykikunapim munaychakunki, aylluykikunapa mirayninkunam ñawpaqnikipi kumuykunqaku. Ñakasuqnikikuna ñakasqa kachun, bendecisuqnikikuna bendecisqa kachun, nispa.

Génesis 28:14

Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman, qamrayku hinaspa miraynikiraykum kay pachapi llapallan ayllukuna bendecisqa kanqa.

Génesis 30:27

Chaymi Labán nirqa: Ama hina kaspaykiyá amaraq ripukuychu, qawakuykunim qamrayku Tayta Dios bendeciwasqanta.

Génesis 30:30

Manaraq chayamuptiyqa asllam kapusurqanki. Kaypi kasqaymantam ichaqa Tayta Dios bendecisuptiki achkallataña mirarun. ¿Haykapiñamá kikiypa aylluypaqqa llamkasaq? nispa.

Génesis 39:5

Chay punchawmantam Joseyrayku Potifarpa wasinta Tayta Dios bendecirqa. Chaymi Tayta Dios tukuy kapuqninpi, wasinpi chaynataq chakranpipas bendeciykurqa.

Éxodo 23:22

Nisqanta uyarispayki tukuy kamachisqayta kasukuptikim ichaqa enemigoykikunapa enemigon kaspay paykunata ñakarichisaq.

Números 24:9

Israelqa león hinaraqmi kurkuykunpas, china león hinaraqmi waqtapanpas, ¿pitaq rikchachiyta atinman? ¡Bendecisuqnikikuna bendecisqa kachun! ¡Ñakasuqnikikuna ñakasqa kachun! nispa.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Mateo 25:45

Chaymi payñataq ninqa: “Cheqap-tapunim nikichik, sichum kaykuna-manta taksan kaqllapaqpas mana ruwaspaykichikqa ñoqapaqpas manam ruwarqankichikchu”, nispa.

Lucas 24:27

Hinaspam Moisespa qellqasqan-manta qallarispa profetakunapa qellqasqankama, paymanta llapallan Qellqapa nisqanta paykunaman entien-dechirqa.

Romanos 4:11

Chaymantañam Abrahamqa señalachikurqa iñisqanrayku mana huchayuqpaqña Diospa chaskisqan kasqanta qawachikunanpaq. Chaynapim Abrahamqa mana señalachikuq llapallan iñikuqkunapa taytankuña rikurirun. Chayna iñikuptillankum Diosqa paykunatapas mana huchayuqpaqña chaskin.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

Gálatas 3:16

Diosmi Abrahammanwan, mirayninman prometekurqa. Chay promesakunapiqa manam “miraynikikunaman” ninchu aswanqa “miraynikiman” ninmi. Manam achka runakunamantachu rimachkan, aswanqa huk runallamantam, payqa Cristom.

Gálatas 3:28

Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Gálatas 3:8

Qellqapiqa rimarqañam iñikuptillanku mana judío kaqkunatapas mana huchayuqpaqña Diospa chaskisqan kanankumanta. Chaynapim ñawpaqmantaraq kay allin noticiakunata Abrahamman Diosqa nirqaña: Kay pachapi llapallan nacionkunam qamrayku bendecisqa kanqa, nispa.

Efesios 1:3

Señorninchik Jesucristopa Dios Taytanyá qapaqchasqa kachun, paymi Cristowan huklla kasqanchikrayku hanaq pachamanta kaq espiritual bendicionkunata qoykuwanchik, hanaq pachapiñapas kachkachwanchik hina.

Colosenses 3:11

Kunanqa manam imananñachu judío otaq mana judío kaypas, qari kayninpi señalasqa otaq mana señalasqa kaypas, huklaw nacionniyuq kaypas, mana leeq kaypas, esclavo kaypas otaq libre kaypas, tukuy imamantapas allinqa Cristollam, payqa lliw iñiqkunapim kawsachkan.

Apocalipsis 7:9

Chaymantam rikurqani achkallaña runakunata llapallan nacionkunamanta, ayllukunamanta, castakunamanta hinaspa tukuy rikchaq rimayniyuqkunamanta. Paykunaqa yuraq pachayuqkama palmera kallma hapiyniyuqkamam sayachkasqaku hatun tronopi tiyaqpa ñawpaqninpi hinaspa Corderopa qayllanpi. Paykunaqa kasqaku achkallaña mana pipapas yupay atinanmi.