Génesis 12:10 - CHUYA QELLQA La Biblia en Quechua de Ayacucho 2012

¹⁰ Canaán allpapi yachachkaptinmi llumpay muchuy karqa, chayraykum Egipto nacionman Abram ripukurqa chaypiña yachananpaq.

Quechua Ayacucho Bible 1987

¹⁰ Chaylawkunapi muchuy karusqanraykum Abram rirqa Egipto nacionman chaypi *f**yachananpaq. Canaan allpapimá llumpayllaña muchuy karqa.

Chuya Qellqa 1992

¹⁰ Canaán allpapi yachachkaptinmi llumpay muchuy karqa, chayraykum Egipto nacionman Abram ripukurqa chaypiña yachananpaq.

Génesis 12:10 Iomraidhean Croise

Génesis 41:56

Egipto nacionpi llumpayta muchuy miraruptinmi, José kicharqa taqekunapa kasqan wasikunata, trigota runakunaman rantikunanpaq, Egipto nacionpi aswan-aswan muchuy kasqanrayku.

Génesis 41:57

Llapallan nacionkunapi llumpay muchuy kaptinmi, huklaw llaqtakunamantapas Egipto nacionman riqku, kawsaykunata Joseymanta rantimunankupaq.

Génesis 42:5

Israelpa churinkunam kawsay rantiq rirqaku sapaq runakunapiwan kuska. Canaán lawpipas llumpay muchuy kasqanrayku.

Génesis 43:1

Muchuymi Canaán allpapi llumpayña karqa.

Génesis 47:13

Llumpay muchuy kasqanraykum, lliw allpapi mikuy mana tarikurqachu, chaymi Egipto nacionpi kaqkunapas, Canaán lawpi kaqkunapas, yarqaymanta ñakarirqaku.

2~Samuel 21:1

Davidpa tiempopim kimsa watan-tin muchuy karqa, chaymi David tapuptin Tayta Dios nirqa: Kay muchuyqa Saulwan runankuna Gabaón llaqtayuq runakunata wañu-chisqankumantam, nispa.

2~Reyes 4:38

Chaymantam Gilgal llaqtaman Eliseo kutirqa. Chay punchawkunapim hatun muchuy chay lawkunapi karqa. Llapa profetakunam Eliseopa muyuriqninpi tiyachkarqaku, hinaptinmi criadonta Eliseo nirqa: Profetakunapaq hatun mankapi mikuyta yanuramuy, nispa.

2~Reyes 6:25

Chayraykum Samaria llaqtapi hatun yarqay karurqa, chaymi asnopa umantapas rantikuqku yaqa huk kilo qollqepaq, palomapa akantañataqmi cuarto kilota rantikuqku parte kilo masnin qollqepaq.

Jeremías 14:1

Usyay kasqanraykum Jeremiasta Tayta Dios nirqa:

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

Hechos 14:22

Chay llaqtakunapim Jesucristoman iñikuqkunata imam creesqankupi qaqa hina sayanankupaq kallpancharqaku: Diospa munaychakuyninman yaykuqqa achka sasachakuytam ñakarinan, nispanku.

Hechos 7:11

Egipto nacionpipas chaynataq Canaán lawpipas llumpay yarqay kaptinmi, ñawpaq taytanchikkuna mana imatapas mikunankupaq tarirqakuchu.

Rutwan Sutichasqa Libro 1:1

Israel nacionpi juezkuna kamachikuchkaptinkum muchuy karqa, chaymi Judá lawpi Belén llaqtayuq runa ripukurqa warmintin hinaspa iskaynin qari churinkunapiwan, Moab lawman chaypiña yachanankupaq.