Génesis 11:7 - CHUYA QELLQA La Biblia en Quechua de Ayacucho 2012

⁷ Chaynaqa, uraykuspanchikyá rimayninkuta chaqwaramusun, chaynapi rimasqankuta mana entiendenakunankupaq, nispa.

Quechua Ayacucho Bible 1987

⁷ Chaynaqa uraykuspanchikyá pantarachimusun rimayninkuta chaynapi mayqanninkupas rimasqankuta mana entiendenakunankupaq —nispa.

Chuya Qellqa 1992

⁷ Chaynaqa, uraykuspanchikyá rimayninkuta chaqwaramusun, chaynapi rimasqankuta mana entiendenakunankupaq, nispa.

Génesis 11:7 Iomraidhean Croise

Génesis 1:26

Chaymantam Dios nirqa: Runata ruwasun ñoqanchikman rikchakuqta, ñoqanchik kaqllata; challwakunapi, alton pawaq animalkunapi, qasqonpa puriq urukunapi chaynallataq tukuy rikchaq animalkunapi munaychakunanpaq, nispa.

Génesis 10:20

Paykunam Campa mirayninkuna karqaku, ayllunkuman hina, rimayninkuman hina, llaqtankuman hina chaynallataq allpankuman hina.

Génesis 10:32

Paykunam karqa Noeypa churinkunamanta miramuq ayllukuna nacionninkupi mirasqankuman hina. Paykunam sinchi parapa qepanta tukuy hinastinman cheqespanku nacionkunata hatarichirqaku.

Génesis 10:5

Jafetpa mirayninkunam ayllunkuman chaynataq rimayninkuman hina lamar qochapa patankunapi llaqtakunata nacionkunata hatarichirqaku.

Génesis 11:5

Ichaqa Tayta Diosmi uraykamuspan runakunapa ruwasqan llaqtata chaynataq torretapas qawaykurqa.

Génesis 3:22

Chaymantam Tayta Dios nirqa: Runaqa ñoqanchik hinañam rikurirun, allin kaqtapas mana allin kaqtapas yachaqña. Yanqañataq kawsay qokuq sachapa ruruntapas pallaruspa mikurunman hinaspa wiñaypaq kawsaqña rikurirunman, nispa.

Génesis 42:23

Paykunaqa manam yacharqakuchu rimasqankuta José entiendesqanta, paykunata José rimapayaptin rimayninkuman huk runa tikrasqanrayku.

Jobwan Sutichasqa Libro 12:20

Allin consejaqkunatam upallachin, yuyaq runakunapa allin tanteaynintam chinkachin.

Éxodo 4:11

Hinaptinmi Tayta Dios nirqa: ¿Pitaq runaman simita qorqa? ¿Pitaq mana rimaqta, mana uyariqta, qawakuqta hinaspa ñawsata unancharqa? ¿Manachu ñoqa Tayta Dios?

Isaías 33:19

Mana llakipayakuq runakunataqa manañam rikunkichu, rimasqankupas mana entiendey atina runakunataqa manañam rikunkichu.

Isaías 6:8

Chaymantam Tayta Diospa kayna nisqanta uyarirqani: ¿Pitataq kachasaq? ¿Pitaq ñoqaykupa rantiykupi willakamunqa? niqta. Chaymi ñoqa nirqani: Kayqaya ñoqa kaypi kachkani, ñoqatayá kachaway, nispay.

Jeremías 5:15

Tayta Diosmi kaynata nin: Israelpa mirayninkuna, contraykichikpim runakunata karumantaraq pusamusaq, paykunaqa allinnin qari-qari runakunam, ñawpaq runakunapa castankunam, rimayninkutapas manam yachankichu, nitaqmi rimasqankutapas entiendenkichu.

1~Corintios 14:23

Iglesia huñunasqa kachkaptin mana yachasqanku rimaykunapi rimaptinkuqa, ¿manachu manaraq yachaqqa otaq manaraq iñikusqa runa yaykuramuspan: “Kaykunaqa locoyarusqakum”, ninqa?

Deuteronomio 28:49

Tayta Diosmi kay pachapa patanpi kaq nacionta contraykichikpi pusamunqa. Paykunam pawachkaq anka hinaraq hamunqaku; rimayninkutapas manam entiendenkichikchu.