Génesis 11:4 - CHUYA QELLQA La Biblia en Quechua de Ayacucho 2012

⁴ Chaymantam ninakurqaku: Huk llaqtata hatarichisun, cielokama haypaq torretawan perqarusunchik, chaynapi ancha reqsisqa kananchikpaq. Yanqañataq tukuy hinastinman kay pachapi cheqeruchwanchik, nispanku.

Quechua Ayacucho Bible 1987

⁴ Paykunam ninakurqaku: —Hatarichisunchikyá llaqtata, perqasuntaqyá cielokama haypaq torretapas chaynapi ancha reqsisqa kananchikpaq. Yanqañataqmi tukuy hinastinman kay pachapi cheqeruchwanchik —nispa.

Chuya Qellqa 1992

⁴ Chaymantam ninakurqaku: Huk llaqtata hatarichisun, cielokama haypaq torretawan perqarusunchik, chaynapi ancha reqsisqa kananchikpaq. Yanqañataq tukuy hinastinman kay pachapi cheqeruchwanchik, nispanku.

Génesis 11:4 Iomraidhean Croise

Génesis 6:4

Diospa churinkuna llapa runakunapa warmi churinkunawan casarakuptinkum, churinku nacemurqa paykunam karqaku llumpay hatun sayayniyuq runakuna. Paykunaqa ñawpaqmantapacham ancha reqsisqa hinaspa guerrapi peleaq kallpasapa runakuna karqaku.

2~Samuel 8:13

Siria tropakunata vencerusqanmanta kutimuchkaspanmi, chunka pusaqniyuq waranqa Edom nacionpa tropakunata kachi wayqopi vencerurqa. Chaynapim rey Davidqa ancha reqsisqa rikurirurqa

Proverbios 10:7

Allin ruwaq runaqa yuyarispa bendecisqam kanqa, mana allin runañataqmi chaylla qonqarachikunqa.

Jeremías 51:53

Babilonia naciontaqa, cielokamaña hoqarikuruptinpas, amparakunanta chaypiña ruwaruptinpas, ñoqam tuñichiqninkunata kachaykusaq. Ñoqa Tayta Diosmi chaynata nini.

Daniel 4:11

Chay sacham wiñasqanman hina llumpayllataña rakuyarurqa, puntanpas cielokunakamam chayarurqa. Tukuy hinastinmantam rikukurqa.

Daniel 4:22

Reynilláy, chay sachaqa qanmi kanki, wiñaruspam llumpay atiyniyuq rikurirunki, ancha reqsisqa kaynikipas cielokamam chayan, munaychakuynikipas tukuy hinastinmanmi mastarikurun.

Daniel 4:27

Chaynaqa reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Daniel 4:30

nirqa: “¡Mayna hatunmi kay Babilonia llaqtaqa! Ñoqapunim hatun atiyniywan kay llaqtataqa munaychakuyniypa chawpin kananpaq hatarichirqani, chaynapi ancha reqsisqa kasqaymanta alabakunaypaq”, nispa.

Lucas 1:51

Atiyninwanmi admirakuypaq kaqkunata ruwarqa, hatun tukuqkunapa imam ruway munasqankutam yanqacharun.

Juan 5:44

Qamkunaqa kikikichikpurallam hatunchanakunkichik, Diospa hatun-chasqan kaytam ichaqa mana munankichikchu, chaynaqa, ¿imaynataq ñoqapiqa creewaqchik?

Deuteronomio 1:28

Kunanqa, ¿maymantaq risunchik? Chay allpata qawamuq llaqtamasinchikkunam kaynata willakuspa sonqonchikta hukmanyarachin: Chay allpapiqa ñoqanchikmantapas aswan kallpasapa hatunkaray runakunam kasqaku, llaqtakunapa murallankunapas alto-altom kasqa. Hatunkaray Anacpa mirayninkunatapas rikuramunikum, nispanku. “Chay willakuymi pasaypaqta hukmanyarachiwanchik”, nispaykichik.

Deuteronomio 4:27

Huklaw nacionkunaman Tayta Dios cheqerachisuptikichikmi chay nacionkunapi asllaña puchunkichik.

Deuteronomio 9:1

Israelpa mirayninkuna, kayta uyariychik: Jordán mayuta chimpaspa qamkunamantapas aswan atiyniyuq chaynataq achka runayuq nacionkunata qarqospa qaqay-qaqay murallasqa hatun llaqtakunaman yaykunaykichik punchawmi chayaramun,