Génesis 11:31 - CHUYA QELLQA La Biblia en Quechua de Ayacucho 2012

³¹ Tareymi lloqsirqa Caldea lawpi Ur llaqtamanta Canaán lawman rinanpaq, hinaspam pusarqa churin Abramta warmintinta, chaynataq Haranpa churin Lottapas; Lotqa karqa Tareypa willkanmi. Harán llaqtaman chayaruspankum chaypi yacharqaku.

Quechua Ayacucho Bible 1987

³¹ Caldea lawpi Ur llaqtamantam Tarey lloqsirqa Canaan lawman rinanpaq hinaspam pusarqa churin Abramta, Abrampa warmin llumchuynin Saraita chaynataq Haranpa churin willkan Lottapas. Ichaqa Haran llaqtaman chayaruspankum chaypi *f**yacharqaku.

Chuya Qellqa 1992

³¹ Tareymi lloqsirqa Caldea lawpi Ur llaqtamanta Canaán lawman rinanpaq, hinaspam pusarqa churin Abramta warmintinta, chaynataq Haranpa churin Lottapas; Lotqa karqa Tareypa willkanmi. Harán llaqtaman chayaruspankum chaypi yacharqaku.

Génesis 11:31 Iomraidhean Croise

Génesis 10:19

Paykunapa allpanmi karqa Sidonmanta qallaykuspa Gerar lawninta Gaza llaqtakama; Sodoma, Gomorra, Adma hinaspa Seboim lawnintañataqmi Lasa llaqtakama.

Génesis 11:32

Tareymi iskay pachak pichqayuq watanpi kachkaspan Harán llaqtapi wañukurqa.

Génesis 12:4

Chaymi Abramqa Tayta Diospa nisqanman hina lloqsirqa, Lotpas paywanmi rirqa. Abrammi qanchis chunka pichqayuq watanpi kachkaspan Harán llaqtamanta lloqsirqa.

Génesis 12:5

Abrammi Canaán lawman rispan warmin Saraita pusarqa. Sobrinon Lotpas paywanmi rirqa. Aparqataqmi tukuy imankunatapas chaynataq Haranpi yachaspa animalkuna, runakuna rantisqantapas, hinaspam Canaanman chayarurqaku.

Génesis 14:12

Abrampa sobrinon Lottapas Sodomapi yachachkaqta hapiruspankum tukuy ima kapuqnintawan kuskata presota aparurqaku.

Génesis 15:7

Chaymantam Tayta Dios nirqa: Ñoqam Tayta Diosqa kani. Ñoqam Caldea law Ur llaqtamanta hurqomurqayki kay allpata qanman herenciata qonaypaq, nispa.

Génesis 24:10

Hinaspanmi patronninpa chunka camellonkunata, llapa kapuqninkunamanta allinnin regalokunata aparikuspan pasarqa. Chaymantam chayarurqa Mesopotamia lawpi Nacorpa llaqtanman.

Génesis 24:15

Mañakuyta manaraqpas tukuchkaptinmi Betuelpa churin Rebeca hombronpi puyñu aparisqa hamuchkasqa. Betuelqa karqa Nacorpa churinmi, Milcañataqmi maman. Nacorqa karqa Abrahampa wawqenmi.

Génesis 27:43

Chaynaqa, wawalláy, kay nisqayta kasuway: Harán llaqtapi turiy Labanpa wasinman ayqekuy.

Génesis 28:10

Jacobmi Beerseba llaqtamanta lloqsispan Harán lawman rirqa.

2~Reyes 19:12

Ñawpaq taytaykunapa tuñichisqan Gozán llaqtata, Harán llaqtata, Resef llaqtata chaynataq Telasar llaqtapi yachaq Edenpa mirayninkunata ¿yaqachu diosninku librarqa?

Nehemías 9:7

Dios Taytalláy, Abramta akllaykuq Diosmi kanki, Caldea lawpi Ur llaqtamantam hurqomurqanki, hinaspam Abrahamwan suticharqanki.

Jobwan Sutichasqa Libro 1:17

Manaraqpas chay runa willakuyta tukuchkaptinmi huk runapas chayaramuspan nirqa: Kimsaman rakisqa Caldea tropakunam hamuruspanku camellokunata qatikunku, michiqkunatapas espadawanmi wañurachinku. Ñoqallañam lluptiramuni qanman willanaypaq, nispa.

Isaías 37:12

Manam Gozanta, Haranta, Resefta chaynataq Telasarpi yachaq Edén castan runakunatapas ñawpaq taytaykuna tuñichiptin diosninku librarqachu.

Hebreos 11:8

Iñiyllawanmi Abrahampas, Dios qayaykuptin kasukurqa, hinaspam llaqtanmanta lloqsirqa herencia chaskinan allpaman, chaymi lloqsirqa mana maymanpas rinanta yachastin.