Génesis 10:9 - CHUYA QELLQA La Biblia en Quechua de Ayacucho 2012

⁹ Paymi Tayta Diospa qayllanpi purun animalkuna hapiq kallpasapa runa karqa. Chayraykum pipas kallpasapa runamantaqa niqku: Kay qariqa Nimrod hinaraqmi, payqa Tayta Diospa qayllanpi purun animalkuna hapiq kallpasapa qarim karqa, nispanku.

Quechua Ayacucho Bible 1987

⁹ Paymi Tayta Diospa qayllanpi karqa purun animalkuna hapiq kallpasapa runa. Chayraykum pipas kallpasapa runamantaqa niqku: Kay runaqa Nimrod qari hinaraqmi, payqa Tayta Diospa qayllanpi purun animalkuna hapiq kallpasapa cazador hinaraqmi.

Chuya Qellqa 1992

⁹ Paymi Tayta Diospa qayllanpi purun animalkuna hapiq kallpasapa runa karqa. Chayraykum pipas kallpasapa runamantaqa niqku: Kay qariqa Nimrod hinaraqmi, payqa Tayta Diospa qayllanpi purun animalkuna hapiq kallpasapa qarim karqa, nispanku.

Génesis 10:9 Iomraidhean Croise

Génesis 10:10

Nimrodmi kamachikuyta qallaykurqa Babel llaqtapi, Erec llaqtapi, Acad llaqtapi hinaspa Calne llaqtapi; chaykunam Sinar lawpi tarikun.

Génesis 10:8

Cuspa churinmi karqa: Nimrod, paymi kay pachapi kallpasapa runa karqa.

Génesis 13:13

Sodomapi runakunaqa llumpay mana allin runakunam karqaku, Tayta Diospa contranpim millakuypaq kaqkunata ruwaspa anchata huchallikuqku.

Génesis 25:27

Iskayninkum wiñarurqaku. Esaumi karqa purun animalkuna hapiq hinaspa campoman amañasqa runa, Jacobñataqmi karqa carpallapi yachaspa hawkalla kakuq runa.

Génesis 27:30

Jacobta taytan Isaac bendeciyta tukuruptillanmi hinaspa taytanpa ñawpaqninmanta Jacob lloqsiruptillanmi, wawqen Esauqa animal hapimusqanmanta chayaramurqa.

Génesis 6:11

Diospa qayllanpim llapa runakuna paqwayta huchallikurqaku, chaymi kay pachaqa llumpay mana allinpa huntasqan karqa.

Génesis 6:4

Diospa churinkuna llapa runakunapa warmi churinkunawan casarakuptinkum, churinku nacemurqa paykunam karqaku llumpay hatun sayayniyuq runakuna. Paykunaqa ñawpaqmantapacham ancha reqsisqa hinaspa guerrapi peleaq kallpasapa runakuna karqaku.

2~Crónicas 28:22

Rey Acazqa chay ñakariypi kachkaspanpas aswanraqmi Tayta Diospa contranpi huchallikurqa.

Isaías 18:2

Totoramanta balsakunapim Nilo mayunta utqayman willakuqkunata kamachinku. Utqayman riychik hatunkaray llusarayaq uyayuq runakunaman, lliwpa manchakunan kallpasapa llaqtaman, maypipas llaqtakunata purmachispa allpan mirachikuqman, mayusapallaña llaqtaman.

Jeremías 16:16

Ñoqa Tayta Diosmi kaynata nini: Challwaqkunatam challwasunaykichikpaq kachamusaq. Chaymantam purun animal hapiqkunata kachamusaq, paykunam montekunapi, orqokunapi, moqokunapi, qaqakunapi, uchkukunapi maskaspa hapimusunkichik.

Ezequiel 13:18

kaynata nimuy: ¡Ay, imaynaraq kankichik, llaqtayta pantachinaykichikpaq umapaq layqasqa velokunata, makipaq layqasqa pulserakunata ruwaq warmikuna! ¿Chaykunawan runaykunata engañaspaykichikchu qamkunañataq salvakuytaraq munachkankichik?

Miqueas 7:2

Llakipayakuq runakunam kay pachapi tukurun, allin ruwaq runakunam chinkarun. Llapallankum wañuchinakuyta maskanku, runamasinta wichichinanpaqmi toqllata churanku.