Génesis 1:28 - CHUYA QELLQA La Biblia en Quechua de Ayacucho 2012

²⁸ Paykunata bendecispanmi Dios nirqa: Anchata miraspa kay pachaman huntaychik, hinaspa munaychakuychik challwakunapi, alton pawaq animalkunapi, qasqonpa puriq urukunapi, tukuy rikchaq animalkunapipas, nispa.

Quechua Ayacucho Bible 1987

²⁸ Paykunata bendecispam Dios nirqa: “Wawa-churiyoqyá kaychik, kay pachamanyá huntaychik, munaychakuychikyá lamar qocha challwakunapi, munaychakuychikyá alton pawaq animalkunapi. Munaychakuychikyá allpapa hawanpi, llapallan qasqonpa puriq animalkunapi.”

Chuya Qellqa 1992

²⁸ Paykunata bendecispanmi Dios nirqa: Anchata miraspa kay pachaman huntaychik, hinaspa munaychakuychik challwakunapi, alton pawaq animalkunapi, qasqonpa puriq urukunapi, tukuy rikchaq animalkunapipas, nispa.

Génesis 1:28 Iomraidhean Croise

Génesis 1:22

Tukuy chaykunata bendecispanmi Dios nirqa: Anchallataña miraspa lamar qochapi yakukunaman huntaychik, mirachuntaq kay pachapi alton pawaq animalkunapas, nispa.

Génesis 17:16

Payta bendeciptiymi churikita wachakunqa, chaymi nacionkunapa maman kanqa, paymanta nacemuqkunam nacionkunapa reyninkuna hatarinqa, nispa.

Génesis 17:20

Ismaelpaq mañakuwasqaykitapas uyarikim, paytapas bendecispaymi sinchillataña mirachisaq. Paypa mirayninkunamantam chunka iskayniyuq kamachikuqkuna hatarinqa, paymantam huk hatun nacionta hatarichisaq.

Génesis 24:60

Chaymi Rebecata kaynata bendecirqaku: Panillayku, wara-waranqa runakunayá qanmanta mirachun. Miraynikikunayá enemigonkuta vencechunku, nispanku.

Génesis 26:24

Chay tutam Tayta Dios rikuriykuspan nirqa: Taytayki Abrahampa Diosninmi kani. Ama manchakuychu qanwanmi kachkani. Ñoqam bendecisqayki, serviqniy Abrahamraykum miraynikikunatapas mirachisaq, nispa.

Génesis 33:5

Chaymantam Jacobpa warminkunatawan churinkunata rikuykuspan Esaú tapurqa: ¿Pikunataq kay qanwan hamuqkunaqa? nispa. Jacobñataqmi nirqa: Paykunaqa kay serviqnikiman Diospa qowasqan churiykunam, nispa.

Génesis 49:25

Taytaykipa Diosninmi yanapasunki, Tukuy Atiyniyuq Diosmi bendecisunki, cielokunapi kaqkunawan, lamar qochapi kaqkunawanmi bendecisunki. Warmikitapas achka wawakunawanmi bendecinqa.

Génesis 5:2

Qaritawan warmitam unancharqa hinaspanmi bendeciykuspan chay punchaw paykunata “runa” nispa suticharqa.

Génesis 6:1

Runakuna kay pachapi mirayta qallaykuptinkum warmi churinkupas nacemurqa.

Génesis 8:17

Hurqoytaq qanwan kuska kaq alton pawaq animalkunatapas, uywa animalkunatapas, purun animalkunatapas chaynataq qasqonpa puriq animalkunatapas; chaynapi sinchita miraspa kay pachaman huntachunku, nispa.

Génesis 9:1

Diosmi Noeyta hinaspa churinkunata bendecispan nirqa: Achka wawa-churiyuq kaspayá kay pachata huntaychik.

Génesis 9:7

Qamkunaqa achka wawa-churiyuqyá kaychik, anchallataña miraspa kay pachata huntaychik.

1~Crónicas 26:5

Amiel, Isacar hinaspa Peultai. Kayna achka churikunawanmi Obed-edomta Dios bendeciykurqa.

1~Crónicas 4:10

Jabesmi Israelpa Diosninta mañakuspa nirqa: “Ruegakuykim bendeciykuwanaykipaq, hatun allpata qoykuwanaykipaq, yanapaykuwanaykipaq, mana allinmanta libraykuwanaykipaq, chaynapi mana ñakarinaypaq”, nispa. Chaymi mañakusqanta Dios qoykurqa.

Jobwan Sutichasqa Libro 39:11

¿Yaqachu kallpasapa kasqanrayku chay toropi hapipakuwaq? ¿Yaqachu payman llamkaynikita saqeykuwaq?

Jobwan Sutichasqa Libro 42:12

Chaymanta qepaman kawsakuy-ninpim Jobta Tayta Dios yapamanta bendeciykurqa, ñawpaq watakunamantapas aswantaraq, chaynapim kapurqa: Chunka tawayuq waranqa ovejankuna, soqta waranqa camellonkuna, iskay waranqa yapuq toronkuna chaynataq waranqa china asnonkunapas.

Isaías 45:18

Hanaq pacha unanchaqmi, kay pachata ruwaspa takyachiqmi, runakunata chaypi yachananpaq unanchaq Tayta Diosmi kaynata nin: Ñoqallam Diosqa kani, manam hukqa kanchu, nispa.

Levítico 26:9

Ñoqam yanapasqaykichik hinaspam achka-achkallaña kanaykichikkama mirachisqaykichik, chaynapim qamkunawan pacto ruwasqayta cumplisaq.

1~Timoteo 4:3

Chayna runakunam harkakunqaku: Ama casarakuychikchu, kay-wak mikuytaqa ama mikuychikchu, nispanku. Diosmi lliw mikuykunataqa unancharqa payman agradecekuspa mikunanchikpaq, chaymi iñiqkunaqa cheqap kaqta yachasqanchikrayku imatapas mikuchwanchik.