Génesis 1:27 - CHUYA QELLQA La Biblia en Quechua de Ayacucho 2012

²⁷ Diosmi runata unancharqa kikinman rikchakuqta, qaritawan warmitam unancharqa.

Quechua Ayacucho Bible 1987

²⁷ Diosmi runata unancharqa. Kikinman rikchakuqtam rurarqa. Qaritawan warmitam unancharqa.

Chuya Qellqa 1992

²⁷ Diosmi runata unancharqa kikinman rikchakuqta, qaritawan warmitam unancharqa.

Génesis 1:27 Iomraidhean Croise

Génesis 2:18

Chaymantam Tayta Dios nirqa: Qaripa sapallan kayninqa manam allinchu, yanapaqnintayá paypaq hina ruwapusaq, nispa.

Génesis 2:7

Chaymantam runata ñutu allpamanta Tayta Dios ruwarqa, hinaspam kawsachiq samayta senqanpi pukuykuptin kawsaq runaña rikurirurqa.

Génesis 9:6

Pipas runamasin wañuchiqtaqa paytapas runamasintaqmi wañuchinqa, runaqa Diosman rikchakuq ruwasqa kasqanrayku.

Eclesiastés 7:29

Kayllatam tariruni: Diosqa mana huchayuqtam runataqa unancharqa, runam ichaqa tukuy rikchaq sasachakuykunata maskakun.

Isaías 43:7

Sutiywan sutichasqakunata, hatunchasqa kanaypaq unanchasqaykunata, ñoqallapaqña kananpaq ruwasqay runaykunatam pusamusaq, nispa.

Jeremías 29:6

casarakuspa wawa-churiyuq kaychik, wawa-churikichiktapas casarachiychik, chaynapi paykunapas miraptin ama qollurunaykichikpaq.

Malaquías 2:15

¿Manachum runataqa Dios unancharqa huk cuerpoyuqlla hinaspa huk espirituyuqlla kananpaq? ¿Imapaqtaq Diosqa chaynata unancharqa? Chaynataqa unancharqa runakunapa miraynin Diosllapaqña kananpaqmi. Chaynaqa, Diospa qosusqaykichikta waqaychaspayá, jovenllaraq kachkaspa akllakusqaykichik warmikichiktaqa ama traicionaychikchu.

Mateo 19:4

Chaymi Jesusñataq nirqa: ¿Manachu Qellqapi leerqankichik, qallariyninpi unanchaqninkuqa qaritawan warmita ruwasqanta?

Marcos 10:6

Qallariyninpi tukuy imata unanchas-paqa, qaritawan warmitam Diosqa ruwarqa.

Efesios 2:10

Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

Efesios 4:24

Hinaspayá musoq runawan pachakuychik, Diosman rikchakuq kanaykichikpaq, chayna runatam Diosqa unancharqa cheqaptapuni mana huchallikuq justo kananpaq.

Deuteronomio 4:32

Ñawpaq tiempokunata tapukachakuychik, runata kay pachapi Diospa unanchasqanmantapuni tapukachakuychik, tukuy hinastinpi tapukachakamuychik: “¿Yaqachum kayna hatu-hatun kaqkuna pasakurqa? ¿Yaqachum kayna hatu-hatun kaqkunamanta uyarirqankichik?”

Colosenses 1:15

Mana rikuy atina Diospa rikchayninqa Cristom, llapa imakunapas manaraq unanchasqa kachkaptinqa payqa karqañam.

Colosenses 1:26

Chay pakasqa hina palabrankunataqa ñawpaq-ñawpaqmantaraqmi mana pipas yacharqachu, kunanmi ichaqa chay ñawpaq pakasqa kaqta payllapaqña kawsaqkunaman reqsiykachinña.

Colosenses 3:10

musoq runa hinañam aswan-aswanraq musoqyachisqa kachkankichik, unanchaqnikichikman rikchakunaykichikpaq, chaynapi payta allinta reqsinaykichikpaq.

Jueces 21:22

Sichum paykunapa taytan otaq turinpas reclamaq hamuwaptinkuqa kaynatam nisaqku: “Qoykullawaykuyá, ñoqaykum Jabes llaqtapi kaqkunawan peleamuspayku mana llapankupaqchu warmita pusamurqaniku. Manam kikikichikmantachu qochkankichik jurasqaykichikmanta huchayuq kanaykichikpaqqa”, nispanku.