Génesis 1:14 - CHUYA QELLQA La Biblia en Quechua de Ayacucho 2012

¹⁴ Chaymantam Dios nirqa: Cielopi rikurichun punchawtawan tutata rakinaq achkiqkuna, chaynapi watakuna, killakuna hinaspa punchawkuna kananpaq.

Quechua Ayacucho Bible 1987

¹⁴ Chaymantam Dios nirqa: —¡Cielokuna rakinaqpi achkiqkuna kachun punchawtawan tutata rakinanpaq chaynapi tiempokuna, punchawkuna hinaspa watakuna kananpaq,

Chuya Qellqa 1992

¹⁴ Chaymantam Dios nirqa: Cielopi rikurichun punchawtawan tutata rakinaq achkiqkuna, chaynapi watakuna, killakuna hinaspa punchawkuna kananpaq.

Génesis 1:14 Iomraidhean Croise

Génesis 1:13

Hinaptinmi tardeykuqmanta paqarinnintin tardeykuqkama kimsa kaq punchaw karqa.

Génesis 1:15

Chaykunayá cielomanta kay pachata kanchamuchun, nispa. Hinaptinmi chayna karqa.

Génesis 8:22

Kay pacha kanankamaqa kanqam tarpuypas cosechapas, chiripas rupaypas, poqoypas chirawpas, punchawpas tutapas, nispa.

Génesis 9:13

Chirapaytam puyupi churani, chay chirapam kay pachapi kawsaqkunawan pacto ruwasqaypa señalnin kanqa.

Jobwan Sutichasqa Libro 25:3

Tropankunapas mana yupay atinam, achkiyninpas llapallan runakunamanmi kancharimun.

Jobwan Sutichasqa Libro 25:5

Paypa qayllanpiqa killapas manam allintaqa achkinqachu, chaskakunapas manam allintaqa kancharinqachu,

Jobwan Sutichasqa Libro 3:9

¡Ima allincha kanman karqa chay punchawpaq achikyaq chaskakunapas mana kanchaptinqa, suyasqanku achikyaypas manaña chayamuptinqa, chay punchaw manaña achikyarimuptinqa!

Isaías 40:26

Hanaq pachata qawariychik, ¿Pitaq wakkunata unancharqa? Chaskakunata tropata hina yupaspa hurqomuqmi, sapakamata sutinmanta qayaqmi, chulla chaskapas mana chinkachiqmi. Paypaqqa atiyninpas kallpanpas ancha hatunmi.

Jeremías 10:2

Tayta Diosmi kaynata nin: Mana reqsiwaqniy nacionkunapa ruwasqantaqa ama qatipakuychikchu, amayá cielokunapi señalkunataqa manchakuychikchu, chay nacionkunaña manchakuptinpas.

Jeremías 31:35

Punchawpi achkinanpaq inti churaqmi, tuta achkinanpaq killatawan chaskakunata churaqmi, lamar qochata kuyuchispan olankunata qaparichiqmi, Tukuy Atiyniyuq Tayta Diosmi kaynata nin:

Jeremías 33:20

Ñoqa Tayta Diosmi kaynata nini: Punchawwan chaynataq tutawan pacto ruwasqayqa cumplikunqapunim, chayraykum punchawpas chaynataq tutapas tiempollanpi chayamun.

Jeremías 33:25

Ñoqa Tayta Diosmi kaynata nini: Punchawwan hinaspa tutawanmi pactota ruwarqani, cielotawan kay pachata kamachinanpaqmi kamachikuykunata churarqani.

Ezequiel 46:1

Ñoqa Tayta Diosmi kaynata nini: Uku law patiopa intipa qespimunan lawman qawaq punkuqa, llamkanaykichik soqtantin punchawmi wichqarayanqa, samana punchawpim ichaqa kichakunqa, kichakunqataqmi llullu killa punchawpipas.

Ezequiel 46:6

Llullu killa punchawpim huk malta torota, soqta sano malta carnerokunata chaynataq huk sano carnerota ofrecewanqaku.

Joel 2:10

Paykunapa ñawpaqninpiqa kay pachapas katkatatanraqmi, cielokunapas kuyupakunraqmi, intipas killapas tutayarunraqmi, chaskakunapa kanchayninpas antayanraqmi.

Joel 3:15

Intipas killapas tutayarunqam, chaskakunapa kanchayninpas chinkarunqam.

Amós 5:8

Maskaychik Suchu chaskakuna unanchaqta, maskaychik Qalalu chaska unanchaqta, tutayayta achkiyman tikraqta, punchawtapas tutayachiqta, lamar qochapa yakunkunata qayaspa allpa pachaman chaqchurimuqta. Payqa Tukuy Atiyniyuq Tayta Diosmi.

Amós 8:9

Tayta Diosmi kaynata nin: Chay punchawmi chawpi punchaw intita tutayachisaq, punchawpacham kay pachata tutayaywan pampaykusaq.

Mateo 2:2

kaynata tapukurqaku: ¿Maypitaq kachkan judiokunapa reynin nacemuq? Intipa qespimunan lawpim chaskanta rikumurqaniku, chaymi payta hatunchanaykupaq hamurqaniku, nispanku.

Mateo 24:29

Chay ñakariy punchawkuna pasaruptillanmi inti tutayarunqa, killapas manam kanchanqañachu, chaskakunapas wichimunqam, cielokunapi tukuy ima kaqkunapas katkatatanqam.

Marcos 13:24

Chay punchawkunapi ñakariykuna pasaruptinmi, inti tutayarunqa, killapas manañam kanchanqañachu,

Lucas 23:45

Inti tutayaruptinmi templopi kaq velo iskayman llikikururqa.

Deuteronomio 4:19

Yanqañataq cielopi intita, killata, chaskakunata hinaspa cielopi tukuy ima kaqkunata qawaspaykichik yupaychawaqchik. Tukuy chaykunataqa Señornikichik Tayta Diosmi kay pachapi llapa runakunapaq churarqa.

Apocalipsis 6:12

Soqta kaq sellota Cordero kichaykuptinmi hatun terremoto karqa. Intim yanayarurqa yana pachaman rikchakunankama, killapas pukayarurqam yawar hina kanankama.

Apocalipsis 8:12

Trompetanta tawa kaq ángel tocaykuptinñataqmi intipa, killapa hinaspa chaskakunapa kimsa kaq parten tutayarurqa, hinaptinmi chaykunapa kimsa kaq parten tutayaruptin, punchawpa hinaspa tutapa kimsa kaq partenpi manaña achkirqañachu.

Apocalipsis 9:2

Chay uku pachata kichaykuptinmi qosniriramurqa hatu-hatun hornomanta hina, chay qosnim intitawan wayrata tutayarachirqa.