Gálatas 6:10 - CHUYA QELLQA La Biblia en Quechua de Ayacucho 2012

¹⁰ Chayraykum, kapuwasqanchikman hina lliwpaq allin kaqkunata ruwananchik, tukuymanta llalliriqtaqa iñiqmasinchikkunapaqyá ruwasunchik.

Quechua Ayacucho Bible 1987

¹⁰ Atispaqa lliwtayá yanapasun, aswan llapanmanta llalliriqtaqa iñiqmasinchikkunata.

Chuya Qellqa 1992

¹⁰ Chayraykum, kapuwasqanchikman hina lliwpaq allin kaqkunata ruwananchik, tukuymanta llalliriqtaqa iñiqmasinchikkunapaqyá ruwasunchik.

Gálatas 6:10 Iomraidhean Croise

Proverbios 3:27

Mañakusuqnikitaqa yanapaykuyá, qoykunaykipaq kachkaptinqa qoykuyá.

Eclesiastés 3:12

Runapa ruwayninqa kawsayninpi kusikuspa allin kaqkunata ruwayllam,

Eclesiastés 9:10

Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Mateo 10:25

Discipulo-paqqa yachachiqnin hinalla kayninmi allinqa, criadopaqpas allinqa patronnin hina kayninmi. Sichum ñoqatapuni Beelzebuwan sutichawachkaspankuqa aswanraqchiki qamkunataqa.

Mateo 12:50

Pipas, hanaq pachapi kaq Taytaypa munasqan ruwaqmi wawqeyqa, paniypas chaynataq mamaypas, nispa.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Mateo 5:43

Uyarirqankichiktaqmi: “Runamasi-kitaqa kuyankim, enemigoykitañataqmi cheqninki” nisqankutapas.

Marcos 3:4

Hinaspam llapa runakunata tapurqa: ¿Imatataq samana punchawpi ruwayta atichwan, allin kaqtachu icha mana allin kaqtachu? ¿Runapa vidan salvaytachu icha wañurachiytachu? nispa. Paykunañataqmi upallalla karqaku.

Lucas 6:35

Ene-migoykichiktapas kuyaspayá paykunapaq allin kaqkunata ruwaychik, imatapas mana imallapaqyá prestaychik. Chaynapim hatun premiota chaskinkichik, hinaspam hanaq pachapi Diospa churinkuna kankichik; payqa mana reqsikuqninkunatapas chaynataq huchasapakunatapas kuyapayanmi.

Juan 12:35

Jesusñataqmi nirqa: Achkiyqa as punchawllapas qamkuna-wanraqmi kanqa, chaynaqa achkiypiyá puriychik qamkunawanraq kachkap-tiyqa, chaynapi tutayay mana vencerusunaykichikpaq. Pipas tutayaypi puriqqa mayman risqantapas manam yachanchu.

Juan 9:4

Punchawraq kachkaptinqa kachamuwaqniypa ruway-ninkunapim llamkanay, tutayaramuptinmi ichaqa manaña pipas llamkayta atinmanñachu.

Hechos 6:7

Diospa palabranta willakuptin-kum Jerusalén llaqtapi llapa iñiqkuna aswan-aswan mirarqaku. Judiokunamanta kaq sacerdotekunapas achkallañam Jesusman iñikurqaku.

2~Corintios 2:8

Chaymi ruegakuykichik payman kuyakuynikichikta qawachi-naykichikpaq.

Gálatas 1:23

Paykunaqa ñoqamanta uyarispam nirqaku: “Ñawpaq qatikachawaqninchik Pablom kunanqa Jesucristomanta yachachispaña purichkan, paymi ñawpaqta chinkachiyta munawarqanchik”, nispanku.

Efesios 2:19

Qamkunaqa manañam huklaw llaqtayuq forasterokuna hinañachu kankichik, qamkunaqa Diosllapaqña kawsaqkunapa llaqtamasinñam hinaspa Diospa ayllunñam kankichik.

Efesios 3:15

Paymantam lliw ayllukuna hanaq pachapi kaqkunapas chaynataq kay pachapi kaqkunapas sutinkuta chaskinku.

Efesios 4:28

Pipas suwakuqqa amañayá suwakuchunchu, aswanqa imatapas allinta ruwaspayá llamkachun, chaynapi mana imayuqkunata imallawanpas yanapaykunanpaq.

Efesios 5:16

Tiempoykichiktapas amayá usuchiychikchu, kay punchawkunaqa mana allinllañam.

Filipenses 4:10

Llumpayta kusikuspaymi Señorta yupaychachkani yanapawaspaykichik huktawan yuyariwasqaykichikmanta. Kaynata nispayqa piensachkani manam qonqaruwasqaykichiktañachu, aswanqa yanapaykuwanaykichikpaq mana ima ruway atisqaykichiktam.

Colosenses 4:5

Mana iñiq runakunapa qayllanpipas yachaywanyá kawsaychik, tiempoykichiktapas ama usuchispa.

1~Tesalonicenses 5:15

Amayá pipas mana allin ruwaqnintaqa mana allinwanqa kutichikuchunchu, qamkunapuraqa tukuy tiempoyá allin kaqkunata ruwaychik, chaynatayá llapallanwanpas ruwaychik.

1~Tesalonicenses 5:21

Tukuy ima profetizasqankutapas pruebaspayá allin kaqta waqaychaychik,

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Tito 3:8

Kay palabraqa cheqapmi, chayraykum aswanraq yachachinaykita munani, chaynapi Diosman iñiqkuna imapas allin ruwaykunapi kanankupaq. Kayqa mayna sumaqmi hinaspa runakunapa allinninpaqmi.

Hebreos 13:16

Allin ruway-tawan kapuqnikichikwan yanapana-kuytaqa amayá qonqaychikchu, chay sacrificiokuna ruwasqaykichikmi Diosta agradan.

Hebreos 3:6

Cristom ichaqa Churin kasqanrayku Diospa wasinpi munayniyuq karqa, chay wasi hinam ñoqanchikpas paypi hatun confianzawan kallpanchakuspaqa kanchik.

Hebreos 6:10

Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.

1~Pedro 2:5

Qamkunapas kawsaq rumi hinam kachkankichik. Diosmi qamkunawan rumiwan perqachkaq hina mana rikuy atina templota ruwachkan, chaynapi sacerdotekunaña kaspa Jesucristontakama mana rikuy atina sacrificiokunata Diosman ofrecenaykichikpaq.

1~Pedro 4:17

Ñam chayaramunña Diospi iñiqkunata juzganan punchaw, ñoqanchikwan juicio qallariptinqa, ¿imaynaraq kanqa Diospa allin notician mana kasukuqkunaqa?

1~Juan 5:1

Jesusqa Cristo kasqanta creeqkunaqa Diospa churinñam, haykam taytan kuyaqkunaqa, taytanpa churinkunatapas kuyananmi.

3~Juan 1:10

Chaymi rispay paytaqa contraykupi imaymana rimasqanmanta qaqchasaq. Rimasqanwanpas mana sonqon tiyaptinmi watukamusuqnikichik wawqekunatapas mana chaskinchu, hinaspam samaykachiy munaqkunatapas harkakuspan iglesiamanta qarqon.

3~Juan 1:11

Kuyasqay wawqelláy, qamqa amayá mana allin ruwasqantaqa qatipakuychu, aswanqa allin kaqtayá ruway. Allin ruwaqkunaqa Diospam, mana allin ruwaqkunam ichaqa Diosta mana reqsinkuchu.

3~Juan 1:3

Cheqap yachachikuykunaman hina kawsasqaykimantam iñiqmasinchikkuna hamuspanku willawarqaku, chaymi llumpayta kusikurqani.