Gálatas 5:24 - CHUYA QELLQA La Biblia en Quechua de Ayacucho 2012

²⁴ Haykam Jesucristopiña kaqkunaqa aychapa munasqantaqa, munapayayninkunatawan kuskatam chakatarunchikña.

Quechua Ayacucho Bible 1987

²⁴ Jesucristopaña kaqkunaqa chakatasqata hinañam saqerunchik aychapa munasqankunataqa.

Chuya Qellqa 1992

²⁴ Haykam Jesucristopiña kaqkunaqa aychapa munasqantaqa, munapayayninkunatawan kuskatam chakatarunchikña.

Gálatas 5:24 Iomraidhean Croise

Romanos 13:14

Aswanqa Señorninchik Jesucristowan pachallikuychik, aychapa munaynintapas amaña ruwaychikchu.

Romanos 6:6

Kaytapas yachanchikmi: Ñawpaq vidanchikqa Cristowan kuskam chakatasqa karqa, huchallikuq sonqonchik tuñichisqa kananpaq, chaynapi hucha manaña munaychakuwananchikpaq.

Romanos 8:13

Aychaman hinalla kawsaspaykichikqa wañunkichikmi; Chuya Espirituman hina aychapa ruwayninkunata wañuchispam ichaqa kawsankichik.

Romanos 8:9

Qamkunam ichaqa mana aychaman hinañachu kawsankichik, aswanqa Espirituman hinañam, qamkunapi Diospa Espiritun kasqanrayku. Sichum runapi Cristopa Espiritun mana kaptinqa manam Cristopachu.

1~Corintios 15:23

Ichaqa sapakamam qatinasninpi kawsarimunqa: Cristom puntata kawsarimurqa, pay hamuptinñataqmi iñiqninkunapas kawsarimunqa.

1~Corintios 3:23

Qamkunaqa Cristopam kankichik, Cristoñataqmi Diospa.

1~Corintios 6:13

Mikuyqa wiksapaqmi, wiksañataqmi mikuypaq. Chaykunataqa Diosmi tuñichinqa. Cuerpoqa manam huchapakuypi purinapaqchu, aswanqa Señorpaqmi, Señorñataqmi cuerpopaq.

2~Corintios 10:7

Qamkunaqa imatapas rikchayllantam qawankichik, sichum pipas Cristopaña kasqanta hapikuspanqa, yachananmi ñoqaykupas pay hina Cristopaña kasqaykuta.

Gálatas 2:20

Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

Gálatas 3:26

Jesucristoman iñikuspaqa llapallaykichikmi Diospa churinña kankichik.

Gálatas 3:28

Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Gálatas 3:29

Jesucristopaña kaspaqa, Abrahampa miraynin hinañam kankichik, chayraykum Abrahamman Diospa prometesqan herenciatapas chaskinkichik.

Gálatas 5:20

ídolo yupaychaykuna, layqanakuykuna, cheqninakuykuna, liryanakuykuna, envidiakuykuna, piñakuykuna, kikillanpaq imapas munaykuna, rakinakuy hatarichiykuna, pantaywan apachikuykuna,

Gálatas 6:14

Ñoqam ichaqa imamanta alabakuytapas mana munanichu, aswanqa Señorninchik Jesucristopa cruzpi wañusqallanmantam. Cruzpi Cristopa wañusqanraykum kay pachapi mana allin ruwaykunataqa wañusqata hinaña saqeruni, chayna-taqmi ñoqatapas kay pachapi mana allin ruwaykunaqa wañusqata hinaña saqeruwan.

Efesios 3:1

Ñoqa Pablom, Jesucristota servisqayrayku preso kachkani mana judío kaqkunapa allinnikichikpaq.

Efesios 3:11

Diosmi ñawpaqmantapuni imam munasqanta Señorninchik Jesucristowan ruwarqa.

Efesios 3:6

Pakasqa kaqkunaqa kaymi: Jesucristomanta allin noticiawanmi mana judío kaqkuna judiokunapa herencia chaskiqmasinña rikurirunku, paykunawan hukllaña kasqankuraykum Cristo Jesuspi Diospa promesan chaskiqmasinña karunku.

Colosenses 2:11

Paypi kasqaykichikraykum qarikaynikichikpi señalasqaña rikurirunkichik, ichaqa manam makiwanchu, aswanqa Diospunim Cristopi señalarusunkichik, chaywanmi huchallikuqllaña kaynikichikta wischurun.

1~Pedro 2:11

Kuyasqay wawqe-panillaykuna, huklaw llaqtayuqta hinaspa illakuyllapi kaqta hinam ruegakuykichik, aychaykichikpa mana allinkuna munasqantaqa amayá ruwaychikchu, chaykunaqa almaykichikpa contranpim peleachkan.