Gálatas 5:17 - CHUYA QELLQA La Biblia en Quechua de Ayacucho 2012

¹⁷ Aychapa munasqanqa Chuya Espiritupa contranpim kachkan, Chuya Espiritupa munasqanñataqmi aychapa munasqankunapa contranpi kachkan. Iskayninku contranakuptinmi munasqaykichik ruwaytaqa mana atinkichikchu.

Quechua Ayacucho Bible 1987

¹⁷ Aychapa munasqanqa Chuya Espiritupa contranpim kachkan, Chuya Espiritupa munasqanñataqmi aychapa munasqankunapa contranpi kachkan. Iskayninku contranakuptinmi munasqaykichik rurayta mana atinkichikchu.

Chuya Qellqa 1992

¹⁷ Aychapa munasqanqa Chuya Espiritupa contranpim kachkan, Chuya Espiritupa munasqanñataqmi aychapa munasqankunapa contranpi kachkan. Iskayninku contranakuptinmi munasqaykichik ruwaytaqa mana atinkichikchu.

Gálatas 5:17 Iomraidhean Croise

Génesis 6:3

Chaymi Tayta Dios nirqa: Manam wiñaypaqchu espirituyqa runakunapi kanqa, cheqaptapunipas payqa runallam, pachak iskay chunka watallatañam kawsanqa, nispa.

Eclesiastés 7:20

Kay pachapiqa manam hukllapas kanchu allinllata ruwaspa mana haykapipas huchallikuq runaqa.

Isaías 6:5

Hinaptinmi nirqani: ¡Ay, imaynaraq kasaq! Kunanqa wañurusaqchá. Mana allin rimaq runa kachkaspaymi, mana allin rimaq runakunawan yachachkaspaymi, Tukuy Atiyniyuq Tayta Diosta rikuruni, nispay.

Mateo 12:30

Pipas mana favorniypi kaspaqa contraypim kachkan, cosechapi ñoqawan mana huñuqqa usuchinmi.

Mateo 16:17

Chaymi Jesús nirqa: Jonaspa churin Simón, mayna kusisqam kanki, kaytaqa manam runachu qawachisurqanki, aswanqa hanaq pachapi kaq Taytaymi.

Mateo 16:23

Hinaptinmi muyuriykuspan Pedrota Jesús nirqa: ¡Anchuy ñawpaqniymanta Satanás! Qamqa pantachiwaytam munachkanki, qamqa manam Diospa munasqanman hinachu tanteanki, aswanqa runakunapa tanteasqanman hinallam, nispan.

Mateo 26:41

Rikchaspayá Diosta mañakuychik ama tentasqa kanaykichikpaq. Espirituykichikqa chayllam kachkan yanapasunaykichikpaq, cuerpoykichikmi ichaqa mana kallpayuq kachkan, nispa.

Mateo 5:6

Mayna kusisqam Diospa allin arreglo ruwayninmanta yarqachikuqkunawan yakunayachikuqkunaqa, paykunaqa saksachisqam kanqaku.

Lucas 22:33

Pedroñataqmi nirqa: Señor, ñoqaqa chayllam kachkani qanwan kuska carcelman rinaypaq chaynataq qanwan kuska wañunaypaqpas, nispa.

Lucas 22:46

Chaymi paykunata nirqa: ¿Imanasqataq puñuchkankichik? Hatariychik, Diosta mañakuychik tentacionman ama wichinaykichikpaq, nispa.

Juan 3:6

Aychamanta nacemuqqa aychallam, Espiritumanta nacemuqmi ichaqa espíritu.

Romanos 8:13

Aychaman hinalla kawsaspaykichikqa wañunkichikmi; Chuya Espirituman hina aychapa ruwayninkunata wañuchispam ichaqa kawsankichik.

Gálatas 3:21

Moisespa kamachisqankunaqa, ¿Diospa promesanpa contranpichu kachkan? ¡Manapunim! Manam ima leypas kanchu chayta kasukuspanchik wiñay kawsananchikpaqqa. Chayna kaptinqa, chaywanchiki cheqapta mana huchayuqpaqña Dios chaskiwachwan karqa.

Santiago 3:2

Llapa-llanchikmi imaymanapi pantanchik, sichum rimasqanwan pipas mana huchallikuspanqa mana pantaq runañam kachkan, chayna kaspaqa tukuy cuerpontapas controlanmanmi.