Gálatas 5:10 - CHUYA QELLQA La Biblia en Quechua de Ayacucho 2012

¹⁰ Ñoqaqa Señorpim hapipakuchkani, yachachisqaypa contranpi mana hukmanyanaykichikpaq. Haykam pantachiy munasuqnikichikkunataqa pi mayña kaptinpas Diosmi castiganqa.

Quechua Ayacucho Bible 1987

¹⁰ Señorpim confiakuchkani yachachisqaypa contranpiqa mana hukmanrayanaykichikmanta. Qamkunata pantachiqkunaqa pi runaña kaspapas Diospa castigasqanmi kanqa.

Chuya Qellqa 1992

¹⁰ Ñoqaqa Señorpim hapipakuchkani, yachachisqaypa contranpi mana hukmanyanaykichikpaq. Haykam pantachiy munasuqnikichikkunataqa pi mayña kaptinpas Diosmi castiganqa.

Gálatas 5:10 Iomraidhean Croise

Hechos 15:24

Yachanikum ñoqaykuwan kaqkunamanta wakin runakuna mana kamachichkaptiyku qamkunaman hamusqanta. Paykunam yachachikuyninkuwan pantachisuspaykichik iskayrayachisurqankichik, señalachikunaykichikpaq hinaspa Moisespa leyninta kasukunaykichikpaq kamachisuspaykichik.

1~Corintios 5:5

Chaynaqa, chay huchallikuq runapa cuerponyá Satanaspa makinman churasqa kachun ñakarichisqa kananpaq, chaynapi Señor Jesús kutimuptin espiritunñataq salvasqa kananpaq.

2~Corintios 1:15

Kay confianzawanmi puntata qamkuna watukuq hamuyta munarqani, chaynapi ristinpas hinaspa kutimustinpas yanapaykunaypaq.

2~Corintios 10:2

Chaynaqa, ruegakuykichikmi qawaqnikichik hamus-payqa cheqniwaqniykunapaq rabiakunaytaqa ama munaychikchu. Haykam aychaman hina kawsasqaykupaq hapiwaqniykunawanmi hapinakusaq.

2~Corintios 10:6

Chayllam kachkaniku mana kasukuqkunata castiganaykupaq, chaynataqa ruwasaqku cheqaptapuni kasukuptikichikñam.

2~Corintios 13:10

Kay cartatam qellqamuchkaykichik qamkunaman manaraq hamuchkaspay, chaynapi chayamuspayqa manaña qaqchanaypaq, Señorpa atiy qowasqanqa qamkunata wiñachinaypaqmi, manam tuñichinaypaqchu.

2~Corintios 2:3

Chayraykum qellqamurqaykichik chayamuptiy kusichiwanaykichikpaq manam llakichiwanaykichikpaqchu. Piensarqanim ñoqa kusisqa kaptiyqa llapallaykichik kusisqa kanaykichikta.

2~Corintios 2:6

Llapallaykichikpa chay runa corregisqaykichikqa allinmi, chayllapaqñayá kachun.

2~Corintios 5:16

Kunanmantaqa manam pimantapas aychaman hinañachu piensaniku, ñawpaqtam ichaqa Cristomantapas aychaman hinalla piensarqaniku, kunanqa manañam chaynatachu piensaniku.

2~Corintios 7:16

Qamkunaraykum tukuy imapi anchata confiakuspay kusikuni.

2~Corintios 8:22

Paykunawan kuskatam huk iñiqmasinchikta kachamuchkaniku, payqa sapa kutillam kusikuywan ruwaq kasqanta qawachikurqa, kunanñataqmi qamkunapi llumpayta confiakusqanrayku aswan-aswanraq ruwayta munachkan.

Gálatas 1:7

Huk evangelioqa manam kanchu. Ichaqa wakin runakunam Jesucristomanta cheqap evangeliota qewiyta munaspanku qamkunatapas iskayrayachisunkichik.

Gálatas 2:4

Chaywanpas wakin runakunam iñiqmasinchik tukuspanku yaykuramurqaku, tukuy ima ruwasqaykuta wateqawanankupaq, hinaspam Jesucristo librawasqanchikta mana munaspa llumpay sasa kamachikuykuna kasukunaykuta munarqaku.

Gálatas 2:6

Ichaqa allin reqsisqapaq hapisqanku kamachikuqkunapas manam ima musoq yachachikuytapas niwarqakuchu. Llumpay reqsisqa kasqankupas ñoqapaqqa manam imananchu. Diosqa manam pimanpas sayapakunchu.

Gálatas 3:1

¡Yaw, Galacia lawpi kaq mana yuyayniyuqkuna! ¿Pitaq umacharusurqankichik cheqap kaqta mana kasukunaykichikpaq? Qamkunamanqa willarqaykikuñam Jesucristo chakatasqa kasqanmanta.

Gálatas 4:11

Llumpaytam manchakuchkani yanqapaqchusmi qamkuna ukupi llamkasqayqa karunqa, nispay.

Gálatas 4:17

Chay runakunaqa yanqallam qamkunamanta nanachikuq tukunku. Paykunaqa munachkanku ñoqamanta rakikuruspaykichik paykunataña qatinaykichiktam.

Gálatas 4:20

Ima allinraq kanman kunanpuni qamkunawan chaypi rikuriruyman, chaynapi aswan sumaqtaraq qamkunata rimapayanaypaq. Qamkunamantam mana imayna ruwaytapas atinichu.

Gálatas 5:12

Aswanqa “qari-kaynikichikpi señalakuychik” nispa yachachiqkunaqa ojalataqya hukllatañapas lliwta kuchurachikunmanku.

Gálatas 5:7

Qamkunaqa allintam kallpachkar-qankichik, hinaptinqa, ¿pitaq harka-rusurqankichik cheqap kaqta manaña kasukunaykichikpaqqa?

Gálatas 6:17

Kunanmanta qepamanqa ama pipas sasachakuyta apamuwachunchu, ñoqaqa Señor Jesucristopa marcantam cuerpoypi apachkani.

Filipenses 3:15

Chaynaqa, iñiypi haykam kallpayuq kaqkunaqa chay nisqaykunaman hinayá yuyaymanaychik. Imamantapas hukmanta piensaptikichikqa Diosninchikmi reqsichisunkichik.

2~Tesalonicenses 3:4

Señorpim confiakuch-kaniku imam kamachisqayku ruwas-qaykichikmanta hinaspa hamuq punchaw-kunapi ruwanaykichikpaqpas.

1~Timoteo 1:20

Chaynatam Himeneowan Alejandropas pantarurqaku. Chaymi Diospa contranpi manaña rimanankupaq Satanasman qoykuni.

Filemón 1:21

Qellqamuchkaykiqa kasukunaykita hinaspa kay nimusqaykunamantapas aswanraq ruwanaykita yachaspaymi.