Gálatas 4:14 - CHUYA QELLQA La Biblia en Quechua de Ayacucho 2012

¹⁴ Chay onqoyniyqa qamkunapaqmi prueba hina karqa, ichaqa manam despreciawarqankichikchu nitaqmi qarqoruwarqankichikchu, aswanqa Diospa angelninta hinaraqmi otaq Jesucristotapas hinaraqmi chaskiwarqankichik.

Quechua Ayacucho Bible 1987

¹⁴ Chayna kachkaptiypas manam despreciawarqankichikchu nitaq qarqoruwarqankichikchu, aswanqa sumaqllatañam chaskiwarqankichik Diospa angelninta hinaraq otaq Jesucristotapas hinaraq.

Chuya Qellqa 1992

¹⁴ Chay onqoqniyqa qamkunapaqmi prueba hina karqa, ichaqa manam despreciawarqankichikchu nitaqmi qarqoruwarqankichikchu, aswanqa Diospa angelninta hinaraqmi otaq Jesucristotapas hinaraqmi chaskiwarqankichik.

Gálatas 4:14 Iomraidhean Croise

2~Samuel 14:17

Reynilláy, ñoqaqa munani sonqollay tiyaykachinaykitam, qamqa Diospa angelnin hinam allin kaqta mana allin kaqtapas sumaqta reqsinki. Tayta Diosyá qanwan kachun, nispa.

2~Samuel 19:27

Reynilláy serviqniymi ichaqa qampa qayllaykipi yanqamanta tumpaykuwarqa. Qamqa Diospa angelnin hinam kanki, chaynaqa munasqaykiman hinayá ñoqawan ruway.

Jobwan Sutichasqa Libro 12:5

Hawka kawsakuq runaqa sasachakuypi kaqtam asipayan, wichiykunanpaqña kachkaptinpas mana llakipayaykuspam tanqaykun.

Eclesiastés 9:16

Chayraykum ñoqa nini: Wakcha runapa yachaynin wischupakusqa kaspa mana pipa uyarisqanña kaptinpas, kallpasapa kaymantaqa yachayniyuq kaymi aswan allinqa, nispa.

Zacarías 12:8

Chay punchawpim Jerusalenpi yachaqkunata Tayta Dios waqaychanqa; chay tiempopiqa manchati runapas rey David hinam allinnin qari-qari kanqa, rey Davidpa mirayninkunañataqmi Dios hinaraq kanqaku, ñawpaqninkuta riq Tayta Diospa angelnin hinaraqmi kanqaku.

Malaquías 2:7

Sacerdotekunapa ruwayninqa ñoqa Diosta reqsiwanankupaq runakunata yachachiymi, chayraykum runakunapas paykunamanta yachachikuyta chaskinanku, paykuna ñoqa Diosmanta willakuqkuna kasqankurayku.

Mateo 10:40

Pipas qamkunata chaskisuqnikichikqa ñoqatam chaskiwan, ñoqata chaskiwaqniyñataqmi pim kachamuwaqniyta chaskin.

Mateo 18:5

Pipas ñoqapa sutiypi kay warmata hina kuyakuywan chaskiqqa ñoqatam chaskiwan, nispa.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Juan 13:20

Cheqaptapunim nikichik, ñoqapa kachasqayta pipas chaskiqqa ñoqatapunim chaskiwan, ñoqa chaskiwaqniyñataqmi kachamuwaqniy Taytayta chaskin.

1~Corintios 1:28

Diosqa akllarqa kay pachapi wakchakunatawan, despreciasqakunatam hinaspa mana imapaqpas valeqkunatam, chaynapi hatunchakuqkunata mana kaqpaqña churananpaq.

1~Corintios 4:10

Ñoqaykuqa Cristoraykum mana yachayniyuqpaq hapisqa kaniku, qamkunam ichaqa Cristopi yachayniyuq kankichik. Ñoqaykutaqa mana kallpayuqpaqmi hapiwanku, qamkunam ichaqa kallpasapa kachkankichik. Runakunam qamkunata res-petasunkichik, ñoqaykutañataqmi despreciawanku.

2~Corintios 5:20

Chaynaqa, Cristopa rantinpi willakunaykupaq churasqam kaniku, Diosmi ñoqaykutakama qamkunaman rimapayasunkichik. Cristopa sutinpim ruegakuykiku Dioswan allinyanakunaykichikpaq.

Gálatas 3:26

Jesucristoman iñikuspaqa llapallaykichikmi Diospa churinña kankichik.

Gálatas 3:28

Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Gálatas 4:13

Yachasqaykichikpi hinapas puntataqa onqorusqayraykuñam allin noticiataqa willarqaykichik.

Gálatas 4:15

¿Maytaq chay llumpay kusikuynikichikqa? Ñoqaqa allintam reqsikichik, qamkunawan kaptiyqa ñawikichiktapas hurqokuruwaqchikmi karqa ñoqaman qoykuwanaykichikpaq.

1~Tesalonicenses 2:13

Chayraykum ñoqaykupas Diosman tukuy tiempo graciasta qoniku. Ñoqayku willaptiykum Diospa palabranta chaskirqankichik, ichaqa manam runapa rimasqanta hinallachu aswanqa Diospa cheqap palabranta hinam, chay palabraqa qamkuna ukupim allinta ruruchkan.

1~Tesalonicenses 4:8

Chaynaqa, kay yachachisqayta wischupakuqqa, manam runatachu wischupakun aswanqa Chuya Espíritu qosuqnikichik Diostam.

Hebreos 13:2

Wasikichikpi samaykachiytapas amayá qonqaruychikchu, wakinkunam chayta ruwaspanku mana yachastin angelkunata samaykachirqaku.