Gálatas 3:29 - CHUYA QELLQA La Biblia en Quechua de Ayacucho 2012

²⁹ Jesucristopaña kaspaqa, Abrahampa miraynin hinañam kankichik, chayraykum Abrahamman Diospa prometesqan herenciatapas chaskinkichik.

Quechua Ayacucho Bible 1987

²⁹ Jesucristopaña kaspaqa, Abrahampa miraynin hinañam kankichik, chayraykum chaskinkichik Abrahanman Diospa prometesqan herenciatapas.

Chuya Qellqa 1992

²⁹ Jesucristopaña kaspaqa, Abrahampa miraynin hinañam kankichik, chayraykum Abrahamman Diospa prometesqan herenciatapas chaskinkichik.

Gálatas 3:29 Iomraidhean Croise

Mateo 3:9

Amayá niy-chikchu: “Ñoqaykuqa Abrahampa mirayninmi kaniku”, nispaykichikqa; Diosqa kay rumikunamantapas Abrahampa mirayninkunataqa hatarirachinmanmi.

Romanos 8:17

Churinña kaptinchikqa paypa tukuy iman kaqkunapas ñoqanchikpañam, chaynapim Jesucristowan kuska herenciata chaskisun. Cristo hina ñakarispaqa paywan kuskataqmi hatunchasqa kasunchik.

1~Corintios 15:23

Ichaqa sapakamam qatinasninpi kawsarimunqa: Cristom puntata kawsarimurqa, pay hamuptinñataqmi iñiqninkunapas kawsarimunqa.

2~Corintios 10:7

Qamkunaqa imatapas rikchayllantam qawankichik, sichum pipas Cristopaña kasqanta hapikuspanqa, yachananmi ñoqaykupas pay hina Cristopaña kasqaykuta.

Gálatas 3:16

Diosmi Abrahammanwan, mirayninman prometekurqa. Chay promesakunapiqa manam “miraynikikunaman” ninchu aswanqa “miraynikiman” ninmi. Manam achka runakunamantachu rimachkan, aswanqa huk runallamantam, payqa Cristom.

Gálatas 3:18

Sichum Dios salvanman runakunata kamachikuykunata kasukuptillanku hinaptinqa manach promesa hinañachu kanman. Diosqa promesanman hinam Abrahammanqa tukuy imata qorqa, manam imatapas ruwasqanraykuchu.

Gálatas 3:28

Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Gálatas 3:7

Chaynaqa, yachaychikyá, Diosman iñispa hapipakuqkunaqa Abrahampa cheqap mirayninmi kanchik.

Gálatas 4:1

Kaytapas niymantaqmi: Pipas warmallaraq kaspanqa manaraqmi herenciataqa chaskinmanchu warmallaraq kasqanrayku. Payqa wasinpi esclavo hinallaraqmi kachkan dueñopuni kachkaspapas.

Gálatas 4:7

Chaynaqa, manam esclavo hinañachu kanchik, aswanqa Diospa churinñam. Churinña kasqanchikraykum herenciatapas Diosmanta chaskisunchik.

Gálatas 5:24

Haykam Jesucristopiña kaqkunaqa aychapa munasqantaqa, munapayayninkunatawan kuskatam chakatarunchikña.

Gálatas 6:16

Haykam yachachisqayman hina puriqkunatawan Diospa llaqtan Israel-tam nimuykichik: Diospa kuyapayakuyninwan hawkayayninyá qamkunapaq kachun.

Efesios 3:6

Pakasqa kaqkunaqa kaymi: Jesucristomanta allin noticiawanmi mana judío kaqkuna judiokunapa herencia chaskiqmasinña rikurirunku, paykunawan hukllaña kasqankuraykum Cristo Jesuspi Diospa promesan chaskiqmasinña karunku.

Tito 3:7

Kuyawaspanchikmi payqa mana huchayuqtaña chaskiykuwanchik, chaynapi confianzawan suyasqanchik wiñay kawsayta chaskinanchikpaq.

Hebreos 1:14

Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Hebreos 11:18

“Isaacllamantam miraynikiqa kanqa” nispa, Dios nichkaptinpas.

Hebreos 11:7

Iñiyllawanmi Noeypas, hamuq pun-chawkunapi imakuna pasakunanmanta Dios willaykuptin, payta kasukuspan arcata ruwarqa ayllunkuna chaypi salvakunanpaq. Hina chay iñiyllanwantaqmi kay pachapi kaqkunatapas condenarqa hinaspa allin kawsakuytapas chaskirqa.

Hebreos 6:17

Chaynapunim Diospas tanteasqanmanta qepamanqa mana kutinmanchu. Chayraykum prometesqankunataqa herencia qosqan chaskiqkunaman juraspan cheqap kasqanta qawachirqa.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

Apocalipsis 21:7

Pipas venceqqa tukuy kaykunatam herenciapaq chaskinqa, ñoqam Diosnin kasaq, payñataqmi churiy kanqa.