Gálatas 3:28 - CHUYA QELLQA La Biblia en Quechua de Ayacucho 2012

²⁸ Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Quechua Ayacucho Bible 1987

²⁸ Jesucristopiqa hukllañam kanchik, manam imananñachu judio otaq mana judio kaypas, sirviente otaq mana sirviente kaypas, qari otaq warmi kaypas.

Chuya Qellqa 1992

²⁸ Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Gálatas 3:28 Iomraidhean Croise

Joel 2:29

Criadaykichikmanwan criadoykichikmanpas chay punchawpim Espirituyta chaqchurimusaq.

Juan 10:16

Kachkantaqmi kay corralpi kaqkunamanta sapaq ovejaykunapas. Paykunatapas pusamuptiymi qayakuyniyta uyarinqaku, chaynapim huk kanchallaña kanqaku, michiqninkupas hukllañam kanqa.

Juan 11:52

Jesusqa wañunan karqa manam paykunapa rantillanpichu aswanqa Diospa cheqesqa churinkunata hukllaman huñunanpaqwanmi.

Juan 17:11

Manañam kay pachapiñachu kasaq, paykunam ichaqa kay pachapiraq kanqaku, ñoqam ichaqa hamuchkaniña qanwan kuska kanaypaq. Chuya Taytáy, qowasqaykikunataqa atiynikiwanyá waqaychaykuy chaynapi ñoqanchik hina huklla kanankupaq.

Romanos 1:16

Jesucristomanta allin noticia willakuytaqa manam penqakunichu, chayqa Diospa atiyninmi haykam iñiqkunata salvananpaq, puntataqa judiokunata chaynataq mana judiokunatapas.

Romanos 3:22

Jesucristoman iñikuptillanchik-mi Diosqa llapa runakunata mana huchayuqtaña ruwawanchik. Manam imananchu pim kasqanchikpas.

Romanos 8:1

Chaynaqa, haykam Cristo Jesuswan hukllaña kaqkunapaqqa manañam ima condenacionpas kanñachu. Paykunaqa manañam aychaman hinañachu kawsanku, aswanqa Espirituman hinañam.

Romanos 9:24

Chaynatam Dios qayaykuwarqanchik, wakiqninchikta judiokunamanta wakiqninchiktañataq mana judío kaqkunamanta.

1~Corintios 7:14

Diospi mana iñiq qosaqa, Diospi iñiq warminraykum Diospaq sapaqchasqa, chaynataqmi Diospi mana iñiq warmipas Diospi iñiq qosanrayku Diospaq sapaqchasqa. Mana chayna kaptinqa wawa-churinkunachá Diospi mana iñiqkunapa churinkuna hina kanman, chaynapim Diospaq sapaqchasqaña kachkanku.

1~Corintios 7:19

Manam imananchu señalasqa otaq mana señalasqa kayninchikpas, Diospa kamachikuynin kasukuymi allinqa.

Gálatas 3:14

Kaykunaqa pasakurqa Abrahamman Diospa prometesqan bendicionta mana judío kaqkunapas Jesucristontakama chaskinankupaqmi, chaynapi Diospa promesanman hina iñiyllawan Chuya Espirituta llapallanchik chaskinanchikpaqmi.

Gálatas 3:26

Jesucristoman iñikuspaqa llapallaykichikmi Diospa churinña kankichik.

Gálatas 4:14

Chay onqoyniyqa qamkunapaqmi prueba hina karqa, ichaqa manam despreciawarqankichikchu nitaqmi qarqoruwarqankichikchu, aswanqa Diospa angelninta hinaraqmi otaq Jesucristotapas hinaraqmi chaskiwarqankichik.

Gálatas 5:24

Haykam Jesucristopiña kaqkunaqa aychapa munasqantaqa, munapayayninkunatawan kuskatam chakatarunchikña.

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Efesios 1:1

Diospa munasqanman hina Cristo Jesuspa apostolnin ñoqa Pablom, Éfeso llaqtapi Jesucristoman iñispa payllapaqña sapaqchakuspa kawsaqkunaman qellqamuykichik.

Efesios 4:4

Cuerpoqa hukllam, hukllataqmi Espiritupas, Diosqa huk sonqolla suyanaykichikpaqmi qayasurqankichik.

Filipenses 1:1

Jesucristo serviq ñoqa Pablom Timoteopiwan qellqamuykiku Filipos llaqtapi kaq llapallan iñiqkunaman, michiqkunaman hinaspa diaconokunaman, qamkunaqa Jesucristollapaqña sapaqchasqam kachkankichik.

Colosenses 1:4

Jesucristopi iñiyniyuq kasqaykichikmantawan iñiqkuna kuyasqaykichikmantam uyarirqaniku,

Colosenses 3:11

Kunanqa manam imananñachu judío otaq mana judío kaypas, qari kayninpi señalasqa otaq mana señalasqa kaypas, huklaw nacionniyuq kaypas, mana leeq kaypas, esclavo kaypas otaq libre kaypas, tukuy imamantapas allinqa Cristollam, payqa lliw iñiqkunapim kawsachkan.

1~Timoteo 1:12

Señorninchik Jesucristom allinpaq hapiwaspan serviqnin kanaypaq akllaykuwarqa hinaspam kallpanchaykuwarqa, chaymi llumpayta agradecekuni.

2~Timoteo 1:1

Ñoqa Pablom Diospa munasqanman hina Cristo Jesuspa apostolnin kani. Imaynam Cristo Jesuspi kawsay chaskisqanchikman hina.