Gálatas 3:17 - CHUYA QELLQA La Biblia en Quechua de Ayacucho 2012

¹⁷ Kaynatam niyta munaykichik: Diosqa Abrahamwan pactota ruwaspanqa cumplinanpaqmi prometekurqa. Chayraykum tawa pachak kimsa chunka watamantaña Moisesman ley qosqanqa, Diospa ñawpaq prometekusqantaqa mana yanqachanmanchu.

Quechua Ayacucho Bible 1987

¹⁷ Ñoqam nikichik: Abrahanwan Dios contratota ruraspanqa cumplinanpaqmi prometekurqa. Tawa pachak kimsa chunkan watamantaña Moisesman Dios kamachikuykunata qospanqa, ñawpaq prometekusqantaqa manam yanqachanmanchu.

Chuya Qellqa 1992

¹⁷ Kaynatam niyta munaykichik: Diosqa Abrahamwan pactota ruwaspanqa cumplinanpaqmi prometekurqa. Chayraykum tawa pachak kimsa chunka watamantaña Moisesman ley qosqanqa, Diospa ñawpaq prometekusqantaqa mana yanqachanmanchu.

Gálatas 3:17 Iomraidhean Croise

Génesis 15:13

Chaymi Abramta Tayta Dios nirqa: Miraynikikunaqa cheqaptapunim hukpa llaqtanpi yachanqaku, hinaspam chay runakunapa esclavon kaspanku tawa pachak wata ñakarichisqa kanqaku.

Génesis 15:18

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

Génesis 17:19

Diosñataqmi nirqa: Cheqaptapunim warmiki Sara qampa churikita wachakunqa, hinaptinmi Isaacwan sutichanki, paywanmi wiñaypaq pactota ruwasaq, chaynallataqmi mirayninkunawanpas.

Jobwan Sutichasqa Libro 40:8

¿Juzgasqaytachu yanqapaq hapinki? ¿Inocente tukuspachu mana allin ruwaqpaq hapiwanki?

Isaías 14:27

Tukuy Atiyniyuq Tayta Dios chaynata tantearuptinqa, ¿pitaq harkakunman? makinta haywariptinqa, ¿pitaq asurachinman?

Isaías 28:18

Wañuywan contrato ruwasqaykichikpas yanqachasqam kanqa, wañusqakunapa kasqanwan contrato ruwasqaykichikpas manaña kaqmi kanqa; chay manchakuypaq sasachakuy hamuruspanmi sarupasunkichik.

Números 23:19

Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Números 30:8

Sichum qosan yacharuspan harkakuptinmi ichaqa ima prometekusqantapas mana cumplinqachu, Tayta Diospas pampachaykunqam.

Juan 1:17

Leyqa Moisesnintakamam qomusqa karqa, kuyakuywan cheqap kaqmi ichaqa Jesucristontakama hamuwarqanchik.

Hechos 7:6

Paytam nirqa: “Miraynikikunam runapa llaqtanpi mana llaqtayuq hina yachanqaku, chaypim esclavo kaspa ñakarichisqa kanqaku tawa pachak watapuni”, nispa.

Romanos 3:25

Diosmi ñawpaq huchanchikkunata pampachawananchikpaq Jesucristota churarqa, wañuspa yawarnin chaqchusqanwan salvasqa kananchikpaq, chaytaqa iñiyllawanmi haypanchik. Chaynatam Diosqa pacienciayuq kasqanta qawachiwanchik.

Romanos 3:3

Hinaptinqa, ¿paykunamanta wakiqninku mana kasukuq kasqankuraykuchu Diospas qepanchakurunqa?

1~Corintios 1:12

Kaytam nisqaykichik, qam-kunam kaynata ninakunkichik: Ñoqaqa Pablopam kani, ñoqaqa Apolospam kani, ñoqaqa Pedropam kani, ñoqañataqmi Cristopa kani, nispaykichik.

1~Corintios 1:17

Cristoqa kachamuwarqa manam bautizanaypaqchu, aswanqa allin noticiata willanaypaqmi, ichaqa manam runapa yachayninwanchu, chaynapi Cristopa chakatachikusqan mana yanqachasqa kananpaq.

1~Corintios 10:19

Chaynaqa, ¿ima nisaqtaq? ¿Idoloqa ima allintaq karqa? ¿Chayman sacrificasqa aychaqa valorniyuqchu karqa?

1~Corintios 7:29

Wawqe-panikuna, kaytam niyta munaykichik, manañam tiempo kanñachu, chaymi kunanmantaqa casadokunapas mana warmiyuqpas kanman hinaña kawsananku.

2~Corintios 1:20

Paypim Diospa llapallan prometesqankunaqa cumplikun, chaymi Diosta alabaspa Cristo Jesusnintakama “Amén” ninchik.

2~Corintios 9:6

Kaytam nikichik: Pipas aslla tarpuqqa asllatam cosechanqa, achka tarpuqñataqmi achkata cosechanqa.

Gálatas 3:15

Wawqe-panillaykuna, runapa vidanwan tupanachispam yachachisqaykichik: Sichum huk runa contratota ruwaruspa firmaruptinqa manañam pipas imatapas yapanmanchu nitaq yanqachanmanchu.

Gálatas 3:21

Moisespa kamachisqankunaqa, ¿Diospa promesanpa contranpichu kachkan? ¡Manapunim! Manam ima leypas kanchu chayta kasukuspanchik wiñay kawsananchikpaqqa. Chayna kaptinqa, chaywanchiki cheqapta mana huchayuqpaqña Dios chaskiwachwan karqa.

Gálatas 5:16

Chaynaqa, nimuykichikmi: Chuya Espiritupa munasqanman hina kawsaspaqa, aychapa munasqantaqa amaña ruwaychikchu.

Gálatas 5:4

Wakiqnikichikmi ninkichik: Leyta kasukuptillanchikmi mana huchayuqpaqña Dios chaskiwasun, nispaykichik. Chaynata nispaykichikmi Jesucris-tomantawan Diospa kuyakuyninmanta karunchakurunkichik.

Efesios 2:12

Chay tiempokunapiqa Cristomanta karunchasqa kaspam Israel ayllumantapas rakisqa karqankichik, manam yacharqankichikchu pactota ruwaspan Diospa prometekusqantapas. Kay pachapim mana Diosniyuq hinaspa mana paypi suyaspa kawsarqankichik.

Efesios 4:17

Señorninchikpa sutinpim nikichik: Amañayá Dios mana reqsiq runakuna hinaqa kawsaychikchu, paykunaqa mana allin piensasqankuman hinallam kawsachkanku.

Colosenses 2:4

Kaykunataqa nimuchkaykichik sumaqllataña rimasqankuwan ama pipas engañasunaykichikpaqmi.

Hebreos 11:13

Chayna iñiyllapim llapallan runakunaqa wañukurqaku Diospa promesanta manaraq chaskichkaspanku. Ichaqa iñiyninku kasqanraykum karullamanta qawaspanku kusikurqaku, chaynapim kay pachapiqa huklaw llaqtayuq hinaspa purikuqlla kasqankuta reqsikurqaku.

Hebreos 7:18

Chaynaqa, Moisespa qosqan leyqa yanqachasqañam rikurirun, mana atiyniyuq hinaspa mana serviq kasqanrayku.

1~Pedro 1:20

Chaynata wañunanpaqqa manaraqpas kay pacha unanchasqa kachkaptinmi citasqaña karqa, ichaqa kay tukupay tiempokunapim kuyasusqaykichikrayku rikurimurqa.