Gálatas 3:16 - CHUYA QELLQA La Biblia en Quechua de Ayacucho 2012

¹⁶ Diosmi Abrahammanwan, mirayninman prometekurqa. Chay promesakunapiqa manam “miraynikikunaman” ninchu aswanqa “miraynikiman” ninmi. Manam achka runakunamantachu rimachkan, aswanqa huk runallamantam, payqa Cristom.

Quechua Ayacucho Bible 1987

¹⁶ Diospas Abrahanmanmi mirayninmanwan promesankunata qorqa. Chay promesakunapiqa manam “miraynikikunaman” ninchu aswanqa “miraynikiman” ninmi. Manam achka runakunamantachu rimachkan aswanqa huk runallamantam, payqariki Cristom.

Chuya Qellqa 1992

¹⁶ Diosmi Abrahammanwan, mirayninman prometekurqa. Chay promesakunapiqa manam “miraynikikunaman” ninchu aswanqa “miraynikiman” ninmi. Manam achka runakunamantachu rimachkan, aswanqa huk runallamantam, payqa Cristom.

Gálatas 3:16 Iomraidhean Croise

Génesis 12:3

Bendecisuqnikikunatam bendecisaq, ñakasuqnikikunatam ñakasaq. Qamraykum kay pachapi llapallan ayllukunatapas bendecisaq, nispa.

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 15:5

Abramta Tayta Dios hawaman pusaruspan nirqa: Qaway cielopi chaskakunata, ¿yupayta atiwaqchu? Wakna mana yupay atinam miraynikikunapas kanqa, nispa.

Génesis 21:12

Chaymi Abrahamta Dios nirqa: Ama llakikuychu warmamanta nitaq Agarmantapas. Sarapa tukuy nisusqaykita ruway, miraynikiqa hamun-qa Isaacllamantam.

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Mateo 1:1

Kaykunam Jesucristopa ñawpaq taytankuna, payqa karqa Abrahampa chaynataq Davidpa mirayninmi:

Lucas 1:55

Chaynatam ñawpaq taytanchik Abrahamman hinaspa mirayninkunaman prometerqa, nispa.

Hechos 3:25

Qamkunaqa profetakunapa castanmi kankichik, qamkunapaqmi pactota Dios ruwarqa ñawpaq taytaykichikkunawan, hinaspam Abrahamta nirqa: “Kay pachapi llapallan ayllukunam miraynikirayku chaninchasqa kanqaku”, nispa.

Romanos 12:5

Chaynataqmi ñoqanchikpas achkallaña kachkaspapas Cristoman hukllawakuspanchikqa chullallaña kachkanchik, huk cuerpopa partenkuna kachkaspapas llapanchikmi hukllaña kachkanchik.

Romanos 4:13

Diosmi kay pachata herencianku kananpaq Abrahammanwan mirayninkunaman prometerqa. Ichaqa kay promesataqa qorqa manam leyta kasukuptinkuchu aswanqa iñisqakuraykullam.

Romanos 4:16

Chaymi iñiptillan promesatapas Diosqa Abrahamman qorqa regalota hina llapallan mirayninkunapaqpas cheqaptapuni chay promesa kananpaq. Kaytaqa nichkani, manam leyta kasukuqkunallapaq chay promesa kasqantachu, aswanqa Abraham hina llapallan iñiqkunapaqpas kasqantam. Chaynapim Abrahamqa llapallanchikpa taytanchik.

Romanos 9:4

Paykunaqa Diospa churichakuykusqan Israelpa mirayninkunam. Diosmi hatu-hatun sumaq kayninta paykunaman qawachirqa, hinaspam pactota ruwarqa, leytawan promesankunata qospanmi imaynam yupaychanankupaq yachachirqa.

1~Corintios 12:12

Runapa cuerponqa huklla kachkaspapas achka parteyuqmi, ichaqa achka parteyuq kachkaspapas huk cuerpollam, chaynam Cristopas.

1~Corintios 12:27

Qamkunaqa Cristopa cuerponmi kankichik, sapakamam chay cuerpopa parten kankichik.

2~Corintios 11:22

¿Hebreo castachu kanku? Ñoqapas chay castam kani. ¿Israelpa mirayninchu kanku? Ñoqapas chay miraymi kani. ¿Abrahampa mirayninkunachu kanku? Ñoqapas paypa mirayninmi kani.

Gálatas 3:19

Hinaptinqa, ¿imapaqtaq leyqa servinman? Leytaqa qepatañam qowarqanchik, llapa runakunapa mana kasukuq kasqanta qawachinanpaq. Chay leyqa karqa, prometekusqanman hina Abrahampa miraynin Jesús hamunankamallam. Diosmi angelnintakama Moisesman leyta qorqa, chaynapim Moisesqa Diostawan runakunata allinyanachiq karqa.

Gálatas 3:8

Qellqapiqa rimarqañam iñikuptillanku mana judío kaqkunatapas mana huchayuqpaqña Diospa chaskisqan kanankumanta. Chaynapim ñawpaqmantaraq kay allin noticiakunata Abrahamman Diosqa nirqaña: Kay pachapi llapallan nacionkunam qamrayku bendecisqa kanqa, nispa.

Efesios 5:32

Kayqa mayna sasa entiendenam, kaytaqa nichkani Cristomantawan llapa iñiqkunamantam.

Colosenses 2:19

Paykunaqa manam Cristoman hukllawasqachu kachkanku, ñoqanchikmi ichaqa cuerpon kanchik payñataqmi umanchik, cuerponchikqa moqokunawan hinaspa ankukunawan hukllaman huñusqam kachkan, chaynatam ñoqanchiktapas Cristo hukllawaruwanchik hinaspam wiñachiwanchik Diospa munasqanman hina.

Colosenses 3:11

Kunanqa manam imananñachu judío otaq mana judío kaypas, qari kayninpi señalasqa otaq mana señalasqa kaypas, huklaw nacionniyuq kaypas, mana leeq kaypas, esclavo kaypas otaq libre kaypas, tukuy imamantapas allinqa Cristollam, payqa lliw iñiqkunapim kawsachkan.