Gálatas 3:12 - CHUYA QELLQA La Biblia en Quechua de Ayacucho 2012

¹² Leyqa manam iñiymantachu qallarimurqa, aswanqa kaynatam nin: “Pipas leyta cumpliqqa, chayraykum kawsanqa”, nispa.

Quechua Ayacucho Bible 1987

¹² Moisesqa manam kamachiwanchik: “Iñispa hapipakuychik” nispachu, aswanqa: “Pipas lliw kamachikuykunata cumpliqqa chayraykum kawsanqa” ninmi.

Chuya Qellqa 1992

¹² Leyqa manam iñiymantachu qallarimurqa, aswanqa kaynatam nin: “Pipas leyta cumpliqqa, chayraykum kawsanqa”, nispa.

Gálatas 3:12 Iomraidhean Croise

Nehemías 9:29

Kamachikuynikikunaman kutirikunankupaqmi anyarqanki, paykunam ichaqa hatun tukuspanku kamachikuynikikunata mana kasukurqakuchu, yachachikuynikikunapa contranpi huchallikuspam sarutyarqaku, chay yachachikuykunaqa kawsaytam qon pipas kasukuqninmanqa, mana kasukuq hinaspa rumi sonqo kaspankum mana kasukurqakuchu.

Ezequiel 20:11

Chaypim kamachikuyniykunata qospay decretoykunata yachachirqani, pipas ruwayman churaspa kawsananpaq.

Ezequiel 20:13

Ichaqa paykunam chay chunniqpi mana kasuwarqakuchu; kamachikuyniytapas manam kaqpaqpas hapirqakuchu, decretoykuna qosqaytapas wischupakurqakum, chaykunatam qorqani ruwayman churaspa kawsanankupaq. Aswanraqmi samana punchawniykunatapas pasaypaqta sarutyarurqaku. Chayraykum paykunaman piñakuyniyta kachaykuspay chunniqpi chinkarachiyta tantearqani.

Levítico 18:5

Chaynaqa, kamachikuyniykunatawan decretoykunata kasukuychik. Pipas chaykunata ruwayman churaqqa kawsanqam. Ñoqa Tayta Diosmi chaynata nini.

Mateo 19:17

Jesusñataqmi nirqa: ¿Imanasqataq allin niwanki? Allinqa chullallam, payqa Diosmi. Wiñay kawsayta munaspaykiqa Diospa kamachikuyninkunata kasukuy, nispa.

Romanos 11:6

Chaynaqa, Diospa kuyakuyllanman hina kaptinqa manañam ruwayninchikkunaman hinachu. Mana chayqa kuyakuyqa manañachá kuyakuychu kanman.

Romanos 4:14

Leyta kasukuqkunalla herenciata chaskiptinqa yanqapaqñam iñikuyqa kanman, hinaptinqa Diospa promesanpas manachá valenmanchu.

Romanos 4:16

Chaymi iñiptillan promesatapas Diosqa Abrahamman qorqa regalota hina llapallan mirayninkunapaqpas cheqaptapuni chay promesa kananpaq. Kaytaqa nichkani, manam leyta kasukuqkunallapaq chay promesa kasqantachu, aswanqa Abraham hina llapallan iñiqkunapaqpas kasqantam. Chaynapim Abrahamqa llapallanchikpa taytanchik.

Romanos 7:10

Chaynapim kawsayman pusawaqniy kamachikuyqa wañuyman aparuwan.